Maxay tahay farriinta uu Guterres diray caalamka ee ku saabsan Soomaaliya?

Visits: 78
(Rating 0.0/5 Stars) Total Votes: 0
0 0
Share via Social Media

Maxay tahay farriinta uu Guterres diray caalamka ee ku saabsan Soomaaliya?

.

Share

Xoghayaha Guud ee Qaramada Midoobay, Antonio Guterres ayaa beesha caalamka ugu baaqay inay sii waddo taageerada ay siiso Soomaaliya xilli dalka uu wajahayo caqabado siyaasadeed, amni, bani’aadannimo iyo horumarineed kadib soo afjaridda hawlgalkii siyaasadeed ee UNTMIS.

Farriin uu ku baahiyay bartiisa X (ex-Twitter) ayuu Guterres ku caddeeyay in dhammaadka hawlgalkaasi uusan ka dhignayn in Qaramada Midoobay ay joojinayso taageerada ay siiso Soomaaliya, balse ay sii mari doonto hay’adaha, sanduuqyada iyo barnaamijyada ay dalka ka waddo.

Wuxuu sheegay in taageerada caalamiga ahi ay lagama maarmaan u tahay in la ilaaliyo horumarka ay Soomaaliya gaartay, lana xoojiyo hay’adaha dowladda, si loo sii ambaqaado dadaallada dowlad-dhiska.

Sidoo kale, Xoghayaha Guud ayaa carrabka ku adkeeyay muhiimadda ay leedahay horumarinta wada-hadallada siyaasadeed ee loo dhan yahay iyo dib-u-heshiisiinta qaranka, kuwaas oo uu ku tilmaamay arrimo muhiim u ah mustaqbalka dalka.

Dhinacyada xuquuqda aadanaha, nabadda iyo xasilloonida ayuu sidoo kale xusay inay u baahan yihiin taageero joogto ah, iyadoo Qaramada Midoobay ay la shaqeyn doonto dowladda Soomaaliya iyo saaxiibbada caalamiga ah.

Dhanka kale, Guterres ayaa bogaadiyay horumarka ay Soomaaliya sameysay iyo adkeysiga shacabka Soomaaliyeed, isaga oo mahadcelin gaar ah u jeediyay shaqaalihii ka howlgalay UNTMIS iyo hawlgalladii Qaramada Midoobay ee ka horreeyay.

Soo afjaridda UNTMIS ayaa calaamad u ah dhammaadka marxalad ka mid ah joogitaanka siyaasadeed ee Qaramada Midoobay ee Soomaaliya, hase yeeshee hay’adda ayaa sii wadi doonta taageerada ay dalka ka siiso dhinacyada nabadda, xasilloonida iyo horumarka.