Tababaraha kooxda Liverpool Jurgen Klopp ayaa la filayaa inuu soo safo kooxdiisa labaad kulanka caawa ee ku celiska ee wareega 3aad ee FA Cup ee ay la ciyaarayaan kooxda heerka afaraad ee Exeter City.

Tababaraha Jarmalka ayaa qorsheynaya inuu magacaabo koox la mid ah kooxdii barbaraha 2-2 la gashay Exeter City kulankii hore, inkastoo daafaca Jon Flanagan uu soo laaban karo ka dib 18 bilood oo uu dhaawac ku maqnaa.

MAXAA KA CUSUB:

Jon Flanagan ayaa la filayaa inuu ku soo laabto kooxda ka dib dhaawaciisa jilibka iyadoo Klopp uu xaqiijiyay inuu ugu yaraan boos ka heli doono kursiga keydka, laakiin hal ciyaaryahan oo seegaya kulankaan waa Daniel Sturridge kaasoo dib u dhac uu soo wajahay soo kabsashadiisa.

Si kastaba, qaar ka mid ah ciyaartoyda koowaad sida Adam Lallana, Joe Allen iyo Jordan Ibe ayaa la filayaa inay ciyaaraan caawa.

SHAXDA MACQUULKA AH:

Liverpool: Ward; Smith, Toure, Enrique, Randall; Brannagan, Allen; Teixeira, Lallana, Ibe; Sinclair.

Exeter: Olejnik; McAllister, Brown, Moore-Taylor, Ribeiro; Tillson, Nicholls, Holmes, Noble; Nichols, Reid.

MA OGTAHAY?

• Ka hor kulankii barbaraha ee 2-2 ee St James Park, Liverpool ayaa badisay kulankii kaliya ee FA Cup ee ay labada kooxood ciyaareen, waxaana ay ku badiyeen 3-1 ciyaar ka dhacday Anfield bishii Janaayo 1950.

• Liverpool waligeed guuldarro kama aysan soo gaarin koox heer afaraad ah, 14 kulan oo ay la ciyaareen FA Cup.