Wargeyska Washington Post ee ka soo baxa dalka Mareykanka ayaa 7-dii Bishan daabacay Warbixin la xiriirta in Nabad Suggida Somaliya ay askareyso Caruurta ka soo goosata Shabaab, kuwaasi oo Wargeyska uu ku sheegay in loo yaqaan (Farmuuq).

Dowladda Somaliya waxa ay sheegtay inay ilaalinayso xeerka ku aadan inaan caruurta la askareyn Karin, sidoo kalena aanan loo adeegsan karin arimo ku aadan Basaasnimada.

Dowladda Somaliya iyo Hay’adaheeda kala duwan ayaa lagu sheegay qoraalka inay ilaalinayaan xuquuqda Muwaadiniinta Somaliyed iyo mida caruurta intaba si uusan u dhicin xadgudub.

Dhalinyaro ka soo goostay Ururka Al Shabaab ayaa dhanka Dowladda Somaliya ku soo biira, balse intooda badan waa dhalinyaro qaangaar ah oo ku biiri kara Askarta Dowladda.

Al Shabaab ayaa dagaal kula jirta Dowladda Federalka Somaliya iyo ciidamada Amisom, iyadoo uusan jirin sharci qabanaya Shabaab, maadaama ay askareeyaan caruurta.