MADAXWEYNAHA "DOWLAD AY NIMMAN DAMJADIID LEEYIHIIN AMA AY LAHAAN KARAAN DALKAN KAMA JIRTO" Madaxweynaha Soomaaliya Xasan Sheekh Maxamuud ayaa waxba kama jiraan ku tilmaamay in awooda dalka ay leeyihiin urur gaar ah, isagoo cadeeyay inuusan ka mid aheyn, waligiisna ka mid noqon Urur diimeedyada dalka ka jira.

 

 

Madaxweynaha ayaa sheegay in aysan jirin dowlad ay leeyihiin DamJadiid oo ah urur diimeed lagu xaglinayo in awooda dalka ay leeyihiin, waxaana uu tilmaamay in dowladda aanay jirin koox gaar ah oo lahaan karta.

"Aniga ka Madaxweynaha Jamhuuriyada ama ka Xasan Sheekh ahaan urur diimeed waligey kama mid noqon, shalayna kama mid ah, Damul Jadiid, AlIslaa, Aala Sheekh, Ahlusuna, Ictisaam AlItixaad, midna kama mid noqon, Madaxweyne kasta dad ka agshaqeeya oo ka agdhaw oo shaqada u fududeeya wey soo jireen, dabcana waa ay jirayaan, laakiin Dowlad Damul Jadiid ay leedahay dalkan kama jirto”ayuu yiri Madaxweynaha oo ka hadlayay barnaamij dood ahaa oo qadka Internetka uu kaga qeyb galay oo kumanaan ruux ay ku taxan yihiin, kaasoo su’aalo lagu weydiiyay.

Madaxweynaha oo mar la weydiiyay inuu musharax yahay sanadka 2016 ayuu mar kale sheegay inuu yahay musharax, isla markaana uu rajeynayo inuu mar kale qabto xilka Madaxweynaha, hadii laga guuleystana uu la shaqeynayo cidii xilka loo doorto

"Waxaan rabaa inaan dhaqan cusub iyo wado cusub inaan jideeyo, Musharaxna waan ahay oo sidaas ayaan Musharaxa ku ahay, hadii la ii doorto inaan mar kale sii joogo diyaar u ahay, hadii aan la ii garan waxaa raalli ka ahay inaan xilka ku wareejiyo qofka la doorto”ayuu yiri Madaxweyne Xasan Sheekh.

Ugu dambeyn Madaxweynaha ayaa sheegay in hadii ay suura geli weysay doorasho hal cod hal qof aysan marnaba diyaar u aheyn inay waqti kordhin sameystaan, waxaana uu tilmaamay qaladaadka ay leedahay waqti kordhinta ay soo arkeen, qaladkii daraad la galayna aanay shalay diyaar u aheyn inay galaan.

WADA HADALADA MAAMULKA HAWADA EE U DHAXEEYA SOOMAALIYA IYO SOMALILAND OO KA FURMAYA TURKIGA

Wada hadalada dhinaca maamulka Hawada ee u dhaxeeya Dowladda Soomaaliya iyo Maamulka Somaliland ayaa lagu wadaa in todobaadkan uu ka furmo dalka Turkiga, iyadoo wali uu hakad ku jiro wada hadaladii dhinaca siyaasada.

Wasiirka Duulista Hawada iyo gaadiidka cirka ee maamulka Somaliland Maxamuud Xaashi Cabdi iyo wafdi uu hogaaminayay oo daraad ka ambabaxay magaalada Hargeysa, kuna sii jeeday magaalada Ankara ayaa sheegay in todobaadkan uu bilaabanayo wada hadaladii dhinaca hawada.

Maxamuud Xaashi oo wareysi siiyay Idaacada VOA ayaa sheegay in aanay marnaba aqbali doonin in magaalada Muqdisho laga maamuo hawada Soomaaliya sida uu yiri,

"Waxaa cadeynayaa in Hawada Somaliland laga maamuli doonin magaalada Muqdisho, marna Somaliland kama tanaasuleyso mowqifkeeda, waxaa daraad diidnay, shalayna yeeli meyndo”ayuu yiri Wasiirka Duulista Hawada ee Somaliland.

Waxaa uu sheegay in Somaliland ay dooneyso inay dhacaan saddex arrin midkooda, kuwaasoo kala ah; in Hawada laga maamulo Hargeysa, ama hawada loo kala gooyo Somaliland iyo Soomaaliya, ama in Qaramada Midoobey ay gacanta ku sii hayso.

Sidoo kale waxaa uu sheegay in hadii aysan saddexdaas arrimood dhicin ay isaga tagi doonaan wada hadalada sida uu hadalka u dhigay.

Ra’iisul Wasaaraha Soomaaliya Cumar Cabdirashiid ayaa maalin ka hor xariga ka jaray taawarka cusub ee laga hagi doono Hawada Soomaaliya oo laga hirgeliyay garoonka diyaaradaha ee Aadan cadde ee Magaalada Muqdisho.

Maamulka Hawada Soomaaliya ayaa waxaa gacanta ku haya Hey’adda ICAO ee hoos tagta Qaramada Midoobey, iyadoo hey’adan oo fadhigeedu ahaa Nairobi ay tan iyo 1991 ay si toos ah u maamuleysay hawada Soomaaliya, waxaana dhowr jeer oo hore dowladda Soomaaliya ka codsaday inay ku soo wareejiso.

R/WASAARAHA OO SOO XIRAY SHIR LOOGA HADLAYAY ARRIMAHA DASTUURKA ..

R/wasaaraha dalka ayaa soo xiray shir looga hadlayay arrimaha dastuurka oo muddo Sadex maalmood ah ka socday magaalada Muqdisho. Shirkaan oo ay soo qaban qaabisay wasiradda arrimaha dastuurka ee xukumadda Federaalka Soomaaliya ayaa waxaa ka qeybgalay wasiirrada dastuurka ee maamul goboleedyadda ka jira dalka.

Shirka oo ay soo qaban qaabisay wasaradda Dastuurka ee xukumaddda Soomaaliya ayaa looga hadlay dardar galinta geeddi socodka dib u eegista dastuurka KMG ah ee dalkeena iyo sidii maamul gobolye edyadu ay kaalin ugu yeelan lahaayeen howlaha dib u habaynta dastuurka,

Mudane Xuseen Maxamuud Sh.Xuseen wasiirka Arrimaha dastuurka ee xukumadda Soomaaliya oo kulanka ka hadlay ayaa sheegay in 10 qobad ay isku afgarteen ay muhiim u tahay dib u eegista dastuurka dal ka R/wasaare Cumar Cabdirashiid Cali oo shirka soo xiray ayaa tilmaamay in dastuurka dib u egistiisa lagu saleeyo in uu noqdo mid ka shaqeeya horumarka iyo midnimadda ummadda Soomaaliyeed.

Shirkaan wada tashiga ah ee lagu soo gaban gabeeyey magaladda Muqdisho oo ay isugu yimadeen wasiiradda arrimah dastuurka ee maamul goboleedyadda dalka ayaa qayb ka ah qorshaha la doonayo in dastuurka KMG ah looga dhigo mid rasmi ah oo uu leeyahay dalkena.

XEER ILAALIYAHA: WAY DHAMSHALAYY XILLIGII DADKA SIDA SHARCIDARRADA AH LA ISAGA SOO XIRAN JIRAY

Xeerilaaliyaha Guud ee Qaranka Dr. Axmed Cali Daahir ayaa shalay ka dhawaajiyay inay dhamshalayy in xilligii dadka la iska xiran jiray, isla markaana xabsiyada laga isaga haysan jiray, iyagoo aan wax xukun ahi ku dhicin.

Dr. Axmed Cali Daahir ayaa sheegay inay ka warqabaan xabsiyada dowladda gacanta ku hayso iyo dadka ku xiran, isagoo intaas ku daray inaanu xirnaan karin qofka muwaadinka ah muddo 48saac ka badan.

"Xilligii dadka la iska xiran waa dhamaaday. Waxaan sameynay dadaal badan, waana laga gudbay, Inkastoo ay weli wax jiraan haddana waa waxaan badnayn,” ayuu hadalkiisa ku daray Xeerilaaliyaha Qaranka.

Sidoo kale, Xeerilaaliyaha ayaa daboolka ka qaaday inaan 17ka saldhig iyo xabsiyo kale aan hadda qofna lagu xiri karin iyadoo aan wado sharci ah loo soo marin. Ugu dambeyn, hay’adaha amniga dowladda Somalia ayaa horay lagu dhaliilay in ay dadka si aan sharci ahayn u soo xirtaan, iyagoo aanay maxkamadi amarin xarigga qofkaas. iyadoo xabsiyada ay ku jiraan dad badan oo aan maxakmad la horgeyn.

Si kastaba ha ahaatee, hadalka Xeerilaaliayaha guud ee Qaranka ayaa wuxuu kusoo beegmayaa, iyadoo dhawaan Muqdisho lagu xiray laba wariye oo Universal Tvka tirsan, kuwaasoo ugu dambeyn si shuruud la’aan ah lagu sii daayay.

SHEYBAARKII DOWLADDA OO LA SOO CELIYAY MUDDO 24 KA DIB LAGA FURO MAGAALADA MUQDISHO.

Waxaa shalay dib Magaalada Muqdisho looga hirgeliyay Sheybaarkii Dowladda, oo muddo 24 sano uu adeegiisii goobta ka maqnaa, waxaana suurtagashay in juhdi badan ka dib shalay laga furo Magaalada Muqdisho.

Agaasimaha Wasaaradda Caafimaadka Somaliya, C/khani Sheekh Cumar, ayaa waxa uu xaqiijiyay 24 sano ka dib inay dib u furayn Xaruntii Sheybaarka Dowladda.

Agaasimaha oo shalay Saxaafadda kula hadlay Magaalada Muqdisho, ayaa wuxuu shegay in juhdi badan ay ku bixiyen, sidii ay u furi lahaayen Xaruntaasi, ka dib 24 sano oo dadku la’aayen adeegaasi. Sidoo kale waxa uu sheegay in laga nasan doono oo laga gudbaayo dhiiggii loo qaadi jiray Magaalada Nairobi, si baaritaano loogu soo sameeyo, isagoona mahdiyay in culeyskaasi laga gudbay.

Agaasimaha wuxuu bidhaamiyay in Sheybaarka ay ku diyaarsan yihiin dhammaan Shaqaalihii loogu tallagalay inay u adeegaan bulshada Somaliyeed.

C/khani Sheekh Cumar, ayaa shacabka Somaliyeed ugu baaqay inay ka faa’iideystan Xarunta Sheybaarka cusub ee dib looga furay Magaalada Muqdisho, haddii uu diyaar ula yahay in uu daboolo baahida shacabka.

SHABAAB OO SHEEGAY AWOOD MUUQATA INAY KU LEEYIHIIN GUDAHA DALKA KENYA

Ururka Al Shabaab, ayaa si rasmi ah u cadeeyay inay awood muuqato ku leeyihiin gudaha dalka Kenya, xilli Xukuumadda Kenya ay la dhibaateysan tahay iska caabinta Xoogaga Shabaab ee gudaha dalkaasi fariisimaha ciidan ka sameystay.

Shabaabka waxa ay markii ugu horeysay xaqiijiyeen inay ciidamo badan ka joogaan Keymaha Boni oo ah dhul howd ah, dhulkan waxaa la sheegayaa inay ku jiraan ku dhawaad 300 oo ciidan oo Shabaab ka tirsan, kuwaasi oo isugu jira Somaliy iyo Ajaanib u dhashay dalka Kenya.

Sarkaal ka tirsan Shabaabka oo ka soo jeeda dalka Kenya, laguna magacaabo Sheekh Axmed Iimaan oo ka soo muuqday Video Shabaabka soo bandhigeen, ayaa sheegay inay awood ku leeyihiin Keymaha Boni, isaga oo fariin u diray Xukuumadda Kenya.

"Anaga ayaa joogna Keymaha Boni ee Kenya ciidanka kufaarta Kenya waxaa leenahay hadaad awood leedihiin kaalaya oo naga saara”. Ayuu yiri Sheekh Axmed Iimaan.

Sarkaalkaan wuxuu sheegay gudaha dalka Kenya inay ku faafin doonaan dagaalka oo ugu yeeray jihaadka.

Sawiro Shabaabka ay soo bandhigeen, ayaa muujinaayay ciidamo ka tirsan Xarakada oo tababar ku qaadanaya dhul geedo waaweyn ay ku yaallaan oo howd ah, halkaasi oo ah Keymaha Boni oo Shabaabka ay ku jiraam.

Dowladda Kenya ayaa dhawaan ku dhawaaqday inay qaadeyso howlgal ka dhan ah Shabaabka ku sugan keymaha Boni, inkastoo weli natiijo fiican aysan Kenya ka gaarin howlgalkaasi.

WASIIRO KA TIRSAN GALMUDUG OO SARAAKIIL NATO AH KULA KULMAY MARKAB DAGAAL DUSHIISA

Wasiiro ka tirsan Maamulka Galmudug, ayaa markab dagaal dushiisa waxa ay kula kulmeen Saraakiil ka tirsan NATO, kulankaasi oo ka dhacay meel ku dhaw Xeebta Degmada Hobyo ee Gobolka Mudug.

Muhiimada kulanka ayaa ah sidii la isaga kaashan lahaa ammaanka Xeebaha Degmada Hobyo, maadaama xilligan uu aad u yaraaday falalka Burcad badeeda ay ka geysan jirtay Biyaha ku teedsan Degmada Hobyo.

Guddoomiyaha Degmada Hobyo ee Maamulka Galmudug, Maxamuud Cawaale Liibaan ayaa sheegay in ahmiyad weyn ay u laheyd kulankaasi oo waxyaabo badan la isku soo hadal qaaday.

Waxa uu tilmaamay in ay ka heleen ballan qaad ah inay ka qeyb qaataan horumarka deegaanka, maadaama hadda aysan jirin burcad badeed, sidoo kalena ay qalab ciidan u keeni doonaan.

"Waxay ina dhaheen maadaama ay yaraatay Burcad badeeda waxaan idiin sameyn doonnaa ka qeybqaadashada horumarinta, ciidamadana qalab ayaan idiin siineynaa, waana ku faraxnay arrinkaa.” Ayuu yiri Guddoomiyaha.

Wasiirada Maamulka Galmudug, ayaa Saraakiisha NATO waxa ay u gudbiyeen dacwad la xiriirta inay ka cabanayaan xaalufin Kheyraadka Badda oo ay geystaan Maraakiin shisheeye.

Saraakiisha NATO oo ay wada kulmeen Wasiirada Maamulka Galmudug ayaa waxa ay ka socdeen Dowladda Denmark.

DOWLADDA MASAR OO SOMALIYA U SOO DIRTAY KOOX BAARAYA QAABKII AY U DHACDAY DIYAARADII CARBISKA KU DHACDAY

Dowladda Masar ayaa Somaliya waxa ay u soo dirtay Koox Baarayaal ah oo baaritaan rasmi ah ku sameeya, sababtii ka dambeysay inay dhacdo diyaarada Tristar Air Airbus A300 oo habeen hore ku dhacday Deegaanka Carbiska ee Gobolka Shabeellaha hoose.

Sida uu sheegay Madaxa Duulimaadyada Rayidka ee dalka Masar Maxamuud Zenati, Kooxdaan baarayaasha ah ayaa waxa ay ka shaqeyn doonaan sidii ay xog buuxda uga keeni lahaayeen, waxyaabaha keenay inay dhacdo diyaarada.

Waxa uu sheegay Sarkaalkaan diyaarada inay aheyd mid xamuul ah, balse dhicitaanka uu sabab u noqday cilad Diyaarada ku timid, taasi oo keentay in Diyaarada ay ku degto meel ka baxsan magaalada Muqdisho.

Dowladda Somaliya ayaa sheegtay Masar inay kala shaqeyn doonto baaritaanka la xiriira cilada ku timid diyaarada iyo qaabka ay u dhacday intaba.5

Diyaaradan oo bur bur soo gaaray ayaa hada taallo Deegaanka Carbiska ee Gobolka Shabellaha hoose, halkaasi oo amnigeeda ay sugayaan ciidamada Dowladda iyo kuwa Amisom.

Maareeyaha Hay’adda Duulista & Saadaasha Hawada Somaliya, C/waaxid Sheekh Cumar, ayaa wuxuu sheegay diyaaradan inay cunto qaboojisan u siday Ciidanka Nabad Ilaalinta Midowga Afrika.

Maareeyaha wuxuu sheegay inay la socdeen oo ay ka warqabeen in diyaaraddu ku soo wajahan tahay Garoonka Aadan Cadde, xilli sida uu sheegay ay ka timid dalka Masar oo laga lee yahay, walow ay saacado ka soo dib dhacday waqtigii la suggaayay.

TALIYE KU XIGEENKA CIIDANKA AMISOM OO SAFARRO KU TAGAY BAARDHEERE IYO DIINSOOR

Taliye ku xigeenka ciidamada lugta AMISOM, Jen. Mohammedesha Zeyinu ayaa soo gunaanaday safarro uu ku tagay magaalooyinka Diinsoor iyo Baardheere oo ka kala tirsan gobollada Bay iyo Gedo ee Koonfurta Soomaaliya. Isagoo kula dardaarmay ciidamada ku sugan inay amniga labadaan degmo adkeeyaan.

Degmooyinkan ayaa Alshabaab laga saaray bishii July ee sannadkan, halkaas ahayd goobo ay u adeegsan jireen tababarada xoogaggooda, ayna kasoo abaabuli jireen weerarrada ay ka geysanayeen gobollada Bay, Bakool iyo Gedo.

Jen. Mohammedesha Zeyinu ayaa booqashadiisa ku sheegay mid ay ciidamada u dhiirrigelin lahaayeen, isla markaana ay wax uga ogaan lahaayeen xaaladda ay ku sugan yihiin iyo tan labadaas magaalo. Isagoo ciidamadii uu la kulmay si aad ah ugu ammaanay howsha ay hayaan iyo sidii ay u soo afjareen sannado badan oo ay Alshabaab dhibaatooyin ku haysay shacabka degmooyinkaas ku noolaa.

"Hawlgalkii aad kula wareegteen degmada Baardheere waa mid guul weyn u ah ciidamada AMISOM, shacabka Soomaaliyeed iyo weliba saaxiibbada gacanta ka geystay sidii hawlgalkiinnan uu u guuleysan lahaa. Sidaa awgeed waxaan idin kaga mahadcelinayaa howsha ay sameyseen,” ayuu Jen. Zeyinu ku yiri hadal uu jeediyay ciidanka AMISOM ee ku sugan degmada Baardheere ee gobolka Gedo.

Sidoo kale, wuxuu hadal u jeediyay ciidanka AMISOM iyo kuwa dowladda Soomaaliya ee ku sugan degmada Diinsoor ee gobolka Bay, isagoo ayuu ku boorriyay in ay si wanaagsan ula shaqeeyaan ciidamada dowladda Somalia si Somalia oo dhan looga saaro Alshabaab.

"Ujeeddada howlgalkeenna Somalia waa inaan ka adkaanno oo aan ciribtirno Alshabaab, si aan dib ugu soo celinno nabadda iyo deggenaashaha dalka Somalia, gobolka iyo weliba qaaradda oo dhan, maxaa yeelay cadowgani waxay cadow ku yihiin; dadka Soomaaliyeed iyo guud ahaan Bariga Afrika. Markii aan ciribtirno cadowgan ayaan awoodi karnaa inaan xaqiijinno xasilloonida Soomaaliya iyo tan gobolka oo dhan. Arrintuna waa mid cad oo aad ogtihiin, waayo halkan kama jirin nabad, xasillooni iyo horumar, xaalkuna mar walba way kasii darayay,” ayuu yiri Jen. Mohammedesha.

Ciidanka AMISOM iyo kuwa maamulka ka jira gobolladan ayaa waxay dadaallo ugu jiraan sidii ay u adkeyn lahaayeen amniga deegaannadii Alshabaab laga saaray, iyagoo shacabka ku boorriya inay lasoo socodsiiyaan wax walba oo ay u arkaan inay khatar ku yihiin oo ka imaanaya dhanka Alshabaab.

Ugu dambeyn, Ciidamada AMISOM ayaa waxay tababbarro siinayaan ciidammo ka socda bulshada degmooyinka Baardheere iyo Diinsoor, kuwaasoo isug jira dumar iyo rag, iyagoo doonaya inay qayb ka qaataan sugidda amniga markii tababarku u dhammaado.

 

SOOJEEDIN XALLINTA QODOBBADA KU XUSAN MOOSHINKA

Qaybta 1aad: Xeer Lam.5 ee 28 Jan 2015:

Maadaama Xeerkan uusan marin habraaca ansixinta sharci‐dejinta iyo meel marinta dalka u degsan oo ay hindiseyaasha sharci dalka ugu yeeshaan awood fulineed, waxaan soo jeedineynaa in:

1.Sharcigan laburiyo;

2. Haddii Xukuumaddu ay la tahay in sii jiritaanka sharcigan uu muhiim u yahay amniga guud ee qaranka,in ay soo mariso Habra aca sharci dejinta si loo ansixiyo;

3. Haddii Xukuumaddaka maaranto sida ku xusan faqradda 2ad in qa ybtan, in Wasaaradda Cadaaladda soo diyaariso habraaca ka saar idda Faafinta Rasmiga ah Ee Jamhuuriyadda Federaalka Soomaaliya.

HABRAACA FULINTA QAYBTAN WAXAA U XILSAARAN:

Wasaaradda Cadaaladda: Soo diyaarinta looga saarayo Faafi nta Rasmiga inta lagu gudajiro Kalfadhiga 7aad.

Xafiiska R/Wasaaraha Xukuumadda FederaalkaSoomaaliya:

Soo gudbinta Hindise Sharciyeedka.

• Guddiga Cadaaladda, Awqaafta iyo Arrimaha Diinta:

Dabagalka iyo korjoogteynta Wasaaradda Cadaaladda.

Qaybta 2aad:Kala Soocidda Awoodaha Dowladda:

1. Awoodda Fulinta: Si tuhunka meesha uga baxo,awoodaha hay’ adaha dastuuriga ah ee dowladdana ku kala cadaadaan, waxaa laga ma maarmaan ah,in Xukuumaddu si deg deg ah dib u eegis ku samey so Xeerka NidaamkaXukuumadda

Lr 14 ee 3/6/1962, Sharci Lr. 1 ee 7/2/1965, Sharci Lr 4 ee 24/9/1967 iyo isbeddelaaddii ka dambeeyey, kuna horkeento in ta lagu gudajiro Kalfadhiga 7aad ee Golaha Shacabka;

HABRAACA FULINTA QAYBTAN WAXAA U XILSAARAN:

• Xafiiska R/Wasaaraha: Diyaarinta Hindisaha iyo usoo gudbinta Golaha Shacabka Guddi Hoosaad u xil saaran dabagalka iyo ko rjoo gteynta arrinkan oo uu soo magacaabo Guddoonka Golaha Shacabka.

2. AwooddaGarsoorka:Maadaama Garsoorku u baahan yahay dib u habayn waafaqasan Dastuurka iyo inla sugo Madaxbanna anidiisa,kana dhawrsanaado faragelin uga timaada laamaha kale ee dowladda,waxaa lagama maarmaan ah:

A. In si deg deg ah loo ansixiyo xubnaha Golaha Adeegga Gar soorka ee horyaalan Golaha Shacabka;

B. In si degdeg ah Golaha Shacabka u dhammeystiro Sharciga lagu dhi sayo Guddiga Madaxabannaan ee Xuquuqul Insaanka iyo in la soo ded ejiyo magacaabista xubnihiisa;

c. In si deg deg ah loo dhammeystiro Sharciga lagu dhisayo Ma xkama dda Dastuuriga ee hadda horyaala Guddiga Cadaaladda ee Golaha Shacabka iyo ansixinta xubnaha Maxkamadda Dastu uriga ah;

D.In si deg deg ah loo magacaabo Kormeere Garsooreed (Judici al Ins pector) oo ilaaliya hufnaanta adeegga Garsoorka iyo go’aa nnada gars ooreyaalka,si waafaqsan Qod.36 Faq.2aad ee Xee rka Nidaamka Garsoorka Lr 3 ee 12/6/1962;

e. In dibueegis lagu sameeyo Xeerka Nidaamka Garsoorka Lr.03 ee 12 Juun 1962 si loo waafajiyo Dastuurka Federaalka Soomaaliya.

F. In dib‐u‐habeynta Laanta Garsoorka iyo dib‐u‐eegis lagu nidaa min ayo meeleynta garsoorayaasha iyo howlwadeennada laanta garsoorka oo si degdeg ah loo fuliyo si waafaqsan Qodobka 118 (5) ee Dastuurka iyo Qodobka 5 (2) iyo (3) ee Sharciga lagu dhi say Guddiga Adeegga Garsoorka oo Golaha Shacabku ansixiyey 30 Juun 2014.

HABRAACA FULINTA QAYBTAN WAXAA U XILSAARAN:

Wasaaradda Cadaaladda: Soo diyaarinta Hindise Sharciyeedka Dib‐u‐eegista Nidaamka Garsoorka ka qeybgelidda marxaladaha ansix inta hindiseyaalka Maxkamadda Dastuurka Iyo QaraarkaXubnaha Guddiga Madaxabannaan ee Adeegga Garsoorka.

Wasaaradda Haweenka iyo Xuquuqul Insaanka: Ka qeybge lidda marxa ladaha ansixinta hindisaha sharciga lagu dhisayo Guddiga Madaxabanna an ee Xuquuqul Insaanka iyo Qaraarka ansixinta Xubna ha Guddiga Madaxabannaan ee Xuquuqul Insaanka.

Xafiiska R/Wasaaraha: Isuduwidda iyo howlgelinta Wasaaradaha kor ku xusan.

Guddiga Cadaaladda, Awqaafta iyo Arrimaha Diinta ee Golaha Shacbiga: Diyaarinta warbixinta akhrinta 2aad,3aad iyo ansixinta ee Hindisaha Sharciga lagu dhisayo Maxkamadda Dastuuriga diyaarinta Qaraarka ansixinta Xubnaha Guddiga Maxkamadda Dastuur ka iyo Qaraarka ansixinta Xubnaha Guddiga Madaxabannaan ee Adeegga Garsoorka. FG:arrimahan waa in lagu dhameyst iraa inta lagu gudajiro Kalfadhiga 7aad Ee Golaha.

Guddiga Xuquuqul Insaanka ee Golaha Shacabka: Dhammeystiridda warbixinta akhrinta 3aad ee Hindisaha Sharciga lagu Dhisayo Guddiga Madax abannaan Ee Xuquuqul Insaanka Diyaarin ta Qaraarka ansixinta Xubn aha Guddiga Madaxabannaan ee Xuquuqul Insaanka.

FG: howlgalkan waa in la fuliyaa inta lagu gudajiro Kalfadhiga 7aad ee Golaha Shacabka.

Qaybta 3aad:Hay’adaha Difaaca, Amniga iyo Nabadsugidda:

1. In Guddiga Amniga Qaran loo dhiso si waafaqsaan Qod.

111H ee Dastuurka, degdegnaloo soo saaro Sharciga lagu dhisayo magaca abidda Guddiga;

2. In dib u eegis dhab ah lagu sameeyo shuruucda ay ku dhisan yihiin Ciidam ada Qalabka Sida, oo ay ka mid yihiin Xoogga Dalka Sooma aliyeed,

Ciidanka Booliska Qaranka,Ciidanka Asluubta iyo Hay’adda Sirdoonka iyo Nabadsugidda Qaranka si loo waafajiyo Dastuurka Federaalka iyo baahidda iyo duruufaha dalka hadda ku sugan yahay;

3. Dhammaan Ciidamada Qalabka sida in lagu sameeyo tirakoob sax ah oo casriyeysan (biometric), laguna maamulo daahfurnaan, dhawri sta iyo u kala dambeynta darajooyinka iyo talinta sharciga, dhexdhexa andimo xagga siyaas adda, laguna tababaro dhaqangelinta dastuurka ilaalinta iyo kaydinta

hubka,sharciyadda dalka iyo heshiisyada caalamiga oo ay qayb ka tah ay JFS, si waafqasan Qod.127ee Dastuurka;

4. Dib u eegis dhab ah lagu sameeyo magacaabista xilalka talisyada Cii adam ada Qalabka Sida iyo hoggaamadooda,si waafaqsan Sharuucda ay ku dhisan yihiin iyo Xeerka Nidaamka Xukuumadda, laguna saleeyo aqo on iyo khibrad iyadoo magacaabista jagooyiinka sare sida Taliyeyaasha Ciidamada iyo Ku xigeennadooda la horgeeyo Golaha Xukuumadda, laguna soo saaraa Faafinta Rasmiga ee Jamhuuriyadda;

5. In la dhiso guddiyo kormeer rayad ah oo Hubiya xaaladaha dadka ku jira xabsiyada iyo dadka ku xiran saldhigyada Booliska iyo hay’adaha amniga, iyo in ay ormeeraan dadka rayadka ah ee ku sugan deegaan nada colaada ka jirta si waafqsan Qod. 126 (6) Ee Dastuurka;

6. In la dejiyo nidaam siyaasadeed ee amni iyo difaac ku wajahan sida ay Dowl addu dib ugu hanan lahayd sugidda amniga iyo difaaca dalka iyo in dib u eegis lagu sameeyo heshiiska SOMA 2007 oo ay ciidamada AU ku joogaan dalka;

7. In si degdeg ah loo dejiyo Sharci habeeya Ilaalada gaarka ah oo ay Is ka leeyi hiin (Private Security) Shirkado Soomaali iyo kuwo ajanabi ahba leh si xogt ooda, howlgaladooda iyo xadgudubyada ay galaanna lo oga warhayo;

Wasaaradda Gaashaandhiga: Soo diyaarinta dib‐u‐eegista Sharciga lagu dhisay Ciidanka Xoogga Dalka Soomaaliyeed ‐in tirakoob sax ah oo casriyeysan (biometric) lagu sameeyo Ciidanka Xoogga Dalka Soomaaiyeed – soo diyaar inta dib‐u‐eegista heshiiska SOMA 2007 oo ay ciidamada AU ku joogaan dalka.

Page 5 of10 Wasaaradda Cadaaladda: soo diyaarinta dib‐u‐eegista Sharciga lagu dhisay Ciidanka Asluubta ‐ in tirakoob sax ah oo casriyeysan

(biometric) lagu sameeyo Ciidanka Asluubta.

Xafiiska R/Wasaaraha: isuduwiddaiyo howlgelinta Wasaaradaha kor ku xusan iyo soo gudbinta Hindise Sharciyeedyada.

Guddiga Arrimaha Gudaha, Maamullada Gobollada iyo Amniga ee Golaha Shacabka:

Dabagalka iyo korjoogteynta howlaha loo xilsaaray Wasaaradda Amniga. Guddiga Difaaca ee Golaha Shacabka: dabagalka iyo korjoogteynta

Howlaha kor ku xusan ee loo xilsaaray Wasaaradda Gaashaandhiga.

 Guddiga Cadaaladda, Awqaafta iyo Arrimaha Diinta ee Baarlamaanka:

Dabagalka iyo korjoogteynta howlaha kor ku xusan ee loo xilsaaray Wasaarad da Cadaaladda.

Qaybta 4aad: Hantida Guurtada iyo Maguurtada Dowladda iyo

Dadweynaha:

1. Hantida Guurtada:

Arrimaha ku saabsan lacagta ay lahayd Dowladda ee taallay Bankiga Federaalka ee New York, in Wasaaradda Maaliyadda iyo Bankiga Dhexe ay soo baaraan, una soo gudbiyaan Guddiga Maaliyadda ee Golaha Shacabka

Warbixin dhab ah oo ay ku tifaftiran yihiin raadraaca lacagtaas iyo halka

Ay ku dambeysay si Guddiga Maaliyadda tallooyiinkiisa arrinkan ugu abbaaran ugu horgeeyo fadhiga guud ee Golaha Shacabka.

2. Hantida Maguurtada ee Dowladda:

a. dhammaan hantida maguurtada ah ee ku

jiray milkiyadda dowladda dhexe ee ku lahayd dhammaan gobollada dalka taniyo 1990 oo ay ka mid yihiin dhismooyin iyo dhulal, Gegooyinka Dayuura daha, Dekedaha, Cisbitaallada, Iskoollada, Xarumaha Ciidamada,

Warshadaha, Beeraha, Garoonnada Ciyaaraha, Hoteellada, Rugaha Caafimaa dka, Beeraha Nasashada (jardiimooyin) iyo Xurumaha kale

Oo ay ku jiraan, kuna koobneen kaalimaha shidaalka oo ay dowladdu lahayd,

oo si aan sharciga waafaqsaneyn taniyo 31 Diseembar 1990 ka dib…

.Eeg Bogga 5aad

 

 

ka yimid Bogga 4aad

SOOJEEDIN XALLINTA QODOBBADA KU XUSAN MOOSHINKA

Lagu wareejiyay shakhsiyaad ama hay’ado waa in laga Soo saaro sharci lagu

Burinayo laguna soo celiyaa milkilyadda dowladda dhexe,

b. Sido kale dhismooyinka iyo dhulalka milkiyadda dowladda oo lagu kireeyay, si aan waafaqsaneyn shuruucda dalka ama aan loo tartamin waa

in dib loogu noqdaa, laguna saleeyaa sharciga iyo nidaamka lagu bixiyo qandaraasyada qaranka;

Page 6Of 10

c. In hay’adaha Dowladda Federaalka mid walba hantida milkiyadda maguurtada ah ee dowladda oo hay’ad ahaan iyo xilahaan u hoos

yimaada maguurtooyinka dowladdu ee ku tilmaaman faqradda

(a) iyo (b) in ay soo tirakoobaan soona caddeyaan xaaladda milkiyadda ku sugan tahay, cidda lagu wareejiyay ama laga kireeyey;

3. Hantida maguurtada gaarka ah:

Ee muwaadiniinta iyo milkiyada maguurtada ay lahaayeen hay’adaha leh

Xasaanadda Diblomaasiga ah, dadka ajenebiga ee dalka deggenaa oo wixii

Ka dambeeyey 1990 si sharcidarro ah looga qaaday ama looga haysto ama

Looga qaaday qaraar dowladeed ama xukun maxkamadeed oo aan waafa qsaneyn Shuruucda dalka, waxay noqonayaan wax kama jiraan, waxaana

Loo dhisayaa guddi madaxbannaan oo awood u leh isu‐celinta hantida

Gaarka ah, si waafaqsan mabda’a guud ee Guddiyada Madaxbannaan

Ee ku xusan Qod. 112 ee Dastuurka.

HABRAACA FULINTA QAYBTAN WAXAA U XILSAARAN:

Wasaaradda Maaliyadda iyo Bankiga Dhexe ee Soomaaliya: Inay Guddiga Maaliyadda ee Golaha Shacbiga u soo gudbiyaan warbixin

Dhab ah oo ay ku tifaftiran yihiin raadraaca iyo halka ay ku dambeysay

Lacagta Dowladda u tiilay Bankiga New York.

Waasaaradaha Howlaha Guud, Gaadiidka, Dekedaha, Caafimaad ka, Waxbarashada, Gaashaandhiga, Beeraha, Ganacsiga iyo War shadaha, Dhallinyarada iyo Isboortiga, Warfaafinta iyo Dalxiis ka, Batroolka Guddoomiyeyasha Maamul‐Gobolleedyada,

Guddoomiyeyaasha Gobollada iyo Degmooyinka:

in Hay’ad walba Ay soo tirakoobto milkiyada maguurtada ah ee ku tilmaaman Faqradda

2 (a) iyo (b) kor ku xusan oo ay dowladda dhexe laheyd taniyo 1990 kana

soo warbixiso: o xaaladaha milkiyadu ku sugan tahay; o Cidda siismo

loogu wareejiyey ama laga gaday ama laga kireeyey ama sharcidarro

lagu heysto.

Wasaaradaha: Beeraha, Howlaha Guud, Arrimaha Dibadda, Guddoomiyeyasha Maamul‐Gobolleedyada, Guddoomiyeyaas ha Gobollada iyo Degmooyinka:

In hay’ad walba ay soo tirakoobtomilkiyada maguurtada ah ee gaar ahaan ta loo leeyahay kuna

Page 7 Of10

tilmaaman Faqradda 3 ee kor ku xusan kana soo talabixiyaan tabta ugu haboon ee la isugu hanticelin karo.

Xafiiska R/Wasaaraha – inuu soo diyaariyo Hindise Sharciyeed wax kama jiraan ka dhigaya milkiyad kasta oo ka mid ah maguurtada ku tilmaa man Faqradda 2 (a) iyo (b) kor ku xusan oo ay dowladda dhexe laheyd tani yo 26/01/1991, oo aan si sharciga waafaqsaneyn lagu bixiyey, lagu gaday ama lagu kireeyey iyo – isuduwidda iyo howlgelinta Wasaaradaha kor ku xusan iyo soo gudbinta Hindise Sharci.–

Hindise Sharci lagu dhisayo Guddi Madaxbannaan ee isucelinta hantida gaarka ah oo leh awood fulin loona xilsaaro meelmarinta isu‐celinta maguurtada.

Guddiga Xaqiiqo Raadinta, Dib‐u‐heshiisiinta iyo Hanti isu‐celinta ee Golaha Shacabka oo kaashana Guddiyada kale ee Golaha

Shacabka ayaa u xilsaaran dabaggalka iyo korjoogteynta hay’adaha kor ku

Xusan iyo ansixinta Hindise Sharciyeedka lagu soo celinayo milkiyadda Dowladda Dhexe iyo Hindisaha lagu dhisayo Guddiga Madaxabannaan

Ee isu‐celinta hantida gaarka ah.

Qaybta

5aad:

Heshiisyada iyo Qandaraasyada: Si loo hirgeliyo loona sugo, daah furnaanta, iyo sixidda maamulka gelidda heshiisyada iyo qandaraasyada loona waafajiyo shuruucda dalka ee xeeriya

Heshiisyada iyo qandaraasyada waxaa lagu heshiiyay sida halkan hoose ku

qoran:

1. Heshiisyada:

a. In Guddiga Qaranka ee iibka iyo Qandaraasyada kmgh uu warbixin tifafti ran u keeno Guddiga Maaliyadda ee Golaha Shacabka heshiiska ay Xukuum adda la gashay Shirkadda Soma Oil and Gas lana soo raaciyo tallaabooyinka loo baahan yahay in laga qaado iyo talooyinka uu ka soo jeediyey Guddiga Hubinta Hufnaanta ku Dhaqanka Maaliyadda Xukuumadda "FGC” Financial Governance Committee.

b. In heshiiska ay Xukuumadda la gashay Shirkadda Fishguard

Ltd laga dhigo wax kama jiraan sida uu ku soo taliyey Guddiga (FGC).

c. In Heshiis kasta oo kale oo aan loo marin si waafaqsan Sharciga Qaranka

ee Qandaraasyada iyo iibka waa in dib loo waafajiyaa Sharciga hadda jira.

Page 8 Of10

d. In dhamman heshiisyada uu Guddiga Hubinta Hufnaanta ku Dhaqanka Maaliyadda Xukuumadda (FGC) ku taliyay in la buriyo, ama dib u

Gorgortan la geliyo ama sharciga la waafajiyo iyagana in sida uu Guddiga

Ku soo taliyey loo fuliyo, warbixintoodana Golaha loo keenaa.

2. Qandaraasyada:

a. Sidoo kale dhamman qandaraasyada oo Guddiga Hubinta Hufnaanta ku

Dhaqanka Maaliyadda Xukuumadda (FGC) ku taliyay in la buriyo ama dibu‐eegis ama dib‐ugorgortan la geliyo loo fuliyo sida guddigaas ku soo taliyey;

b. Qandaraasyada lala galay Shirkadaha FAVORI iyo ALBAYRAK oo Golaha Shacbiga ka soo saaray qaraarro Baarlamaani ah, waa in Xukuumaddu inta lagu gudajiro Kalfadhiga 7aad ay horkeento Golaha Shacbiga warbixin tifaftiran oo ku saabsan wixii qandaraasyadan ka

fulay Sharci waafajintooda.

c. In qandaraas kasta oo kale oo aan loo marin si waafafqsan "Sharciga Qar anka ee Qandaraasyada iyo iibka” waa in Sharciga dib loo waafajiyaa;

d. Golaha Shacabka waa in uu sida ugu dhaqsaha badan u soo dhamaysti raan waxka‐beddelka Sharciga "Qaranka ee Qandaraasyada iyo iibka” (pro curement law) si looga fogaado khaldaadkii hore u dhacay oo kale.

e. Taniyo inta laga ansixinaayo Sharciga Qaranka Iibka iyo Qandaraasyada,

Xukuumadda waa in ay ilaalisaa ku dhaqanka Sharciga Qaranka ee Qandara asyada iyo iibka ee hadda jira.

HABRAACA FULINTA QAYBTAN WAXAA U XILSAARAN:

Guddiga kmg ee iibka iyo Qandaraasyada iyoHanti‐Dhowrka

Guud ee Qaranka:

In sida qeybtan kor ku xusan lagu go’aamiyey ay soo diyaariyaan inta lagu gudajiro Kalfadhiga 7aad warbixin tifaftiran oo lagu fuliyey Heshiisyada

Iyo Qandaraasyada la tirtiray,kuwa toosin lagu sameyey oo Sharciga la soo

Waafajiyey iyo kuwa gorgortan loogu noqday.

Xafiiska R/Wasaaraha:

Isuduwidda iyo howlgelinta hay’adaha kor ku xusan.

Page 9 Of10 Guddiga Maaliyadda G/Shacabka: In uu si degdeg ah u soo diyaariyaa Akhrinta 2aad iyo 3aad iyo ansixinta Hindise Sharciyeedka Guddiga Qaranka ee iibka iyo Qandaraasyada Dabagalka, hubinta iyo korjoogteynta hay’adaha kor ku xusan iyo fulinta Howlaha loo xilsaaray.

Qaybta

6aad:

La‐dagaalanka Musuqmaasuqa Hay’adaha Dowladda:

1. In si deg deg ah loo dhiso Guddiga Ladagaalanka Musuqmaasuqa

Si waafaqsan Qod 111C ee Dastuurka;

2. In si deg deg ah lagu bixiyo qoondooyinka mushaarka u yaala Ciidamada

Qalabka Sida oo aan wali la bixin, bil walbana goorteeda la bixiyo;

3. Sidoo kale in mushaharooyinka Shaqaalaha Rayidka ah ee Dowladda bil walba goorteeda la bixiyo ayadoo la raacayo sharciga qoondaynta Miisaan iyadda.

4. Si looga hortago musuqmaasuqa iyo ku takrifalka maaliyadda dowladda waa in dib‐uhabayn maamuleed lagu sameeyo dhamman hay’adaha dowl adda ee qabta kuna takrifala dakhlidowladeedka iyo hay’adaha wixii qoon de ahaan loo siiyey ugu dhaqma si aan musuqmaasuq ka marnayn in tallabo

Cad laga qaado.

HABRAACA FULINTA QAYBTAN WAXAA U XILSAARAN

Wasaaradda Cadaaladda: Soo diyaarinta Hindise Sharciyeedka lagu dhisayo Guddiga Madaxabann aan ee Ladagaallanka Musuqmaasuqa

Wasaaradda Maaliyadda: Nidaaminta bixinta Mushaarooyinka Ciidam ada Qalabka Sida iyo Shaqaalaha Rayadka ah ee Dowladda oo bil walba goorteed la bixiyo. – Nidaaminta ka hortaga takrifalka qabashada dakhliga

Dowladda iyo musuqmaasuqidda Maaliyadda.

Xafiiska R/Wasaaraha: isuduwidda iyo howlgelinta Wasaaradaha

Kor ku xusan iyo soo gudbinta Hindise Sharciyeedka.

Guddiga Cadaaladda: dabagalka iyo korjoogteynta Wasaaradda Cad aaladda iyo hubinta diyaarinta Sharciga lagu dhisayo Guddiga Madaxaban naan ee Ladagaalanka Musuqmaasuqa.

Guddiga Maaliyadda: dabagalka iyo korjoogteynta fulinta howlaha qe ybtan loogu xilsaaray Wasaaradda Maaliyadda.

Tell:+252‐612224442/+252‐615577472 E‐mail.speaker@parliament. gov.so Website: www.parliament.gov.so

DHAMMAAD

 

 

 

OGEYSIIS MUHIIM AH:-

Ogeysiis Muhiim ah oo ay kuu heyso The Ministry of finance the federal government of somalia

{Tender name: Supply and Delivery of Foodstuff to the Somali Police Force…}

INVITATION FOR TENDER

IFT issue Date: 12^thOctober, 2015

Reference: SPF/001/2015

 

Tender name: Supply and Delivery of Foodstuff to the Somali Police Force

The ministry of finance now invites sealed bids from eligible and qualified candidates for supply and delivery of Foodstuff to the Somali Police Force in Mogadishu.

 

Tender documents containing detailed specifications can be obtained from the procurement office at the Ministry of Finance between8:30AM to 2:00PM

Candidates must prove that they qualify to participate in public procurement method in providing the

following documents or evidences:

 

1.Certificate of company registration, certificate issued by the ministry of commerce.

2.A declaration of certificate that the candidate have fulfilled the obligation to pay taxes a valid tax compliance certificate must be attached

3.An abstract of the candidates accounts for the last (2) two years 2013and 2014 accompanied by a bank statement for the last 12 months.

4.The supplier should have minimum three years of experience in the commodities industry, particularly agricultural commodities.

5.The winning supplier will be directed with few distribution allocationsrequired by the user department (Police Force Logistics Department)

Bidding will be conducted using theNational Competitive Bidding (NCB) method. Bids must remain valid for a period of ninety (90) days from the date of tender opening. The completed tenders in plain sealed envelopes clearly marked "Tender Number SPF/001/2015 for Supply and Delivery of foodstuffs” for the Somali Police Force shall be addressed to the procurement department, ministry of finance at villa Somalia, Mogadishu not later than 25^th October 2015.

 

The bidders MUST comply with all the instructions and rules of the tender and particularly to ensure that all the forms required are properly completed.

 

Tenders will be opened immediately thereafter the deadline, in the presence of tenders’ representatives who choose to attend the bid opening meeting 26^th October at 10:00AM in the ministry of finance procurement office.

Interested bidders must deliver their bids in written form to the address below (in person, or by mail) not later than 25^thOctober 2015 at 2:00PM. Late bids will be rejected.

Please make sure you address your bids at the following address provided below:

 

Procurement Department

 

The Ministry of Finance, Villa Somalia, Mogadishu, the Federal Government of Somalia.

Email: procurement.fgs@gmail.com