Baarlamaanka Turkiga ayaa ansixiyay mudo kordhin laba sano ah oo ay Ciidamada Turkigu kaga sii howlgeli karaan Soomaaliya kadib codsi ka yimid Madaxweyne Recep Tayyip Erdoğan taasoo keentay in baarlamaanku cod aqlabiyad leh ku ansixiyaan muda kordhintaasi.

Muda kordhinta la siiyay howlgalka Ciidamada Turkida ee Smalia wuxuu ka bilaabanaya 27-ka Luulyo 2026, wuxuuna ku egyahay 27-ka Luulyo 2028, golaanshaha Baarlamaanka Turkiga wuxuu sharci siinayaa howlgalka Ciidamada Turkiga inay sii joogaan mudadaasi.

Dowlada Turkida oo dhanka kale Somalia ka wada mshruuc shidaal soo saaris ah waxay talaabadaani Baarlamaanku qaaday sii xoojinaysaa iskaashiga amniga iyo wax wada qabsiga labada Dal xili waliba Soomaalidu baahi badan u qabto in walaalahooda Turkidu la sii joogaan.

Mooshinkaan muda kordhinta howlgalka ciidamada Turkida ee Somalia ayaa laga dooday fadhigii Golaha Guud ee Baarlamaanka Turkiga maalintii shalay,ugu danbeyna way ansixiyeen sidii uu u rabay Madaxweynaha Turkiga Recep Tayyip Erdogan