BAARLAMAANKA SOOMAALIYA OO ANSIX IYAY XEERKA LAGU AASAASAY BAARLAM AANKA MIDOWGA AFRIKA Kulanka golaha shacabka Jamhuuriyadda Federaalka Soomaaliya ayaa shalay lagu ansixiyey hab maamuuska xeerka lagu aas aasay Baarlamaanada Midawga Africa, kaas oo Soomaaliya ay xubin ka tahay.

141Mudane ayaa ogolaaday xeerkan, waxaana ka aamusay 3Xildhbaan, sidaas ayuuna ku meel maray, sida gudoonka golaha shacabku sheegeen.

Xeerkan ayaa daraad golaha wasiirada xukuumadda FS ay ansixiyeen, ka dib markii uu horgeeyey Gudoomiye ku xigeenka 2aad ee golaha shacabka, mudane Mahad Cabdalla Cawad.

Kulankan ayaa waxaa shalay shir gudoominayay guddoomiyaha cusub ee Golaha Shacabka ee dhowaan la doortay Maxamed Mursal Sheekh.

RA’IISUL WASAARE KUXIGEENKA SOOMAALIYA OO BOOQDAY DEEGAANNA DA GOBALKA GEDO EE FATAHAADUHU SAAMEEYEEN

Ra’iisul Wasaare ku xigeenka xukuumadda Federaalka Soomaaliya, Mudane Mahdi Maxamed Guuleed (Khadar), ayaa daraad booqasho ku tagay gobalka Gedo gaar ahaan magaalooyinka Baardheere, Luuq iyo Doolow, si uu ugu kuur galo xaaladda deegaannada ay saameynta ku yeesheen fatahaaddii ka dhalatay roobabka iyo wabiyada.

Safarkiisa R/w kuxigeenka waxaa ku wehliyay Wasiirro, Xildhibaano, Culimo, Haween, Dhalinyaro, iyo guddiga Qaran ee gurmadka fatahaadaha waxa uuna ugu horeyn ka dagay magaalada Baardheere, halkaas oo ay kusoo dhaweeyeen maamulka iyo qeybaha kala duwan ee bulshada.

Maamulka degmada Baardheere iyo kan gobalka ayaa ka mahad celiyay booqashada wafdiga iyaga oo uga warbixiyay xaaladda taagan, intaa kadib RW ku xigeenka ayaa kulamo la qaatay qeybaha ay bulshada, waxuuna ka mahad celiyay soo dhaweynta balaaran ee loo sameeyay wafdiga uu hogaaminayo waxa uun tagay xaafadaha ay daadku ku rogmaday si u arko saameenta ay ah shacabka Ku yeesheen fatahaada wabiga.

"Muhiimada socdaalkayagu waxuu ahaa in aan qiimayno xaaladd gobolka, si gurmad dhameestiran loo sameeyo, mar walbana waxay dawladdu diyaar u tahay in ay waxkasta ku bixiso xaaladan taagan." Ayuu yiri Ra'iisul Wasaare Ku xigeenku.

Guddiga qaran ee gurmadka Fatahaada ayaa ayaa maamulka ku wareejiyay marakaneecooyin iyo Baco, si loo siiyo qoysaska Xaafadahoodii biyaha uga barakacay iyada oo R/wasaare kuxigeenku uu sheegay in Guddiga qaran ee gurmadka Fatahaada ay $100,000 oo hordhac ah ku wareejinayo maamulka gobalka Gedo, si ay bilow uga noqoto gurmadka.

Wafdiga ayaa intaas kadib wuxuu u gudbay Luuq iyo Doolow oo sidoo kale si heer sare ah loogu soo dhaweeyay, waxa uuna ku hor maray magaalada Luuq halkaas oo Mudane Khadar uu marakaneecooyin iyo Baco ku wareejiyay maamulka halkaas ka jira.

Wafdiga oo ugu dambeyn ka degay Doolow ayaa socdaal dheer ku dhex maray magaalada gudaheeda gaar ahaan xaafadaha ay fatahaaduhu saameeyeen, waxayna warbixino ka dhageesteen Wasiirada Arrimaha Gudaha Amniga ee Jubaland kuwaas oo sharaxay xaaladda halka ay taagantahay.

Ra'iisul Wasaare ku xigeenka Soomaaliya ayaa ugu baaqay ummadda Soomaaliyeed in ay u gargaaraan walaalahooda dhibaateysan, isaga oo dhanka kale balanqaaday in dawladdu ay garab taagantahay dadkeeda meel kasta oo ay ku suganyihiin.

DIYAARADAHA DAGAALKA SACUDI CAR ABIYA OO DUQEEYAY MADAXTOOYADA M/SANCA

Duqeyn cirka ah oo ay ciidamada huwanta ee uu hogaamiyo Sacudi Carabiya ku qaadeen madaxtooyada caasimada Yemen ee Sanca ayaa waxaa ku dhintey lix ruux halka soddon kalana ay ku dhaawacmeen,sida ay sheegeen xarumaha caafimaadka.

Dad goobjoogayaal ah ayaa sheegay in diyaarado dagaal ay duhurnimadii shalay oo Isniin ah ay dhowr jeer gantaalo ku rideen madaxtooyada waxana taleefishinka ay maamulaan mucaaradka xukuumada Yemen AlMasirah uu ku eedeeyay weerarka isbahaysiga uu hogaamiyo Sacudi Carabiya.

Isbahaysiga uu hogaamiyo Sacudi Carabiya ayaa waxa ay bilaabeen inay gudaha u galaan dalka Yemen si ay u taageeraan xukuumada la aqoonsan yahay ee dalkaas sanadkii 2015kii.

Hase yeeshee weerarka gantaalada ee shalay lala beegsaday Madaxtooyada magaalada Sanca ayaa yimid saacado kadib markii gantaalada balaastikada ah ay Xuutiyiintu ku rideen gudaha boqortooyada Sacudi Carabiya. Balse gantaaladaas ayaa la sheegay in hawada sare lagu qarxiyay oo aysan ka dhalan wax qasaare ah.

Afhayeenka isbahaysiga Sacudiga uu hogaamiyo Colonel Turki alMaliki ayaa sheegay gantaalo laga soo ridey waqooyiga Yemen laguna soo ridey meel ay shacab degen yihii balse ciidamada Sacudi Carabiya ay ka hortageen oo ay hawada ku qarxiyeen.

Tan iyo bishii November ee sanadkii hore kooxda Xuutiyiinta ayaa kordhiyay inay gantaalo ku ridaan Sacudi Carabiya.

Khilaafka ka jira dalka Yemen ayaa waxaa ku dhintey ugu yaraan toban kun oo ruux halka tobanaan kun oo kale ay ku dhaawacmeen,malaayiin kalana waxa ay qarka u saaran yihiin macluul iyadoo qaramada midoobay ay ku tilshalayy xaalada dalka Yemen tan ugu daran ee xaalad bani’aadanimo ee caalamka ka jirta.

DAYACTIR KA SOCDO DHISMAHA XARUNTA GOLAHA SHACABKA EE BAARLAMAANKA ..

Dayactir xoogan ayaa ka socdo xarunta golaha Shacabka oo ay ku shiraan xildhibaanada baarlamaanka Soomaaliya.

Sawiro laga soo qaaday xarunta ayaa muujinayo dayactir balaaran oo xarunta laga wado, waxaana kormeeray guddoomiyaha cusub ee baarlamaanka Soomaaliya.

Maalintii daraad waxaa la bilaabay hagaajinta xarun Kumeel gaar ah oo la doonayo in laga dhiso Xarunta Villa Hargeysa, halkaasi oo xildhibaanada ay ku shiri doonaan inta xarunta weyn laga dhisayo.

Warar aan heleyno ayaa sheegaya in xildhibaanada qaar ay walaac ka muujinayaan in dhismaha Aqalka golaha shacabka gabi ahaanba la dumayo, maadaama ay ka baqayaan in sida uu hadda u adag yahay loo dhisi waayo.

GUDDOOMIYAHA GOBOLKA BANAADIR OO LA KULMAY DANJIRAHA NORWEY U FADHIYA SOOMAALIYA

Duqa Muqdisho Ahna Guddoomiyaha Gobolka Benaadir Mudane Cabdiraxmaan Cumar Cusmaan (Eng. Yarisow) oo kulan la qaatay Danjiraha Dawladda Norwey u fadhiya Soomaaliya Vebjorn Heines, ayaa kala hadlay xaluhelidda arrimaha Barakacayaasha ku nool gudaha iyo daafaha iyo Horumarinta caasimada.

Duqa Caasimadda ayaa ka warbixiyey horumarka uu dhinacyada kala duwan ka sameeyey maamulkiisu, gaar ahaan xuquuqul insaanka, dawlad wanaagga, nabadda iyo qorshihiisa ku aadan sidii horumar wax ku ool ah loo gaarsiin lahaa magaalada Muqdisho.

Eng. Yarisow ayaa uga mahadceliyey Norwey sida ay ugu heelan tahay inay gacan ka gaysato dadaallada lagu caawinayo bulshada nugul ee gurmad u baahan. Waxuna tilmaamay in guullo wax ku ool ah laga gaaray dhowrkii bilood ee la soo dhaafay arrimaha Barakacayaasha, gaar ahaan dajinta qorshaha mustaqbalka looga fekerayo 4ta sano ee soo socota in loo helo dibudajin dhameystiran barakacayaasha.

"Dalka Norway wuxuu Soomaaliya ka taageeraa arimaha horumarinta, waana waddan aan leenahay xiriir wanaagsan, waxaana safiirkooda ka wada hadalnay sidii ay gacan nooga siin lahaayeen dhanka dibudhiska, gaar ahaan dhismaha Studiom Muqdisho, dibucasriyeynta nalalka ku shaqeeya Cadceedda iyo sidii aan xal ugu heli lahayn dadka magaalada ku soo barakacay”.Ayuu yiri Guddoomiye Yarisow.

Danjiraha Norwey u fadhiya Soomaaliya Vebjorn Heines ayaa dhankiisa sheegay in dalkiisu uu sii wadi doono taageerada dhinacyada kala duwan ee uu siiyo Soomaaliya, gaar ahaan arrimaha amniga

Banii’adamnimada, dibuheshiisiinta iyo dhismaha hay’adaha dawladda.

HOWLGALKA AMISOM OO SHEEGAY IN AAN LA JOOGIN XILIGII AMISOM KA BIXI LAHEYD SOOMAALIYA

Taliyaha Ciidamadda Uganda ee qeybta ka ah howlgalka midowga africa ee AMISOM Generaal Paul lokech ayaa sheegay in aanu aheyn waqtigii ay amisom kabixi laheyd guud ahaan dalka Soomaaliya maadaama wali aanu dhamaan dagaalka ka dhanka ah Alshabaab.

Gen Paul Lokech oo lahadlay war fidiyeenada ayaa carabaabay in mar un ay ciidanka nabad ilaalinta ujooga soomaaliya kabixi doonaan laakin ay ka cabsi qabaan ciidanka amisom ee kusugan soomaaliya hadii ay guud ahaan faarujiyaan xarumaha ay kaga sugan yihiin deegaanada iyo dagmooyinka hoos yimaada dalka laga cabsi qabo in xarumahaas ay la wareegaan xarakada alshabaab maadama waqtigan ciidamada dowlada ay heestaan tababar kufilan balse aanu jiran diyaar sanaan ciidamada dowlada soomaaliya.

Qaramada midoobey ayaa sheegtay in horaantii bishii march aynu kasoo gudubnay layareen doono ciidamada amisom ee qeybta ka ah howl galka midowga Africa ee amisom iyadoona ku dhawaan 1,000 askari ay ugu laabteen dalalkii ay ka yimaadeen kuwaa oo la sheegay in uu ciidankaasi dhamaaday waqtigii ay ku joogeyn soomaaliya."Waxaan aan dhihi lahaa ma ahan waqtigii ay ciidanka amisom kufaarujin lahaayeen soomaaliya waxaanu u baahan nahay waqti nagu filan oo aanu kudiyaar sano ciidamada kusugan gudaha dalka”. ayuu yiri Mr

Lokech oo ah taliyaha ciidamada UgandaQaramada midoobay ayaa waxaa ay sheegtay in amaanka guud

ahaan soomaaliya ay lawareegi doonaan ciidamada dowlada sanadka 2021ka maadama waqtigan amniga soomaaliya uu soo hagaagayo.

Taliyaha ciidmada Uganda ee qeybta ka ah howl galka midowga Africa ee amisom ayaa waxa uu sharaxaad buuxa kabixiyay in ay tababar buuxa ay siiyeen qaar kamid ah ciidamada dowlada soomaaliya ayna udiyaariyeen lawareegida amaanka dalka balse hanaanku uu ubaahan yahay waqti

Dalalka Ethiopia, Brundi, Djbouti, Sierra Leone, Iyo dalka Uganda ayaa waxaa ay kajoogaan ciidamo soomaaliya kuwaa oo qeybta ka ah howl galka midowga Africa ee amisom kuwaa oo sanadii 2007 loosoodiray soomaaliya si ay u ilaaliyaan amniga soomaaliya iyo ladagaalanka xarakada alshabab

NACIIMA ABWAAN QORANE OO XABSI GA LAGA SII DAAYAY

Madaxweynaha Maamulka Somaliland Muuse Biixi Cabdi ayaacafis u fidiyay Naciima Abwaan Qorane oo hore maxkamad ku taal magaalada Hargeysa ku xukuntay saddex sano oo xarig ah.

Afhayeenka madaxtooyada Maamulka Somaliland Maxamuud Warsame Jaamac ayaa sheegay in abwaanad Namiica Axmed Qorane oo hore maxkamadda gobolka Hargeysa ugu xukuntay saddex sano oo xarig ah shalay laga sii daayay xabsiga Gebilley, kaddib markii uu cafis u fidiyay madaxweynaha Somaliland Muuse Biixi Cabdi.

Odayaal ka socda qoyska Naciima, oo aabbahheed uu ku jiro ayaa warqad codsi ah u soo qoray madaxweynaha si uu cafis ugu fidiyo kaddibna uu madaxweynuhu aqbalay.

Maxkamadda gobolka Maroodijeex ayaa bishii hore ku ridday xukun ah saddex sano oo xabsi ah abwaanadda oo tan iyo 27kii Janaayo ee sanadkan ku xirneyd magaalada Hargeysa.Maxkamadda ayaa ku dhawaaqday in lagu helay Naciima denbi lagu tilmaamay inay hadallo cay, iyo cambaareyn oo waxyeello ku ah Jamhuuriyadda iskeed ugu dhawaaqday madax bannaanida ee Somaliland jeedisay iyadoo markaa ku sugneyd magaalada Muqdisho.

FAAHFAAHIN:QARAX KHAASARO LAGU GAARSIIYAY CIIDAMADDA KENYA OO KA DHACAY JUBADA HOOSE.

Wararka ka imaanaya gobolka Jubbada Hoose ee Koonfurta Soomaaliya ayaa sheegaya in weerar khasaara badan dhaliyay lagu qaaday ciidamo katirsan dowladda Kenya Kuwaasi oo Ku socdaalayay Duleedka Dagmada Dhoobley ee Gobolka Jubada Hoose.

`Qaraxa ayaa sababay dhimasho iyo Dhaawac oo soo gaaray Ciidamada Dowlada Kenya ee Ku Socdaalaye Dowlada Kenya.

Dadka Degaanka ayaa sheegay in qarax miino uu haleelay gaari nuuca ciidanka xambaara ah oo ka yimid deegaanka Libooya Kenya ee dhulka Soomaalida NFD kunasii jeeday gudaha Soomaaliya.

Gaariga qaraxu haleelay ayaa gabi ahaantiis gubtay waxaana dhimasho iyo dhaawac noqday ciidamadii la socday Dadka Degaanka ay ideacada Simba u xaqiijiyeen.

War kasoo baxay Alshabaab ayeey Ku sheegteen Masuuliyadda Qaraxasi waxaana ay sheegeen in Qaraxaasi ay Ku Gubeen Gaarinuuca dagaalka ah iyo Dhimasho 15 askari oo Kenyaati ah.

Ma jiro ilo ka madaxbanaan Alshabaab oo Xaqiijinkara Dhimashada iyo Dhaawaca soo gaaray ciidamada Kenya.

KENYA IYO UGANDA OO HUB FARABADAN IIBSANAYA, XILLI AY CIIDDANKOODA DAGAAL KULA JIRAAN ALSHABAAB

Dowladaha Kenya iyo Ugnada ayaa la sheegay inay yihiin labada Waddan ee Bariga Dhexe ee Tartanka ugu jira Hubka, iyadoo ay Ciiddamadda labadaasi dal qeyb ka yihiin Hawlgalka AMISOM ee Ladagaalanka Alshabaab.

Kenya ayaa la sheegay inay 27 million oo Dollar u qoondeeysay inay hub ku soo iibsadaan sannadkan 2018ka ilaa bisha june ee sannadka soo socda ee 2019ka.

Barlamaanka dalkaasi waxay isbuucii hore ansixiyeen Kharaj dheeri ah ee soogadashadda Hubka, iyadoo loo maray Miisaaniyadda Yaree dalkaasi (Mini Budget).

Ciiddanka Kenya ee KDF waxay hoos uga dhaceen Tartanka Hubka ee ay Uganda kula jireen, oo haatan hoggaaminaysa Tartanka Hubka ee Bariga Afrika.

Machadka Caalamiga ee Cilmibaarista ee magaalladda Stochlom ee dalka Sweden (The Stockholm International Peace Research Institute (Sipri) waxay bishii hore shaaciyeen in ay Kenya sannadkii hore ka dalbatay dalka MONTENEGARO Hub ay ku jireen Doonyaha Dagaalka ee Mustacmalka ah ee ay ku rakiban yihiin qoryaha AK 630 ee dhumucdooda tahay 30 milimitir iyo Doonyaha Ilaaladda Xeebaha ee la soo casriyeeyey ee noocoodu yahay JASIRI OPV

Wargeyska Business Daily ayaa qoray in Kharajka Dowladda Kenya ku bixinayso Hubka Culuss lagu sheegay Baahida Difaaca ee Xuduudaha ee Ladagaalanka Alshabaab, oo iyagu horey hawlgallo uga fuliyey Degmooyin waaa weyn oo ku yaalla Kenya, gaar ahaan kuwa ku teedsan Xuduudka Kenya la wadaagto dalka Somalia.

DIL XALAY KA DHACAY DULEEDKA MUQDISHO

Kooxo hubeysan ayaa xalay waxa ay qeybo ka mid ah tabeelaha Sheekh Ibraahim ee duleedka Muqdisho waxaa la sheegay in ay ku dileen Nin caanka ahaa deegaankaas.

Goobjoogayaal ayaa waxa ay Dalsan u sheegeen in rag hubeysan oo watay gaari ay dileyn nin kale oo gaari watay kaas oo magaciisa lagu soo gaabiyey shoobaaye,isla markaana mar uu ka mid ahaa ilaalada Jaamacadda Shabeelle.

Goobjoogaha ayaa sidoo kale waxa uu sheegay in markii ay dhowr xabadood ku dhufteyn ninkaas ay goobta ka baxsaden,iyaga oo horay u sii qaatay gaarigii uu watay.

Weli macada sababta ninkaasi loo dilay iyo cidda ka dambeysa dilkiisa,waxana Goobta hadda baaritaano ka wada oo gaaray ciidamo ka tirsan kuwa dowladda Soomaaliya.

AXMED MADOOBE OO SHAACIYAY CIDA UU LA SAFAN YAHAY DOWLADDA DHEXE IYO IMAARAADKA..

Madaxweynaha Maamulka Jubbaland Axmed Maxamed Islaam (Axmed Madoobe) ayaa shalay oo Isniin ah dib ugu laabtay Magaalada Kismaayo ee xarunta Gobolka Jubbada Hoose, kadib safar caafimaad oo uu ku aaday dalka Itoobiya.

Axmed Madoobe oo warbaahinta kula hadlay Garoonka Diyaaradaha ayaa waxa uu ka hadlay xiisada siyaasadeed ee dalka, Booqashadii C/kariin (Qalbidhagax), Khilaafka Imaaraadka iyo Dowladda dhexe iyo Fatahaadaha.

Wuxuu sheegay Madaxweyne Axmed Madoobe in Maamulkiisa uu la safan yahay Imaaraadka Carabta, wuxuuna ku dhaliilay qaabka ay ula dhaqantay Imaaraadka, hadana loo baahan yahay in ay dib uga laabato go’aankeeda.

"Arrinta khaliijka Dowladdu dariiq sax ah kuma ahan waxa ay ku dhaqmeyso, ama dib ha uga noqoto go’aankeeda, annaga hadii aynu nahay Jubbaland, Soomaaliya waxtarkeeda shalay Imaaraadka nooga wacan.” Ayuu yiri Axmed Madoobe.

Dhinaca kale Axmed Madoobe ayaa sheegay in Dowladda Itoobiya uu kala soo hadlay sidii xoriyadiisa uu dib ugu heli lahaa Sarkaalka ONLF, C/kariin Sheekh Muuse (Qalbidhagax), wuxuuna tilmaamay xaalada Qalbidhagax in ay tahay mid wanaagsan oo aanay jirin wax dhib ah oo heysta.

Ugu dambeyntii Hoggaamiyaha Jubbaland ayaa shacabka ka dalbaday in ay u gurmadaan dadka uu saameeyay fatahaadaha Wabiyada Shabeelle iyo Jubba "Fatahaada iyo dhibaatada dhaceysa waa musiibo Qaran, Dowladda dhexe waxaa saaran masuuliyad oo ah in ay ka gurmato dhibaatada jirta, waan u mahadcelinayaa Guddigii daraad yimid ee kormeerka sameeyay.”

MADAXWEYNAHA JABUUTI IYO TALIYAHA CIIDANKA BOOLISKA SOOMAALIYA OO KULAN YEESHAY..

Madaxweynaha Jamhuuriyadda Jabuuti Mudane Ismaaciil Cumar Geelle ayaa shalay Xafiiskiisa ku qaabilay Wafdigii uu hoggaaminayey Taliyaha Ciidanka Booliska Soomaaliyeed Sarreeye Guuto Bashiir Cabdi Maxamed Ameeriko.

Kulankan oo socday saacad iyo wax ka badan ayaa waxaa goobjoog ka ahaa Taliyaha Ciidanka Booliska Jabuuti G/sare Cabdullaahi Cabdi Faarax, Saraakiil Ciidan oo ka kala socotay labada dalka iyo masuuliyiin kale.

S/guuto Bashiir Cabdi Maxamed, ayaa Madaxweynaha Dawladda Jabuuti, waxa uu kala hadlay dhinacyo badan oo ammaanka quseeya iyo siddii Jamhuuriyadda Soomaaliya looga taageeri lahaa adkeynta Nabadgelyada.

Madaxweyne Ismaaciil Cumar Geelle, ayaa ballan qaaday in gacan weyn Dowladda Djibouti ay ka geeysan doonto taageerada Ciidanka Booliska Soomaaliyeed, kordhinta tababarada iyo qalabeynta Ciidanka.

Taliyaha Ciidanka Booliska Soomaaliyeed S/guuto Bashiir Cabdi Maxamed Ameeriko, ayaa uga mahadceliyey Madaxweyne Geelle sida walaaltinimada ay ka muuqato ee loogu soo dhaweeyey Djibouti, waxaana uu tilmaamay in uu yahay HiilWalaal oo Soomaaliya mar walbo garab taagan.

NACIIMO ABWAAN QORANE OO LA SIIDAAYAY

Wararka naga soo gaaraya Magaalada Hargeysa ayaa waxa ay sheegayaan in Madaxweynaha Somaliland Muuse Biixi Cabdi uu sii daayay Naciima Abwaan Qorane.

Ilo lagu kalsoonaan karo ayaa waxa ay xaqiijiyeenmaxkamadda gobolka Hargeysa oo dhawaansaddex sanno oo Xabsi ah ku xukuntay Naciimo in xabsiga Gabiley laga sii daayay ka dib cafis uu u fidiyay madaxweynaha Somaliland Muuse Biixi Cabdi.

Aabbaha dhalay Naciima ayaa sheegay in uu isaga la kulmay Madaxweynaha Somaliland islamarkaana uu u ballan qaaday in Gabadha xasbiga laga siideynayo.

Xarigga Naciima ee dabayaaqadii bishii Janaayo ayaa yimid kaddib markii ay ka soo noqotey safar ay ku tagtay magaalada Muqdisho, oo ay kaga qeyb gashey barnaamij ay qabaneysay warbaahinta TEDx.

Gabyaaga ayaa aheyd qof aan ka gaban doonitaankeeda midnimada Soomaaliya, taasoo ay ku muujisay qoraalo ay galisay baraha bulshada kuwada xiriirto ee Facebookga, iyo xafladaha la isugu yimaado.

TOONTA OO YAREYSA KHATARTA 3

Daraasad cusub oo ay sameysay Jaamacadda Nottingham ayaa daaha ka rogtay in isticmaalka toonta ay kaalin ka qaadato ka hortagga iyo yareynta khatarta cudurrada Cancerka, Wadnaha iyo Nooca 2aad ee diabeteska Sonkorowga.

Sida ay qortay Jariidada "Daily Mail” ee gudaha UK ka soo baxda, Toontu waxay leedahay faa’iidooyin caafimaad, sababtuna waa sulfur compoundska laga helo.

Laakiin daraasaddan ayaa lagu caddeeyay inaan la garaneyn wadada ugu wanaagsan ee loo isticmaalo, waxaana illaa iyo hadda dhakhaatiirtu ka caajiseen oo aan u suuraggalin iney heleen habka ugu wanaagsan ee loo qaato, sababtoo ah waxaan la ogeyn habka uu jirku ula falgalo qaadashadeeda.

Khubaradu waxay arkeen in toontu ay hoos u dhigayso Dhiigkarka, sidaas oo kale ay leedahay maddooyin lid ku ah cancerka oo ka hortaga.

Anagoo arrintan tixraacayna, wadada toonta loo cuno ayaa xadidaya in laga faa’idaysto toonta iyo in kale.

Dr. Peter Rose oo ka mid ah dadkii daraasaddan ka qaybta ahaa ayaa sheegay in nacfiga lasoo sheegay ee toontu aanuu ka dhigneyn inuu ilaalo weyn oo cudurradaa lagaga hortago ay qafka siineyso, waxa ay yareynaysaa khatartooda oo qura ee si kama dambeys ah meesha ugama saareyso.

XIGASHO GOOBJOOG NEWS

BOGGA CAYAARAHA

RASMI: MOHAMED SALAH OO KU GUULAYSTAY GOOLKII UGU QURUXDA BADNAA WAREEGII AFAR DHAMAADKA CHAMPIONS LEAGUE IYO MUUQALKA AY UEFA KU SOO BANDHIGTAY.

Xidhiidhka kubbada cagta Yurub ee UEFA ayaa si rasmi ah u shaaciyay in Mohamed Salah uu markale ku guulaystay goolka wareegii afar dhamaadka Champions League ugu fiicnaa kadib markii uu ku garaacay codbixintii jamaahiirta aduunku ka sameeyeen shabakada UEFA.

Mohamed Salah ayaa tartanka goolkan ugu guulaystay darbadii cajiibka ahayd ee uu kooxdisiii hore ee Roma kaga dhaliyay goolkii furitaanka ee kulankii Anfield ee lugtii hor ee afar dhamaadkii Champions League markaas oo uu difaaca Roma iyo goolhaye Allison uu kaga yaabsaday.

Mohamed Salah ayaa ku guulaystay boqolkiiba 47% codkii jamaahiirta aduunku ku soo dooranayeen goolkii ugu fiicnaa wareegii afar dhamaadka wuxuuna markale helay cod layaableh isaga oo sii wata in uu ciyaartoyda kale ku garaaco cod bixin karta oo ay xili ciyaareedkan iskugu soo baxeen.

Goolkii uu Marcelo ka dhaliyay Bayern Munich ee lugtii hore ee Allaiz Arena ayaa kaalinta labaad galay isaga oo xidiga ree Brazil helay boqolkiiba 16% codbixintii jamaahiirta kubbada cagta aduunka waxaana jira farqi wayn oo u dhexeeya Mohamed Salah.

Goolkii uu xidiga kooxda Roma ee Nainngollan uu ka dhaliyay Liverpool kulankii lugtii labaad ee Champions League aya kaalinta saddexaad galay isaga oo xidiga ree Belgium helay boqolkiiba 14%.

Goolkii uu Marco Asensio ka dhaliyay Bayern Munich ee isla kulankii Allainz Arena ayaa kaalinta afraad ugu jira boqolkiiba 12%.

Si kastaba ha ahaatee, Mohamed Salah ayaa codbixino badan xili ciyaareedkan ugu soo guulaystay UEFA isaga oo goolalkii ugu fiicnaa iyo xidigii todobaadka ugu fiicnaa ku soo garaacay xidigo magac wayn oo kubbada cagta ah.

MADAXWEYNAHA REAL MADRID OO CADEEYAY FIKIRKIISA KAGA AADAN QAAB CIYAAREEDKA KEYLOR NAVAS

Madaxweynaha Real Madrid Florentino Perez ayaa ku adkeysanaya lasoo saxiixashada goolhaaye cusub kadib marka uu furmo suuqa kala iibsiga ee soo aadan, inkastoo uu wacdarro dhigay goolhayaha xullka qaranka Costa Rican Keylor Navas

Wargeyska "Sport” ayaa sheegay in banshigyadii ugu dambeeyay uu ka sameeyay Keylor Navas kulamadii lasoo dhaafay aysan ka hor istaagi doonin Florentino Perez lasoo saxiixashada goolhaaye cusub xili ciyaareedka soo aadan.

Wargeyska ayaa sheegay in Perez uu doonayo lasoo saxiixashada mid kood David de Gea ama Thibaut Courtois si uu u keensado garoonka Santiago Bernabéu.

Si kastaba Keylor Navas ayaa wuxuu si cad u sheegay inuu doonayo sii joogi taanka kooxda Real Madrid, ilaa iyo kooxd ay kala soo saxiixaneyso goolhaaye kale ee cusub.

XIDHIIDHKA KUBBADA CAGTA YURUB EE UEFA OO KU DHAWAAQAY GARSOORAHA QABAN DOONA FINALKA CHA-MPIONS LEAGUE EE REAL MADRID VS LIVERPOOL.

Xidhiidhka kubbada cagta Yurub ee UEFA ayaa si rasmi ah ugu dhawaaqay garsooraha dhex dhexaadin doona kulanka adag ee finalka Champions League ee magaalada Kiev ku dhex mari doona kooxaha Real Madrid iyo Liverpool. Finalka UEFA Champions League ayaa la ciyaari doonaa May 26,2018.

UEFA ayaa shaacisay in garsooraha ree Serbia ee Milorad Mazic in uu dhexda u gali doono Real Madrid iyo Liverpool ee finalka Champions League laakiin warkan ayaan ahayn mid uu soo dhawayn doono xidiga xulka qaranka Portugal ee Cristiano Ronaldo.

Cristiano Ronaldo oo eedayn kulul u soo jeediyay garsoore Milorad Mazic ayaa markale la midoobi doona kadib markii uu Ronaldo ka cadhooday qaabkii uu Mazic u dhex dhexaadiyay kulankii koobkii aduunka 2014 ee xulka qaranka Portugal uu guuldarada 4-0 ka ahayd kala kulmay Germany.

Cristiano Ronaldo ayaa markaas ka cadhaysnaa in garsoore Milorad Mazic uu kaadhka cas u taagay Pepe isla markaana uu rekoodhe ku abaal mariyay Mario Gotze kadib markii uu qalad kala kulmay Joao Pereira. Laakiin garsoore Mazic ayaa ahaa garsoorihii hayay kulankii finalkii UEFA Super Cup ee ay Madrid 3-2 waqtiga dheeriga ahaa ugu garaacday kooxda Sevilla.

Garsoore Mazic ayaa finalkii UEFA Super Cupka kaadhka cas u taagay Timothee Kolodziejczak iyada oo taasi Real Madrid ka caawisay in ay Sevilla waqtigii dheeriga ahaa 3-2 ku garaacday.

Milorad Mazic oo 45 sano jir ah ayaa bishii March 2016 soo dhex dhexaadiyay kulankii Liverpool ay Old Trafford barbaraha kula soo gashay Man United ee lugtii labaad ee Europa League iyada oo Reds markaas barbaro 1-1 ah ku soo dhaaftay Man United oo ay wadarta labada kulan 3-1 ugu soo jiiday, waana kulan uu Milorad Mazic si muran la’aan ah uu ku hayay.

Dhinaca kale Milorad Mazic ayaa dhex dhexaadiyay kulankii kaliya ee uu Sam Allardyce uu macalinka u soo noqday xulka qaranka England ee uu Adam Lallana guusha u horseeday kulankii Slovakia kadib markii uu kaadhka cas siiyay Martin Skrtel.

Garsoore Milorad Mazic ayaa xili ciyaareedkan shan kulan oo UEFA Champions League ah soo dhex dhexaadiyay wuxuuna soo bixiyay 18 kaadh oo digniin ah isaga oo celcelis ahaan kulankiiba soo bixiyay 3.6 kaadh oo digniin ah.

ENGLAND - PREMIER LEAGUE MAY 8

11:45Swansea City ? - ? Southampton

May 9

11:45Chelsea? - ? Huddersfield Town

11:45Leicester City? - ? Arsenal

12:00Manchester City? - ? Brighton & Hove Albion

12:00Tottenham Hotspur? - ? Newcastle United