Madaxweynaha Dowlad Goboleedka Puntland Siciid Cabdullaahi Deni, oo weli ku sugan Magaalada Gaalkacyo ayaa maanta qasriga Madaxtooyada ee Gaalkacyo kulan qado ah kula yeeshay Isimada Gobolka Mudug. Kulanka ayaa looga hadlay Arrimo ay kamid yihiin amniga, nabadgelyada, dib-u-heshiisiinta iyo guud ahaan horumarka Gobolka Mudug,waxaana inta uu socday siweyn looga hadlay Arrimaha Amniga. Odayaasha Dhaqanka Gobolka Mudug ayaa Madaxweynaha Puntland uga mahad celiyay booqashada uu ku joogo Magaalada Gaalkacyo, iyaga oo sheegay in Magaalada Gaalkacyo u baahan tahay qorsho amni. .