DENMARK OO IRAN KU EEDAYSAY SHIRQOOL DIL Denmark ayaa ku eedaysay Xukuumadda Iiraan in ay qorshaynaysay in ay shirqool ku disho nin Iiraani ah oo u dhaqdhaqaaqa arrimaha bulshada kuna disho ciidda Denmark. Sida ay sheegtay hay'adda Sirdoonka Denmark, bartilmaameedka ayaa la rumaysan yahay in uu ahaa xubin katirsan dhaqdhaqaaqa gooni u goosatada Carabta ee dalkaas. 21kii October ayaa dalka Sweden waxaa lagu xidhay nin u dhashay dalka Norway oo asal ahaan kasoo jeeda Iiraan oo la sheegay in uu xiriir lahaa qorshahaas la sheegay ee dilka ah.

Ra’isul Wasaaraha Denmark Lars Lokke Rasmussen ayaa shirqool kaas la tuhunsan yahay ku tilmaamay "Mid aan gabi ahaanba la aqbali Karin” wuxuuna sheegay in Midowga Yurub looga baahan yahay in ay qaadaan tallaabo dheeri ah.

Masuuliyiinta ayaa sameeyey dambi baaris ballaaran 28kii September taas oo horseedday in la hakiyo in loo kala safro Denmark iyo Sweden.

Talaadadii, ayaa madaxa Sirdoonka Denmark, Finn Borch Andersen, waxa uu xaqiijiyey in tallaabooyinkaas loo qaaday si looga hortago weerar la qorsheeyey.

Qofka la sheegay in la doonayey in la dilo ayaa la sheegay in uu ahaa xubin sare oo katirsan urur lagu magacaabo Arab Struggle Movement for the Liberation of Ahvaz (ASMLA), oo u taagan xoraynta gobolka Carabtu ay u badan tahay ee kuyaal galbeedka dalka Iran.

XILDHIBAANADA GOLAHA SHACABKA OO MAANTA KULAN KU LEH MUQDISHO

Xildhibaanada golaha shacabka ee baarlamaanka federaalka Soomaaliya ayaa maanta oo Arbaco ah kulan ku yeelanaya magaalada Muqdisho ee caasimadda Soomaaliya.

Mudanayaasha baarlamaanka ayaa xalay lagu wargeliyay inay soo xaadiraan kulanka waqtigii loogu tala galay, si uusan u imaan dib u dhac.

Ajendaha kulanka inuu yahay sii wadista codeyn ansixin oo hordhac u ah wax ka badalka xeer hoosaadka golaha shacabka.

Xildhibaanada oo Isniintii kulan yeeshay ayaa waxa ay dood kulul ka yeesheen xeerkan.

Kulanka ayaa waxaa shir guddoomin doona guddoomiyaha baarlamaanka golaha shacabka Maxamed Mursal Sheekh C/raxmaan, iyada oo ay goobjoog ka noqon doonaan kuxigeenadiisa.

MAXAAD KA TAQAANAA DALKA UGU YAR ADDUUNKA?

Weligaa ma ku fikirtay in uu jiro wadan ka yar beerta nasashada New York dadka ku noolna ay ka yaryihiin tirro ahaan arday dhigato hal iskuul oo dugsi sare ah, Iyadoo laga eegayo balaca dhul ahaaneed Vatican City ayaa loo aqoonsaday in uu yahay dalka ugu yar adduunkaan aan ku noolnahay.

Waxaa kaloo la yaab leh ama cajiib ah in dalkaani ay ku hareersan tahay magaalada caasimada u ah Taliyaaniga ee Rome.

Vatican City waa dalka ugu yar dunida cabirka dhulkiisuna waa 0.2 square miles, waana xarunta uu fariisto baaderiga Catholicga ee markaas ah baaderiga xilka haayo waxa ayna fariisimo u aheyd laga soo bilaawo 1377.

Waxaa dal ahaan loo aqoonsaday 11 febraayo 1929 kedib dadaal dheer uu u galay baaderigii xiligaas ee lagu magacaabi jiray baaderi weyne Pius XI oo ugu dambeyntii madaxda iyo siyaasiyiintii Taliyaaniga ku qanciyay in dal ka madax banaan Taliyaaniga loo aqoonsado waxaana xiligaasi Taliyaaniga heystay Benito Mussolini.

Dadka aaminsan Catholicga ayaa u arka in dalkaan dunida ugu yar uu yahay goob barakeysan taasinasabab u aheyd in Taliyaaniga ay uu siiyomadax banaani.

WD: Ayuub Maxamed Axmed

KALKAALIYE CAAFIMAAD OO KU EEDEYSAN IN UU DILAY 100 BUKAAN AH

Nin kalkaaliye caafimaad horay uga ahaan jirtay dalka Jarmalka oo lagu eedeeyay in uu dilay 100 ruux oo bukaan ah ayaa hortagi doona maxkamad ku taallamagaalada Oldenburg ee dhanka waqooyiga ku taalla.

Baareyaasha ayaa sheegay in Niels Hoegel oo 41 jir ah uu dawooyin ka badan qiyaastii dadka loo qoray uu siin jiray bukaannada oo ku jiray isbitaallada Jarmalka.

Waxay sheegeen in ujeedadiisu ay ahayd in uu ka cajibiyo shaqaalihii ay isla shaqaynayeen uuna iska dhigo in uu badbaadinayo bukaannada uu laayay.

Hoegel ayaa haddaba xabsi ugu jira in uu dilay bukaanno ay ahayd in uu baxnaaniyo.

Dacwadan u dambaysay ayaa la filayaa in ay socoto ilaa bisha May, waxayna daba socotaa maydad la soo qufay oo laga helay in ay ku sumoobeen dawooyin laga tan badiyay.

Hoegel ayaa hadda la sheegay in uu dilay 36 bukaan ah oo ku sugnaa Oldenburg iyo 64 kale oo ku sugnaa Delmenhorst oo aan ka fogayn, arrintaasina ay dhacday intii u dhaxaysay 1999 ilaa 2005.

Wariyaha BBC Jenny Hill ku sugan Berlin ayaa shegaysa in arrintan ay xasaasi ka dhex tahay masuuliyiinta caafimaadka ee Jarmalka, kuwaas oo qaraabada dadka dhintay ay ku eedaynayaan in ay indhaha ka daboosheen dilalka uu gaysanayay Hoegel.

Haddii lagu helo in dadkaas oo dhan uu laayay, wuxuu noqon doonaa ninkii dilkii ugu badnaa ka gaysta jarmalka dagaalladii ka dib.

Baareyaashu waxay sheegayaan in ay macquul tahay in uu dilay dad intaas ka badan, balse dadka ay u badan tahay in ay arrintaas u dhinteen ayaa diiradda la saarayaa.

"Waxaan rajaynayaa in dambi kaste lagu helo, si dadkii ay eheladoodu dhinteen hawshu uga soo afjaranto,” ayuu yiri Petra Klein oo isku duba rida koox caawisa dhibaneyaasha.

Qaraabada dadkii la sheegay in la laayay ayaa la filayaa in ay yimaadaan maxkamadda.

Hoegel ayaa markii u horraysay la qabtay 2005 isaga oo bukaan ku duray irbad aan dakhtar qorin. Sannadkii 2008 ayaana lagu xukumay toddobo sano oo uu ku mutaystay isku day dil.

Maxkamad labaad oo la saaray 20142015 ayaa ku heshay in uu labo ruux dilay labo kalana isku dayay in uu dilo, waxaana lagu xukumay xabsi daa’in.

Wuxuu sheegay "in run ahaantii uu ka xun yahay” uuna rajaynayo in qoysaska uu qalbigu u qaboobo. Wuxuu sheegay in go’aanka uu dambiyadaas ku galay ay ahaayeen "kuwo aan sii qorshaysnayn”. Intii maxkamadayntu socotay ayuuna qirtay in uu soddon bukaan dilay.

Baareyaasha ayaa markaas ballaariyay baaritaannadooda waxayna soo qufeen maydadka 130 bukaan oo uu horay u daaweeyay, iyaga oo eegaya in uu adeegsaday dawooyin keeni kara in wadnuhu istaago. Waxay sidoo kale baaritaan dib ugu sameeyeen diiwaannadii isbitaalka.

Xigasho BBC

MADAXWEYNE XAAF OO FARRIIN U DIRAY SHACABKA GALMUDUG KADIB SHIRKII GAROOWE

Iyada oo lagu wado Magaalada Dhuusa Mareeb in uu ka dhaco Shirweynaha Wadatashiga ee dowlad Gobaleedyada ayaa waxaa isa soo taraya fariimaha Madaxweynaha Galmudug uu u jeedinayo Shacbaka ku nool deegaanada Maamulkaas.

Madaxweynaha Maamulka Galmudug Axmed Ducaale Geelle Xaaf oo ku laabtay Magaalada Dhuusamareeb kadib Shirkii Magaalada Garoowe ee Golaha Iskaashiga Dowladd Gobaleedyada Afarta ahaa ayaa ugu baaqay Shacabka Magaalada in ay ka feejignaadaan falal amni daro oo dhaca,waxaana uu faray Shacabka in ay ka shaqeeyaan horumarka Dhuusamareeb oo u diyaar garoobaysa Shirweynaha Wadatashiga ee ay ku baaqeen Maamul Gobaleedyada.

Shacabka ayuu sheegay in ay yihiin laf dhabarka horumarka waxaana uu ka dalbaday in si wadajir ah looga hortago cid kasta oo isku dayda in ay khal khalgeliso amniga,xili uu tilmaamay in uu soo go’aamiyay in Dhuusamareeb uu ka dhaco Shir muhiim u ah dalka sida uu sheegay.

Mraka laga soo tago hadalka Madaxweynaha Galmudug ayaa hadana waxaa uu u muuqdaa shirkaas mid aan qabsoomi doonin maadaama Madaxa Xukuumadda Galmudug ee awooda balla aran ku leh Dhuusamareeb uu sheegay in dowladda Federaalka Sooma aliya uu taagersan yahay.

HOOYO DIB ULA MIDAWDAY WIILKEEDA OO LAGA AFDUUBTAY 1987

Ermaine Allan Mann aabihii ayaa lagu eedeeyay in uu la tagay wiilka yar oo 21 bilood jira, markaas oo ay qorshaynayeen in ay Toronto booqdaan.

Wiilka iyo aabihii ayaa magac aan kuwoodii rasmiga ahaa ahayn ku joogay Maraykanka wixii toddobaadkii hore ka horreeyay, ka dib markii aabaha lagu eedeeyay in uu isticmaalayo dokumanti been abuur ah.

Xiritaankii la xirayna wuxuu dhaliyay in la soo afjaro dadaal ay booliiska labada dal ku baadigoobayeen wiilka yar ee la waayay 31 ka hor.

Jermaine Allan Mann oo hadda 33 jir ah ayaa hooyadii u sheegay in loo sheegay in hooyadii ay dhimatay isaga oo sabi ah, balse Sabtidii iyo Axaddii midkeed ayay hooyadii Lyneth MannLewis u duushay Maraykanka si ay wiilkeeda ula midawdo.

Isniintii ayayna faahfaahin ka bixisay la kulanka wiilkeeda la helay.

"Erayo laguma cabiri karo sida aan dareemay,” ayay tiri, "erayada ah wiilkaagii wuu nool yahay oo waan helnay neecaw ayay ahaayeen.”

Markii u horraysay een arkay wiilkayga waan ku dhagdhagay xataa inta aanan la hadlin, ayay tiri.

"Waxaan doonayay in aan arko in warka la ii sheegay uu run yahay, Alla Illaahayoow, waa wiil kaygii ayaan iri” ayay tiri.

Saacado ayaan sheekaysanay ayay tiri, waxaana xaqiijiyay in cunto aan kariyay uu cuno ka hor inta aanan Canada dib ugu laabanin.

Sidee loo helay Jermaine Allan Mann?

Allan Mann oo 66 jir ah ayaa lagu eedeeyay in uu afduubtay wiilkiisa 24 bishii Juunyo ee sannadkii 1987 markaas oo ay qorshanayeen in ay Canada ku dhex safraan. Isaga iyo xaaskiisa Lyneth sannad ayay markaas kala maqnaayeen.

Booliiska Toronto ayaa billaabay baaritaan ballaaran oo ku saabsan wiilka la waayay, balse kama aysan niib keenin.

Baadigoobka ayaa sii socday, sheekada ku saabsan Jermaine iyo sawirkiisa oo loo qaabeeyay kolba da’da uu marayo ayaana la gayn jiray goobaha carruurta lagu xannaaneeyo, baareyaasha labada dalna baaritaanka kama aysan quusanin.

Sannadkii 2016 ayay mar kale booliiska Canada iyo Maraykanku dib u billaabeen baadi goobka wiilkaas.

26 Oktoobar ayaa Mann lagu xiray Vernon oo Connecticut ka tirsan, taas oo 20km u jirta Hartford oo ah caasimadda gobolka.

Mann oo haysta dhalashada Canada iyo Ghana ayaa lagu eedeeyay in isaga iyo wiilkiisaba uu u sameeyay dhalasho been abuur ah uuna sheegtay in ay ka yimaaddeen Texas.

Dhalashadan ayaa been abuur lagu tilmaamay markii uu Mann u adeegsaday in uu ku kiraysto guri riqiis oo dawladdu ay dadka ka kabto kharashkiisa. Intaas ka dibna waxaa lagu aqoonsaday qalabka combiyuutarrada lagu isticmaalo ee wajiyada dadka aqoonsada.

Wuxuu wajahayaa in uu been u sheegay Maraykanka. Waxaa kale oo uu wajahayaa in loo masaafuriyo Canada isaga oo afduub loo haysto si dacwayniisa xadka koonfureed looga tallaabiyo.

Eedaymaha loo haysto Mann midkoodna maxkamadi ma tijaabinin.

Lyneth waxay sheegtay in iyada iyo Jermaine ay haystaan wakhti ay wixii hore kaga gudbaan oo qoysnimadooda ku sii wataan.

Waxaan makhraati u ahayn in qofina uusan quusanin maadaama oo 31 aan dhibaato soo maray, qof adag noqo, rumayso in wax walba dhici karaan,” ayay tiri.

Xigasho:Shaaciye

WARAR DHEERAAD AH OO KA SOO BAXAYA SHAN RUUX OO LAGU DILAY DULLEEDKA MUQDISHO

Faah faahinno dheeraad ah ayaa ka soo baxa koox hubeysan oo dulleedka magaalada Muqdisho toogasho ku dishay Shan ruux oo la sheegay in ay la socdeen gaari marayay inta u dhaxeysa magaalada Muqdisho iyo deegaanka Ceelasha Biyaha.

Weerarka ayaa Shan ruux ee lagu dilay la sheegay in saddex ka mid ah aheeyeen walaalo sida ay warbaahinta u sheegeen dadka deegaanka.

Ilaa iyo hadda lama oga dadka la dilay in ay ka tirsanaayeen dowladda iyo ay ahaayeen dad rayid ah, sidoo kale lama oga cida ka danbeysa dilkooda, laakiin warar soo baxaya ayaa sheegaya in Ururka Alshabaab sheegteen toogashadan ka dhacday dulleedka Muqdisho.

Gaariga weerarka lagu qaaday ayaa gaar ahaan marayay deegaanka Lafoole isagoo ku soo jeeday magaalada Muqdisho.

Dableydii falkan geystay ayaa goobta ka baxsaday iyadoo markii dambe ay goobta gaareen ciidamada amniga oo xiray goobtaasi

SHAQAALLAHA DOWLADDA QAARKOOD OO AAN MUSHAAR QAADAN 9 BILOOD

Wasiirka wasaaradda arrimaha dibadda xukuumadda federaalka Soomaaliya Axmed Ciise Cawad ayaa waxa uu sheegay in aan wax mushaar ah aysan qaadan mudo sagaal bilood ah shaqaalaha safaaradaha Soomaaliya ay ku leedahay caalamka qaarkood.

Waxa uu sheegay wasiir Cawad in wasaaraddiisa ay ku yartahay qoondada miisaaniyada la siiyay taasna ay keentay in mushaar la’aan ay ku dhacdo shaqaalaha ka shaqeeya safaardaha qaar.

Waxa uu intaa kudaray wasiirka in dhibaatooyinka haysta shaqaalaha safaardaha ay la qabaan shaqaalaha kale ee ka shaqeeya wasaaradda arrimaha dibadda xukuumadda Soomaaliya.

`Hadalka wasiirka arimaha dibadda ayaa waxa uu kusoo adayaa xili Madaxda dowladda ay inta badan sheegaan in shaqaalaha kala duwan ee dowladda la siiyay mushaaroodkooda.

Waxa Sidoo kale maalintii shalay ahayd ay ansixiyeen golaha wasiirada xukuumadda Soomaaliya miisaaniyad sanadeedka 2019ka taaso 23% ka badan miisaniyadda sanadka sii dhamanaya ee 2018ka.

WASIIRKA AMNIGA & TALIYEYAASHA CIID AMADA OO SHALAY HORTAGAY….

Magaalada Muqdisho ayaa Shalay waxaa Shir ku sheegay Guddiga Arrimaha Gudaha iyo Amniga ee Golaha Shacabka,iyagoona la kulmay Wasiirka Amniga Gudaha iyo Taliyaha Ciidanka Booliska Gobolka Banaadir.

Kulanka u dhexeeyay labada dhinac Shalay oo ay taariikhdu ku beegan tahay 30ka Bisha Octoober waxa uu Ajendihiisu ahaa Dhagaysiga Warbixita Amniga ee Magaalada Muqdisho iyo su’aalo waydiin Ku saabsan Xaalada Amni ee Dalka.

Guddiga Arrimaha Gudaha iyo Amniga ee Golaha Shacabka Federaalka Soomaaliya ayaa sidoo kale Wasiirka amniga Xukuumada Maxamed Abuukar Islow Ducaalle waxa uu uga warbixiyay xaalada amniga ee dalka,isla markaana wax laga weydiiyay Amniga Magaalada Muqdisho.

Dhinaca kale kulanka ayaa waxaa su’aalo lagu weydiiyay Taliyaha Ciidanka Booliska Gobolka Banaadir Saadaq Cumar Xassan (Saadaq Joon),iyadoona wax laga weydiiyay amniga Caasimadda oo maalmahan soo hagaagaya.

Magaalada Muqdisho ee Caasimadda Soomaaliya ayaatodobaadyadii la soo dhaafay laga daraameyay xaalad amni oo wanaagsan kadib markii Magalada Muqdisho lagu soo daadiyay Ciidamo farabadan oo boolis ah.

MAREYKANKA "WEYNU TAAGEEREYNAA GEEDDISOCODKA KGS LAAKIIN MARNABA MA TAAGEEREYNO MUSHARAX GAAR AH”

War lagu qoray twitterka safaarada Mareykanka ee Soomaaliya ayaa lagu sheegay iney taageerayaan doorashada dhawaan la filayo inay ka dhacdo Magalada Baydhabo ee Xarunta gobolka Baay.

Mareykanka ayaa sheegay inuu soo dhaweynayo Guddiga Doorashada Madaxweynaha Koonfur Galbeed ee dhawaan la Magacaabay iyo Xubnaha ka mid ah.

Sidoo kale Waxaa uu rajo wanaagsan ka muujiyay in 17 Bisha November ay doorashada u dhacdo si wanaagsan oo lagu kalsoonaan karo taas oo ka turjumeysa codka shacabka deegaanada Koonfur Galbeed.

17 Bisha soo socota ee November ayaa lagu wadaa in Magalada Baydhabo ay ka dahcdo doorashada Madaxweynaha Koonfur Galbeed,waxana jira musharixiin farabadan oo qaarkood la sheegayo inay taageero ka helayaan dowladda Federaalka Soomaaliya.

RA’IISUL WASAARE KU XIGEENKA SOOMAALIYA OO XARIGA KA JARAY XARUN AY LEEDAHAY WASAARADA MAALIYADA

Ra’iisul Wasaare ku xigeenka Somaaliya Mahdi Maxamed Guuleed ayaa xariga ka jaray Xarun labaad oo loo dhisay Wasaarada Maaliyada Dowlada Federalka Soomaaliya.

Dhismaha xaruntan oo ay gacan ka geysatay dowlada Sweden ayaamunaasbadii xarigga loogaga jarayay waxaa ka qeybgalay Wasiirka Maaliyadda Soomaaliya C/maan Beyle iyo Safiirka Dowladda Swedan ee Soomaaliya.

Safiirka Swedan ayaa sheegay in ujeedada Dowladiisu u taageertay dhismaha Xaruntani ay tahay sidii Shaqaalaha Qaranka u heli lahaayeen xarumo ku filan oo ay ku shaqeeyaan.

Wasiirka Maaliyadda Soomaaliya Mudane Cabdiraxmaan Ducaale Beyle ayaa tilmaamay in la qorsheynayo sidii loo dhisi lahaa dhisma kale oo la mataana ah dhismahan si shaqaalaha Wasaaradda Maaliyadda u helaan xafiisyo ku filan.

Ra’iisulwasaare ku xigeenka Dalka Mudane Mahdi Maxamed Guuleed ayaa dowladda Swedan kaga mahad celiyay dhismaha xaruntani waxaana uu sheegay in xarunta yareyneyso culeyskii haystay Shaqaalaha Wasaaradda Maaliyadda.

Mahdi Maxamed Guuleed ayaa bogaadiyay Howlaha ay qabatay Wasaaradda Maaliyadda Dalka oo suura galiyay in sare uu u kaco daqliga dalka lana kordhiyo Miisaaniyada Dowladda.

Helida Xafiisyo ku filan Howl wadeenada Wasaaradda Maaliyadda ayaa kor u qaadeysa isla xisaabtanka iyo horumarinta dakhliga gudaha.

Xarunta labaad ee Wasaarada Maaliyada oo xariga laga jara

MAREYKANKA OO CIIIDAMO U DIRAYA XUDUUDA AY LA WADAAGAAN MEXICO

Wasaaradda difaaca Mareykanka ee Pentagonka ayaa 5,200 oo askari u direysa xuduudda Mareykanka iyo Mexico, si loola tacaalo muhaajiriin u dhashay dalka Honduras oo kusoo wajahan Mareykanka.

"Ammaanka xuduudda waa ammaanka qaranka” Waxaa sidaasi yiri Jeneral Terrence O’Shaughnessy oo ah taliyaha taliska waqooyi ee ciidamada Mareykanka.

Waxa uu sheegay in 5,200 ka askari ay dheeri ku noqon doonaan qiyaastii 2,100 oo askari oo ciidamada ilaalada qaranka ah, kuwaas oo horey loo geeyey xuduudda.

Taliyaha kastamka iyo ilaalada xuduudda Mareykanka, Kevin McAleenan ayaa sheegay in qiyaastii 3,500 oo qof oo isugu jira rag, haween iyo carruur oo iminka ku sugan dalka Mexico, ay si tartiib ah ugu soo socdaan Mareykanka.

Koox kale oo iyana ka kooban 3,000 oo qof ayaa axaddii kusoo siqay xuduuda Mexico iyo Guatemala, ayadoo ujeedkoodu yahay inay kooxde hore ku biiraan.

McAleenan ayaa sheegay in dadka xuduudda kasoo gudbay la xiri doono, kadibna la eegi doono codsigooda magangalyo doon, sida sharciga Mareykanka uu dhigayo.

DAD KU DHINTAY DAB KA KACAY KAYN KU TAALLA KOONFUR AFRIKA

Ugu yaraan 7 qof ayaa ku dhimatay dab ka kacay kayn caan ah oo ku taalla dalka Koonfur Afrika, sida ay sheegayaan saraakiisha dalkaasi.

Haweeney xaamilo ah iyo saddex carruur ayaa kamid ah dadka ay waxyeellada kasoo gaartay dabka.

Kaynta ayaa ku taalla gobolka Western Cape, waxaana dhex martaa waddo ay maraan dalxiisayaasha.

Maamulka magaalada George waxay sheegeen in ugu yaraan 200 qof laga daad gureeyay deegannada ku dhaw kaynta.

In ka badan 400 oo kamid ah kooxaha dab damiska ayaa la daala dhacaya inay damiyaan dabka qabsaday kaynta dheereerkeedu gaarayo 450 kilomitar oo ku taalla bariga magaalada Cape Town.

Xigasho:BBC

MAXKAMAD KU TAALLA ADIS ABABA OO XABSIGA KU CELISAY CABDI MAXAMUUD CUMAR

`Maxkamad Ku Taalla Adis Ababa Oo Xabsiga Ku Celisay Cabdi Maxamuud Cumar

Madaxweynihii hore ee Dowlad Degaanka Soomaalida Cabdi Maxamuud Cumar ayaa shalay ka soo muuqday Maxkamad ku taalla Magaalada Adis ababa.

Cabdi Maxamuud Cumar ayaa Maxkamadda ka codsaday in ay fasaxdo laakiin,garsoorka Maxkamadda ayaa arrintaas diiday.

Garsooraha Maxkamadda ayaa dood dheer kaddib sheegay in isaga oo raacaya qodobka 19aad ee Maxkamadda sare ee dalka Itoobiya uu Booliska iyo dacwad oogayaashu siinayo 10 Maalmood oo kale oo dheeraad ah.

Dacwad oogayaasha ayuu ka dalbaday in ay soo dhameystiraan eedaha loo heysto Cabdi Maxamuud Cumar Madaxweynihii hore ee dowlad Degaanka Soomaalida.

Sidoo kale waxaa Maxkamadda shalay iyaguna ka soo muuqday xubnaha ku jiray Maamulkiisa ee ay wada xirnaayeen,waxaana Maxkamadd go’aamisay in iyaguna la soo dhameystiro gal dacwadeedkooda.

Madaxweynaha cusub ee Dowlad Degaanka Mustafe Maxamed Cumar ayaa dhawaan dalbaday in caddaaladda la marsiiyo Cabdi Maxamuud Cumar oo uu sheegay in uu dilay 10,000 oo Qof oo Soomaali ah.

XUKUUMADDA SOMALIA OO MARKII UGU HOREYSAY KA HADASHAY SOOMAALI LAGA SOO CELIYAY GAROONKA JOMO KENYATTA

21Bishaan ayaa Dowladda Kenya waxa ay garoonka diyaaradaha Jomo Kenyatta ee Magalada Nairobi ka soo celisay 17 ruux oo Soomaali ah kuwaas oo ku sii jeeday Magalada Kampala ee dalka Uganda.

Xukuumadda Soomaaliya ayaa markii ugu horreysay ka hadashay dadkaasi Soomalida ah ee Garoonka Jomo Kenyatta laga soo celiyay iyo dhibaatooyin kale oo muwaadiniinta Soomaaliyeed ay ku qabaan dalka Kenya.

Wasiirka Wasaaradda arrimaha Dibadda ee Xukuumadda Soomaaliya Axmed Ciise Cawad ayaa sheegay in arrintaasi dowladda Kenya ay dhawaan kala hadli doonto Xukuumadda Soomaaliya.

Waxa uu sheegay in 1da Bisha soo socota ee November ay Kenya aadi doo naan wafdi uu hoggaaminayo Agaa sim aha Guud ee Hay’adda Socdaalka iyo Jinsiyadaha Soomaaliya,si uu mas’uul iyiinta dalkaas kala hadlo dhibaatooyinka dhinaca Socdaalka ah ay muwaadiniinta Soomaaliyeed ku qabaan dalkaas.

Madaxweyne Farmaajo iyo dhigiisa dalka Kenya Uhuru Kenyatta ayuu sheegay in dhowr mar ay kala hadleen dhibaatooyin ka dadka Soomaaliyeed kala kulmaan dalka Kenya.

MADAXWEYNE KUXIGEENKA PUNTLAND CA MEY: GO’AAMAADII KA SOO BAXAY SHIRKII GAROOWE WAA RIYO AAN SUURTAGAL AHAYN

Madaxweyne kuxigeenka Puntland,Cabdixakiin Xaaji Cumar Camey ayaa ka hor yimid qodobbadii ka soo baxay shirkii madaxda maamulgobolleedyada ee lagu soo gabagabeeyay magaalada Garoowe.

"Go’aamaadasi waxaan u arkaa riyo maalmeed aan suuragal ahayn, qof kastoo Soomaali ah wuu la yaabay, iyagana uma aha suuragal, dalkana suuragal kama aha, khaladka waa loo wada jeedaa wuxuu ahaa go’aan aan laga fiirsan.”ayuu yiri madaxweyne kuxigeenka Puntland oo la hadlay idaacadda maxalliga ah Kulmiye ee magaalada Muqdisho.

Waxa uu ku eedeyay hoggaamiyayaasha dowladgobolleedyada in ay sabab u yihiin khilaafka kala dhaxeeya dowladda Federaalka, isagoo dhanka kalana soo dhaweeyay go’aankii uu qaatay madaxa xakuumadda Galmudug, kaaso isna ka soo horjeestay qodobbada shirka Garoowe.

"Waxaan si weyn u boggaadinayaa saaxiibkay Sheekh Axmed Shakiir oo talaabo muhiim ah qaaday.. Waxaan ku baaqayaa in wax kasta lagu xalliyo wadahadal.” ayuu yiri Camey oo sidoo kale soo dhaweeyay saraakiishii ka hor yimid shirkii Garoowe ee madaxweyne Gaas uu xilka ka qaaday iyo Culimada Puntland.

Camey ayaa sidan oo kale uga soo horjeestay shirkii maamulgobolleedyada ee Kismaayo , iyadoo hadalkiisan uu kor u qaadayo ismarinwaaga u dhaxeeya dowladda federalka iyo dowladgobolleedyada.

QARAAR SOOMAALIYA QUSEEYA OO HORYA ALLA SHIRWEYNAHA MIDOWGA ISGAARSIINTA CAALAMIGA

Wafdi uu hoggaaminayo Wasiirka Boostada, Isgaarsiinta & Teknolojiyada, ayna xubno ka yihiin mas’uuliyiinta Hay’adda Isgaarsiinta Qaranka, ayaa ka qeyb galaya shirweynaha ugu sarreeya ee Midowga Isgaarsiinta Caalamiga ah (ITU) oo ka furmay magaalada Dubai ee dalka Imaaraadka Carabta.

Shirweynahan, oo afartii sanaba mar la qabto, ayaa ah shirka ugu heerka sarreeya ee ITU, kaas oo lagu doorto hoggaanka ururka, laguna ansixiyo qorshayaasha iyo go’aannada arrimaha masiiriga ah ee khuseeya isgaarsiinta adduunka ee afarta sano ee soo socota.

Shirweynahan ayaa xiiso gaar ah u leh isgaarsiinta iyo teknoolojiyada Soomaaliya ka dib markii lagu guuleystay shaqooyin badan oo sare u qaadaya isgaarsiinta iyo teknolojiyada dalka, sida ansixinta sharciga isgaarsiinta, dhismaha Hay’adda Isgaarsiinta Qaranka, iyo Soomaaliya oo soo ceshatay xuquuqda codeynta oo ay kaga qeybgali karto doorashada dhacaysa, kuwaas oo sare u qaadday maqaamka uu dalkeenu ku leeyahay ITU.

Wasiirka Boostada, Isgaarsiinta iyo Teknoolojiyada, Md. Eng Cabdi Cashuur Xasan, ayaa sheegay in Wasaaraddu u gudbisay ITU qaraar u gaar ah dalkeena oo loogu talo galay in lagu horumariyo isgaarsiinta iyo teknolojiyada dalka, kaas oo Wasaaradda iyo Hay’adduba ka soo shaqeeyeen, kana soo dhaadhiciyeen kulamada heer qaarad Afrika iyo Carabtaba ee ITU.

"Fursad qaali ah ayay noo tahay inaan maqaamkan kaga faa’iideysano horumarinta isgaarsiinta iyo tenolojiyada dalkeena. Haddii shalay na loo arki jiray dad aan xuquuq lahayn, shalay waxaan qeyb ka nahay go’aamada la gaarayo”, ayuu yiri wasiirka oo intaas ku daray "waxaana fursaddaas uga faa’ideysaneynaa inaan ka wada hadalno horumarin iyo iskaashi uu dalkeenu la yeesho dalalka dhiggeena ah.”

MAYDADKA GABDHO SACUUDIYAAN AH OO LAGA HELAY WEBIGA HUDSAN EE NEW YORK

Hadal ka soo baxay Qunsulliyada Sacuudiga ee magaalladdaasi ayaa lagu sheegay inay socdaan Baaritaan lagu ogaanayo sababta ay u geeriyoodeen labadaa gabdhood oo walaalo ah, oo iyagoo isku xiran laga helay jiinka Webiga Hudsan River ee magaalladda New York.

Labada gabdhood oo maydadkooda la helay Arbacadii la soo dhaafay waxaa lagu kala magacaabo jirey Rotana Farea oo 22jir ahayd iyo Talada Fares oo 16jir ahayd.

Barta Twitterka ee Qunsulliyada Sacuudiga ee magaallada New York ayaa la soo dhigay inay Ciiddanka Deegaanka, Wasaaradda Arrimaha Dibedda Maraykanka iyo Safaaradda Sacuudiga ee magaallada Washington ayaa iska kaashanayo baaritaanka maydadka ee gabdhahaasi.

Goobjoogayaal ayaa u sheegay Waaxda Boliska New York (NYPD) inay gabdhahaasi iska tuureen Buundada dul Marta Webiga Hudsan.

SOMALIA

DIGNIINTA GANACSIGA - OGEYSIISKA QALABKA

_______________________

CALTEX	CHEVRON	DELO
HAVOLINE	STARFAK	TEXACO
URSA

OGAYSIIS WAA BIXINAYAA in calaamadaha ganacsiga ee kor ku xusan yihiin calaamadaha ganacsiga ee:

Chevron Intellectual Property LLC, a limited liability company organised and existing under the laws of the State of Delaware (U.S.A.) of 6001 Bollinger Canyon Road, San Ramon, California 94583, United States of America

waxaana loo isticmaalaa iyadoo lala xiriirinayo: Soosaarayaasha, qaboojiyaha mashiinnada, dareeraha ka hortagga uumiga ah ee nidaamka qaboojinta, qaboojiyeyaasha matoorada leh lidka korontada, xakamaynta anti-qaboojinta iyo guryaha kiciya; qaboojiyeyaasha, ka hortagga uurka, ka horjeeda ka horjeeda, dareeraha ka hortagga karkarinta ee qaabka isku dhafan; wax lagu daro shidaalka, nadiifinta shidaalka, nidaamka shidaalka iyo matoorada; dareerayaasha, dareerayaasha hiddaha, dareerayaasha nidaamyada gawaarida, dareerayaasha korontada, dareeraha gudbinta, dareeraha isku-gudbinta ee tooska ah, dareerayaasha baabuurta laga joojiyo iyo nidaamyada naaquska; dareeraha wax lagu shaqeeyo biraha; muraayadaha indhawareeraha; xoojiyay; daaweenta loogu talagalay isticmaalka kiimikada beeraha iyo herbicides; Kadeecada [caartu] saliidda iyo xayeysiinta; wax lagu daro iyo sidaha loo isticmaalo rogida, saliidaha, miraayadaha, maryaha, naqaska iyo balaastikada; fidiyaha iyo jilicsanaha for vesters and plastics; saliida, saliidaha, saliidaha warshadaha, saliidaha dufanka, dareeraha saliidda, saliidaha macmacaanka, saliidaha la gooyo, saliidaha lidka ku ah boodhka, cuntada macmacaanka fasalka; shidaal, gaasiin, gaaska propane.

OGAYSIIS WAXAA KA QAADAYayaa in dacwad sharci ah laga qaadi doono qof kasta ama shirkad isticmaala calaamadaha ganacsiga ama wax kasta oo la midabtakooro ama si kale u jebiya xuquuqda shirkaddaas.