Ciidamadii ka tirsanaa Ururka Shabaab ee deegaanka ku sugnaa ayaa isaga baxay, halkaasi kadib markii ay ka war heleen dhaqdhaqaaqa ciidamada Dowladda iyo kuwa Amisom ay ku doonayeen inay ku weerareen deegaankaasi.

Axmed Maxamed Tareedisho oo ka mid ah Saraakiisha Ciidamada Dowladda ee Degmada Ceelbuur ayaa xaqiijiyay in ciidamada Dowladda iyo kuwa Amisom ay ku sugan yihiin deegaanka Ulajaraf ayna ka wadaan howlgalo ammaanka ay ku xaqiijinayaan.

Ciidamada Itoobiya oo howlgalka Amisom qaybta ka ah ayaa waday muddooyinkii dambe dhaqdhaaqyo ay ku doonayen inay ku gaaraan deegaano ka tirsan Gobolka Galgaduud oo Shabaab ay gacanta ku hayaan.

Shabaab ilaa hada kama aysan hadlin la wareegitaanka ciidamada Amisom iyo kuwa Dowladda ay la wareegeen gacan ku haynta Deegaankan.

Ciidamada ayaa inta badan deeganada ay la wareegaan dib uga soo noqdo, kadib marka ay ka sameeyaan Baaritaano ay Shabaabka ku raadinayaan, taasina waxa ay sii curyaaminaysa qorshaha howlgalka ciidamada, maadaama deeganada yar yar ee Shabaabka ay ka qabsadaan dib ay uga soo baxaan ciidanka.