Dhuuntan ayaa waxaa ku baxeysa lacag dhan afar bilyan oo dollar, waxaana shaqo abuuris ka helaya in ka badan 15-kun oo qof.

Qorshaha dhuuntan ayaa markii hore ahaa in la marsiiyo deegaano ka tirsan Kenya, si loo dhoofiyo, balse waxaa deegaanadaas la sheegay in weeraro ka geysatay Al-Shabaab, taasna ay keentay cabsi ah in hadii dhuuntan shidaalka qaadala marsiiyo ay weerarto Al-Shabaab.

Shirkada TOTAL ee laga leeyahay dalka Faransiiska ayaa dhowaan qandaraas ku qaadatay maal gelinta dhuunta ay sameysanayaan dalalka Kenya, Uganda iyo Tanzania, waxaana ay diiday in meelo ka mid ah Kenya la marsiiyo dhuuntan, sababo amni awgeed.

Uganda oo aan laheyn badd, ayaa waxay ogolaatay in dhuunta shidaalka loo weeciyo dalka Tanzania, iyadoo horay uu jiray Heshiis u dhaxeeyay Uganda iyo Kenya oo ku aadanaa dhuuntan.

Hase ahaatee shirkadaha shidaalka baara ayaa ku adkeysanaya in xilligan aanay suura geli karin in dhuunta shidaal la marsiiyo Kenya, cabsi laga qabo weeraro Al-Shabaab ku qaado.

Dalalka Bariga Afrika ayaa waxaa dhowaan laga helay shidala iyo saliid, waxaana taasi ay soo jiidatay maalgashayaal caalami ah.

Uganda ayaa markii u horeysay waxaa dalkeeda laga helay shidaalka ceyriinka ah, waxaana ay dooneysaa in soo saarida shidalka ay bilowdo sanadka 2018, si ay ugu suuq geyso caalamka.