Howlgalka ayaa lagu dilay hal xubin oo ka tirsaneyd Al-Shabaab, halka xubintii kale lagu dhaawacay. Saraakiisha hoggaamineysay howlgalka ayaa Warbaahinta Qaranka u xaqiijiyay in howlgalka uu u dhacay sidii loo qorsheeyay, islamarkaana uusan wax khasaare ah soo gaarin ciidamada dowladda.

Dhanka kale, ciidamada amniga oo ku jiray heegan sare ayaa sidoo kale xalay fashiliyay isku day ay Al-Shabaab ku doonaysay inay weerar ama fal amni-darro ah ka geysato xaafadda Xaawo-Taako ee magaalada Baladweyne.

Ciidamada ayaa halkaasi ku dilay hal xubin oo ka tirsaneyd Al-Shabaab, halka xubin kale oo kooxda ka tirsanaa lagu qabtay isagoo nool.

Howlgalladan ayaa qayb ka ah dadaallada ay hay’adaha amniga Soomaaliya ku baacsanayaan xubnaha Al-Shabaab ee isku dayaya inay fuliyaan falal amni-darro ah, iyadoo ilaa iyo hadda Al-Shabaab aysan wax war ah ka soo saarin sheegashada dowladda ee ku aaddan howllgalladan.