Kooxaha Newcastle United iyo Norwich City ayaa heerka labaad u laabtay kadib markii ay ku fashilmeen in ay baaqi ku si ahaadaan the Premier League kadib guul wayn oo ay kooxda Sunderlnad ka gaadhay Eveton. Sunderland ayaa 3-0 ku garaacday kooxda Everton kulan ka dhacay Stadium of Light.

Sunderland ayaa kulankan iskeentay iyada oo kaalinta 17 aaad ku jirtay isla markaan ogayd in guul ay ka gaadho Everton ay si rasmi ah u badbaadin doonto, waxayna Black Cats ka faa’iidaysatay fursad ay u haysatay in ay mustaqbalkeeda badbaadiso. Sunderland ayaa hadda leh 38 dhibcood, kulanka xili ciyaareedka Premier leaque-ga ugu danbeeyana waxay ciyaari doontaa iyada oo ka badbaaday heerka labaad.Newcastle iyo Norwich ayaa min 37 kulan ka hadhay 34 dhibcood sidaa daraadeed kulanka u hadhay xataa haddii ay badiyaan ma soo gaadhi karaan 38 ka dhibcood ee ay Sunderland haysato.

Laakiin kooxda Norwich City ayaa guul wayn ka gaadhay Watford laakiin guusheeda ayaa timid waqti ay Sunderland badisay isla markaana ay booskeeda xaqiijisatay. Norwich ayaa 4:2 ku xaaqday Watford balse guushan ayaan kooxdan ka badbadin in ay heerka labaad u laabto. Suderland ayaa noqotay koox ku takhasustay sida looga badbaado heerka labaad waxayna sidan oo kale ay u badbaaday xili ciyaareedkii hore.

.

Waxaa xili hore heerka labaad u laabtay kooxda Aston Villa, waxaana hadda kula biiray heerka labaad kooxaha Newcastle United iyo Norwich City laakiin kooxaha Burnley iyo Middlesbrough ayaa u soo dalacay Premier Leaque-ga iyada oo booska kaalinta saddexaadna isreeb reeb loo soo gali doono.