Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa ugu hambalyeeyay Madaxweynaha Turkiga Erdogan Doorashada ka dhacday dalkaas. Madaxweynaha Turkiga mudane Rajab Tayib Erdogan ayaa ku guulaystay doorashadii dalalkaasi saakay loo dareeray, isagoo haley 52.87%, halka musharaxa la tartamayay ee mucaaradka uu helay 47.13%, waxaana la tiryay 99% codadkii la dhiibtay. Guddiga doorashooyinka dalka Turkiga ayaa laga sugayaa inay ku dhawaaqaan natiijada rasmiga ah ee doorashadda. Madaxweyne Erdogan oo muddo 20 sano ah ka talinayay dalkaas ayaa sidaas ku noqday hoggaamiyaha ugu muddada dheer Turkiga casriga ah, isagoo sii hoggaamin doona Turkiga 5 sano ee soo socota.