Masraxa markii ay soo dul istaageen fanaaniinta kala ah Nimcaan Hilaac, Xamda Queen, Maxamed Bakaal Cirro, C/raxmaan Oday Dayax dalnuurshe, ayaa durba waxaa isbadalay jawiga goobta oo markii hore ahaa mid iska caadi ah kaddib fannaaniinta ayaa guda galay maqashiinta dadka dhawaqa muusikada iyo heesaha ay caanka ku yihiin.

Iyadoo intaas kaddib dadku ay mid mid u Cayaarayeen islamarkaana ku qanacsan jawiga iyo isbadalka ka jira Caasimadda oo ahaa mid guud ahaan inta soo baxday ay ku faraxsanaayeen.

Fanaaniinta Xidigaha Geeska ayaa goobta dadka daawanayay uga sheegay inay Muqdisho imaan doonaan fanaaniin kale oo xidigaha ah, isla markaana ay ku qancin doonaan heesahooda, iyagoo aad ugu mahadceliyay dadka reer Muqdisho una rajeeyay Nabad waarta iyo Caafimaad.

Dadka qaar ee bandhig faneedka ka qeyb galay ayaa isheegay inay aad ugu faraxsan yihiin habka ay ku billaabatay Showga fanaaniinta Xidigaha geeska iyagoo dareemayay dadkaas farxad aan la soo goobi Karin.

Magaalada Muqdisho ayaa muddooyinkii u dambeeyay waxaa imaanayay Fanaaniin kala duwan oo qaarkood dalka ka maqnaa muddo labaatan sano.