Madaxweynaha dowlad Goboleedka Puntland Saciid Cabdullaahi Deni ayaa Maanta oo sabti ah xilka qaadis ku sameeyay Wasiirkii Wasaaradda amniga Puntland Cabdisamad Maxamed Galan iyo Wasiir Ku-xigeenka Wasaaradda Arrimaha Gudaha Maamulkaasi. Wareegto kasoo baxay Xafiiska Madaxweyne Saciid Deni Ayaan sidaan u qorneyd: Madaxweynaha Puntland Siciid Cabdullaahi Deni, ayaa soo saaray Xeer Madaxweyne Lr. 26, 17 June 2023, Kuna saabsan xil ka qaadis. Madaxweynaha Puntland Markuu arkay: Dastuurka Puntland Qodobkiisa 80aad. Markuu arkay: Xil gudasha la'aantooda Wuxuu xeeriyey: Waxaa xil ka qaadis lagu sameeyay: 1- Cabdisamad Maxamed Galan, Wasiirka Amniga iyo DDR-ta Puntland. 2_ Cabdiweli Mire Xirsi, Wasiir Ku-xigeenka Wasaaradda Arrimaha Gudaha , Federaalka iyo Dimuqraadiyeeynta Puntland. Xeerkani wuxuu dhaqan gelayaa markuu Madaxweynuhu saxiixo, Wuuna saxiixay.