BBC-da ayaa ilo xogogaal ah ka ogaatay in mulkiilaha kooxda, muwaadinka Sucuudiyaanka ah, ee Amiir Abdullah, uu wada hadaladii ugu dambeeyay la yeelanayo maal-gashadayaasha reer Nigeria, taasoo la xiriirta iibka kooxda.

Dizo Mamoboussi, oo ah aasaasaha iyo maamulaha shirkadda teknolojiyadda ee Tingo, ayaa ku dhawaaday inuu iibsado kooxda kubadda cagta Yorkshire.

Sddeed bilood ka hor, ayaa ganacsade Mareykan ah, oo la yiraahdo Henry Morris, uu ku guul dareystay inuu iibsado kooxda.

Ninkan u dhashay dalka Nigeria, oo leh shirkad ku shaqaysa farsamada iyo maaliyadda, ayaa hantidiisa lagu qiyaasay 7.6 bilyan oo Doolar.

43-jirkan Afrikaan ah ee ka ganacsada teknolojiyadda, ayaa kooxda ku yeelan kara 108 milyan oo Doolar, haddii uu oggolaansho ka helo milkiilaha iyo agaasimaha kooxda Sheffield United