Dilku waxa uu ka dhacay halka loo yaqaaano sifeeynta badroolka oo ku taalla duleedka degmada wadajir. Ninkaan hubeysan ayaa dilay Xaaskiisa iyo sidoo kale Saddex qof oo kale ka dibna isaga ayaa Isdilay.

Ninka dilka geystay ayaa la sheegay in uu daraad soo iibsaday qoriga loo yaqaano AK 47.

Ruuxa dadka laayay ayaa magaciisa lagu sheegay Cabdul qaadir Caddaan, waxaana dadka uu dilay lagu kala magacaabaa Xaawo Maxamuud Caddaan oo ah Walaashiis, C/llaahi Maxamed Yalaxow iyo Maxamed Tuuryare oo ay Ilmo Adeer ahaayeen iyo Xaaskiisa oo lagu magacaabo Xaliimo Xuseen Cali Kowshe.

Maamulka degmada Wadajir ayaa xaqiijiyay dhacdadaan , waxaana ilaa iyo hadda aan la helin Faahfaahin ku saabsan dhacdadaan xanuunka badan.

RA’IISUL WASAARE KHEYRE OO FAAH FAAHIYEY HESHIISYADII UU LASOO GALAY MADAXDA MIDOWGA YURUB

`Ra’iisul Wasaaraha Soomaaliya Xasan Cali kheyre oo Shalay dib ugu soo laabtay dalka kadib markii shir uu uga qeyb galay dalka Biljamka ayaa waxa uu ka hadlay shirkii uu ka qeyb galay iyo kulamo uu la qaatay masuuliyiin uu la kulmay iyo heshiisyadii dhexmaray.

Ra’iisul Wasaare Kheyre oo shir jaraa’id ku qabtay Xafiiskiisa ayaa sheegay in uu la kulmay Ra’iisul Wasaaraha Biljamka oo ay ka wada hadleen Iskaashi dhanka arrimaha Amniga,sidoo kale Madaxa ugu sareeya Midowga Yurub iyo Madaxda Midowga Yurub u qaabilsan arrimaha Horumarka.

Sidoo kale Ra’iisul Wasaaraha ayaa sheegay in dhammaan Safiirada Midowga Yurub uu kala hadlay arrimaha Soomaaliya sigaar ah xaalada Soomaaliya iyo sidii Ciidamada Dowladda Soomaaliya ay ula wareegi lahaayeen Ciidamada AMISOM amniga dalka.

Waxa uu sheegay in Midowga Yurub iyo dowladda Soomaaliya ku hesiiyeen qodobadaan Soo socda

1: In mashruuca dibudhiska qorshihii leysla ansixiyey ee kala guurka dowladda Soomaaliya loogu deeqo 80 Milyan oo Euro oo u dhigantay Boqol Milyan oo Dollar.

2: In dowladda kala Shaqeeyaan arrimaha horumarka sida Kheyraadka kaluumeysiga sidii Ummada Soomaaliyeed meel walba ay joogaan uga faa’iideysan lahaayeen.

3:Sidoo kale sidii looga hortegi lahaa jarida dhirta iyo nabadguurka iyo dhoofinta Dhuxusha Sharcidarrada ah.

4: Sidoo kale in shirka Sanadkiiba mar la qabto ee looga hadlo arrimaha Soomaaliya ee lagu qabto Midowga Yurub ee dhici doona 26 June ee Sanadkaan kaas oo ay ka wada qeybgeli doonaan Madax ka tirsan dowaldda,isla markaana lagu falanqeyn doono in Soomaaliya lagu caawiyo dhaqaale.

Taliyaha Xoogga Oo Shalay Tababar U Soo Xiray Ciidamo Ka Tirsan Ilaalada Madaxtooyada

Wasiir kuxugeenka Gaashaandhigga Soomaaliya C/llaahi Colaad Raable iyo Taliyaha

ciidanka xoogga dalka Soomaaliya Sareeya Gaas Cabdiweli Jaamac Warsame (GOROD) ayaa shalay oo Sabti ah tababar usoo xiray ku dhowaad labo boqol oo askari oo ka mid ah Ciidanka Ururka 60aad ee ilaalada madaxtooyadda Qaranka.

Xiritaanka tababarkan oo saddex bilood socday waxaa goobjoog ka ahaa Agaasime ku xigeenka madaxtooyadda, Taliyaha ciidanka Badda, saraakiil ka socda xoogga dalka iyo masuuliyiin kale.

Taliyaha Ururka lixdanaad ee Madaxtooyadda Gaashaanle Odawaa Yuusuf Raagge ayaa sheegay ciidankan inay qaateen tababaro kala duwan oo ay ugu horayso la dhaqanka shacbiga iyo masuuliyiinta imaanaya madaxtooyadda iyo kor u qaadista howlgalada ay ku jiraan oo ay kow ka tahay ilaalinta wadooyinka soo gala madaxtooyada, waxa kale oo uu sheegay Odawaa in la baray ciidankan ixtiraamka taasoo kor u qaadaysa in la helo ciidan qaran oo faham buuxda ka haysa wadaniyada iyo ilaalinta karaamada shacabka Soomaaliyeed.

Agaasime ku xigeenka Madaxtooyadda Aamina Siciid Cali oo ka mid ahayd masuuliyiintii hadlay ayaa sheegtay iney aad ula dhacsan tahay sida wanaagsan oo ay ciidankan ula dhaqmaan dadka maraya wadooyinka madaxtooyada gala, waxayna intaa ku dartay in Askariga yaqaana habka dadka loola dhaqmo ay suurta galin karto in kalsoonida shacabka ku qabaan ciidankooda ay kor usii qaado.

Taliyaha ciidanka xoogga dalka Sareeya Gaas Cabdiweli Jaamac Warsame (GOROD) ayaa sheegay marka hore in ciidanka ilaalada Madaxtooyada ay ka duwan yihiin dhammaan ciidanka xoogga dalka, sababtuna tahay iney ka howl galaan xarunta ugu weyn ee dalka laga maamulo iskuguna yimaadaan madaxda oo idil, wuxuu sheegay in tababarka ay qaataan wax badan ay ka badaleen shaqooyinkooda.

Taliye Gorod ayaa ku amaanay saraakiisha ciidanka inay had iyo goorba u taagan yihiin kor u qaadista aqoonta iyo tayada ciidanka, wuxuuna cadeeyay in tababaradaan oo kale iskuguna jira gudaha iyo dibadda lasii labalaabayo.

Wuxuu taliye Gorod xiritaanka tababarkan ka sheegay askariga la dalacsiinayo inuu ku imaan doona warbixinta uu sarkaalkiisa ka yimaado, wuxuuna meesha ka saaray inaysan dhici doonin sarkaal xidig lagu siinayo isagoo wata Odaygiisa ama xildhibaankiisa, wuxuuna dhaar ku maray sarkaalkii sidaa sameeya in laga xayuubinayo xidigaha uu horay u haystay.

Dufcada shalay korsadaan loosoo xiray ayaa noqonaysa tii afaraad, waxaana jiraya tababaro kale oo lasiinayo ciidanka madaxtooyadda dalka

SALDHIGGA MAREYKANKA EE SOOMALIYA OO LA BALLAARIYAY

Wargeyska Vice News ee ka soo baxa dalka Mareykanka ayaa sheegay in dowladda Mareykanku ay ballaarisay dhismaha Saldhigga Balidoogle oo ay gacanta ku hayaan Ciidamada Milatariga dalkaasi ee ka howlgala Soomaaliya.

Wargeyska oo soo xiganaya Qandaraaslayaasha dhisay qeybaha cusub ee Saldhiggaasi ayaa tilmaamay in dhismaha Saldhiggu uu ahaa mid si qarsoodi ah u soo bilowday bishii January ee Sanadkii hore.

Saldhigga ayaa la sheegay in lagu kordhiyay illaa iyo 800 oo Sariiro casri ah, iyadoona si heer sare ah loo qalabeeyay gudaha Saldhiggaasi.

Howlgalka Mareykanka ee Africom ayaa horay u sheegay in Askartooda ku sugan Soomaaliya ay gaarayaan illaa iyo 500 oo Askari, kuwaasi oo Soomaaliya u jooga in ay DFS ka gacan siiyaan dagaalka ka dhanka ah Xarakada Al Shabaab.

Saldhigga Balidoogle ayaa waxaa horay Soomaaliya uga dhisay Midowgii Soofiyeed ee Saldhigga Balidoogle ayaa waxaa horay Soomaaliya uga dhisay Midowgii Soofiyeed ee Ruushka.

BANAANBAX LOOGA SOO HORJEEDO MAAMULKA G/HIIRAAN OO BALADWEYNE KA DHACAY..

 

 

Magalada Baladweyne e Xarunta Gobolka Hiiraan waxaa XAafado ka tirsan Shalay banaanbax ka dhigay dadkii tirade yaraa ee ku haray,kuwaas oo ka cabanaya Maamulka Gobolka Hiiraan.

Qaar ka mid ah banaanbaxayasha oo Goobta ka hadlay ayaa waxa ay sheegeen in labada Xaafadood ee HowlWadaag iyo Buundaweyn oo ay degan yihiin mudo 15 maalmood ah ay biyo ay dehx yaallay kaas oo ku fatahay Wabiga Shabeelle.

Waxa ay sheegeen in gurmadkii kala duwanaa ee la keenayyay Baladweyne aan xaqooda laga siinin,isla markaana la dulmiyey.

Waxa ay ugu baaqeen Madaxda Dowladda Soomaaliya maadaama maamulka Gobolka Hiiraan ay ka hiiliyeen sida ay hadalka u dhigeyn.

Magalada Baladweyne ee Xarunta Gobolka Hiiraan ayaa badi dadkii deganaa ay ka barakaceyn kadib markii uu ku fatahay Wabiga Shabeelle waxaana socda gurmad la geynayo dadkii fatahaada ka barakacay.

QM OO UGU BAAQDAY DFS IYO ALSHABAAB INAY SIDA UGU DHAQSAHA BADAN LOO SII DAAYO CARRUURTA AY ASKAREEYAN

Khabiirka Madaxa Bannaan ee QM ugu qaabilsan Arrimaha Xuquuqda Aadanaha ee dalka Somalia ayaa ku baaqay in sida ugu dhaqsaha badan loo sii daayo dhamaan Carruurta Afduubka loo haysto ama kuwa loo qorto inay Dagaalamayaal ka noqdaan Colaadaha Hubeysan ee ka socda gudaha Somalia.

Khabiirka oo lagu magacaabo Bahame Tom Nyanduga waxa uu ku booriyey in Tallaabo laga qaado sidii loo joojin lahaa Carruurta ka qeyb gala Colaadaha Hubeysan.

Waxa uu farta ku fiiqay Carruurta ay DFS iyo Alshabaab u qortaan inay u dagaalamaan ay xadgudub ku tahay Xuquuqda Carruurta, isla markaana ay carruurtaasi yihiin kuwo Dhibanayaal ah.

Dhinaca kale, Khabiirka Madaxa Bannaan ee QM ugu qaabilsan Arrimaha Xuquuqda Aadanaha ee dalka Somalia oo dhamaystay booqasho 6 maalmood oo uu ku joogay Somalia waxa uu ku baaqay in la xoojiyo Qeybta Caddaaladda, gaar ahaan Boliska, Garsoorka iyo Hay’addaha kale, iyo in isbedel lagu sameeyo qeybta Ammaanka.

Khabiirkaasi waxa uu soo dhaweeyey Tallaabooyinka ay DFS iyo Beesha Caalamka ka qaadeen sidii loo yareyn lahaa Khasaaraha Nololeed ee ka dhalan lahayn Macluusha, wuxuuna ku baaqay in loo gargaaro Kumanaanka qof eek u barakacay Fatahaadda Roobka iyo Webiyadda.

Sidoo kale, Bahame Tom Nyanduga waxa uu DFS ugu baaqay hagaajinta qeybo ka mid ah Xuquuqda Aadanaha, o oo ay ku jirto Xukunadda Dilalka, wuxuuna dhanka kale si cad u sheegay in loo baahan yahay in wax badan laga qabto si loo xaqiijiyo guud ahaan Xuquuqda Aadanaha ee Somalia

WASIIR MAAREEYE OO LA KULMAY WAFDI KA SOCDA BANGIGA ADDUUNKA.

Wasiirka Wasaaradda Ganacsiga iyo Warshadaha Xukuumadda Federaalka Soomaaliya Mudane Maxamed Cabdi Xayir Maareeye ayaa shalay Xafiiskiisa ku qaabilay Wafdi heer sare ah.

Wafdigaan oo ka socda Bankga Adduunka ayaa waxa ay ka wada hadleen horumarka iyo Xiriirka labada dhinac.

Sidoo kale waxaa la iskula soo qaaday Kulankaasi kordhinta taageerada Bankga Adduunku siiyo Hay’adaha dowladda gaar ahaan Wasaaradda Ganacsiga iyo Warshadaha.

Tan iyo markii loo Magacaabay Wasiirka Wasaaradda Ganacshiga iyo Warshadaha Xukuumadda Soomaaliya Mudane Maxamed Cabdi Xayir Maareeye waxaa si dar dar leh ku socday howlaha Wasaaradaasi.

GUDDOOMIYAHA G/BANAADIR DEEQ GAARSIIYEY QAAR KAMID DADKA BARAKACAYAASHA AH EE KU NOOL DULEEDKA CAASIMADDA.

Guddoomiyaha Gobolka Benaadir ahna Duqa Caasimadda Mudane Cabdiraxmaan Cumar Cusmaan (Eng. Yarisow) ayaa shalay kormeer ku sameeyey qaar kamid ah xeryaha dadka barakacayaasha ah ee ku yaalla duleedka Caasimadda, gaar ahaan degmada Kaxda, iyadoo la gaarsiiyey deeqo kala duwan.

Duqa Muqdisho oo walaac ka muujiyeen xaaladda nololeed ee dadka soo barakacay ayaa ka codsatay dadka Soomaaliyeed iyo hay’adaha gargaarka ee caalamiga ah inay u soo gurmadaan barakacayaasha maadaama kuwo badan oo ayaga ka mid ah ay khatar ku jirto noloshooda waqtigan lagu jiro xili roobaadka.

Guddoomiyuhu ayaa xaqiijiyey sida ay uga go’antahay maamulkiisa wax ka qabashada nolosha barakacayaasha, iyadoo xoogga la saari doono sidii ay ku heli lahaayeen gurmad ballaaran, maadaama dhowaan ay bilaabanayso bisha barakaysan ee Ramadan.

"Waxaa halkan ka jirta xaalad adag oo dhanka nolosha ah, dadkuna waxay u baahan yihiin gurmad ka ballaaran midka aan shalay gaarsiinay si wax looga qabto xaaladooda, Wallow illaahey nooga raayay Abaarihii iyo dhibkii, balse shalay waxaan indhaheena ku aragnaa in weli gacan qabasho u baahan yihiin dadka nugul”.Ayuu yiri Guddoomiye Eng. Yarisow.

Kormeerkan waxaa ku weheliyey Guddoomiyaha Gobolka Benaadir kuxigeenkiisa dhinaca Arrimaha bulshada Marwo Basmo Caamir Axmed iyo masuuliyiin kale oo ka tirsan Gobolka.

TALISKA AMISOM OO WALAAC KA MUUJIYAY INAYSAN CIIDAMADA SOOMAALIYA U DIYAARSANAYN LA WAREEGIDDA AMAANKA.

Col Richard Omwega Afayeenka ciidamada AMISOM ayaa ka hadlayay xaaladda dib u dhiska ah ee ay ku jiraan ciidamada xoogga Soomaaliya ayaa sheegay inay ciidamada Soomaalidu aysan diyaar u ahayn inay AMISOM Kala wareegaan amniga dalka.

"10 sano ka dib, Qaramada Midoobay waxay naga dooneysaa in aan awood u leenahay Ciidanka Qaranka Soomaaliya, laakiin kalaguurka waa xaalad, marka la guuro, waa in ay noqotaa waddan xasiloon oo ammaan ah,” ayuu yiri Omwega.

Sida laga soo xigtay qorshaha dibucelinta, 1000 askari oo kale ayaa la saari doonaa bisha Oktoobar sannadkan kaas oo la xiri doono saldhig bilaw ah oo saldhiggiisu yahay (FOB) mid kasta oo ka mid ah wadamada deeqaha bixiya. Ka sokow Uganda iyo Kenya, AMISOM waxay ka tirsan yihiin Burundi, Itoobiya iyo Jabuuti.

Doodda ugu weyn ee taliyayaasha AMISOM waa in rabitaanka Qaramada Midoobey lagu guuleysto saddex sano gudahood.

"Waa in la beddelo habka SNA ay u tababaran oo loo diyaar garoobayo, waa kuwo si fiican u tababaran laakiin aan si wanaagsan u diyaarsaneyn inay qaataan tartanka,” ayuu yiri Brig Paul L’Okech, oo ah taliyaha ciidamada Uganda ee Soomaaliya.

"Waxay u baahan tahay in si fiican loola shaqeeyo haddii kale waxaa laga yaabaa inaan dib ugu laabano hal xero,” ayuu raaciyay.

 

Xilligan, waxaa jira 75 askari oo ka tirsan ciidamada Dowladda oo tababarka ku qaadanaya Uganda. Kuwani waxay ku biiri doonaan ciidamadii hore ee 4,000 askari oo ka tirsan SNA kuwaasi oo ay tababaraan Uganda.

Turkiga ayaa tababar ku qaadanaya qiyaastii 1,000, Imaaraadka Imaaraadka (UAE) oo tababar ku qaatay ilaa 500 oo ciidamo ah iyo qaar kale oo dheeraad ah ayaa si gaar ah loogu tababaray Maraykanka iyo Midowga Yurub.

"Inaan helno dagaalyahanno waa fududahay laakiin sidee baad u ilaalineysaa? Soomaaliya muddo dheer ma aysan haysan ciidan, waxaan isku dayaynaa inaan dhisno hal laakiin waxaan u baahanahay inaan dadaal badan ku galno tababarka, dib u habeynta iyo diyaarinta, "Ayuu yiri L’Okech.

AMISOM waxay sidoo kale iibineysaa xukuumadda Soomaaliya fikradda ah ee xoogga LDUda si loo maareeyo ammaanka tuulooyinka.

Tani waxay keentay in mideeynta beelaha qabiilka lagu daro habka nabadgelyada, inkasta oo nabad ilaaliyeyaashu ay tahay in ay wax ka qabtaan khilaafaadka dagaalyahannada aan qaangaarka ahayn.

"AMISOM waa in ay taageeraan dowladda, annagu kala ma faragalin ku samayn kara heshiis maxalliga ah, waxaan iyaga ku talin karaa oo keliya ma in la hubeeyo wiilasha dhallinyarada ka yar 18 sano,” ayuu yiri Col Bonny Bamwiseki, Taliyaha guutada ciidanka Uganda ku salaysan ee Ceeljalle in Hoose Gobolka Shabeellaha Hoose.

AMISOM ayaa abuurtay Nabadda iyo Ammaanka Council of January 2007 Midowga Afrika ayaa horay loo igmaday lix bilood. Mas’uuliyadaha waxa uu tan iyo markii la kordhiyay taariikhda Qaramada Midoobay siinayo ciidanka qayb quruumaha ilaa 2021 in ay ka baxaan.

AKHRISO: DOWLADDA OO SHAACISAY JADWALKA IMTIXAANKA DUGSIYADA SARE

Wasaarada Waxbarashada Soomaaliya ayaa shaacisay Jadwalka Imtixaanka dugsiyad Sare oo bilaabanaya 19 Bishaan.

HOGAAMIYAHA MUCAARDKA EE RUUSHKA ALEXEI NAVALNY OO XABSI LOO TAXAABAY

Hogaamiyaha mucaardka ee Ruushka Alexei Navalny ayaa la xiray xilli uu hadal ka jeedinayey bananabax ka dhacay Moscow kaas oo loogasoo hor jeeday caleema saarka madaxweyne Putin ee isniinta loo caleema saryo markii afaraad.

Weriyaaha yaa sheegay boolisku in ay qabteen tiro taageerayasha Mr Navalny ah oo lagu eedeeyay in ay rabshado ka kiciyeen guud ahana Ruushka.

Mr Putin aya aku guuleeystay guushiisi ugu weeyneeyd ee doorashada madaxweynah bishii March.

Hogaamiyaha mucaaradka Ruushka Alexei Navalny ayaa si rasmi ah looga hor istaagay in uu u tartamo doorashadii madaxweynenimada ee ka dhacday dalkaasi.

Dadweynaha Ruushka oo u dareeray goobaha codbixinta

Dunida oo ku gacan saydhay dalab Ruushka ka yimid

Putin: dabka Ruushka dayacaad kama marnayn

Guddiga dhexe ee doorashooyinka ayaa sheegay in Mr Navalny uusan doorashada ka qaybqaadan karin sababtuna ay tahay xukunkii musuqmaasuqa ee lagu fuliyay, kaas oo uu ku tilmaamay mid siyaasadaysan.

Navalny waxaa lagu yaqaanaa ol'olihiisa ka dhanka ah musuqmaasuqa iyo mudaaharaadyada

Putin ka dhanka ah, sannnadkan horraantiisiina waxaa lagu xukumay shan sano oo xabsi ah oo aan isla markiiba dhaqan galin, waxaana lagu dacweeyay wax isdabomarin.

TRUMP OO LONDON KU TILMAAMAY ‘FURIN DAGAAL’

Madaxweynaha Maraykanka ayaa dambiyada toorida lagu geysto ee London ku tilmaamay in isbitaal magaaladaas ku yaala ay ka dhigtay sidii furin dagaal oo kale.

Isaga oo aan wax weyn kasoo qaadin dhibaatada uu hubka ku hayo Maraykanka, ayaa waxa uu sheegay in uusan u dhego raaricin doonin baaqyada loo jeedinayo in uu xakameeyo hubka.

Waxa uu la hadlayay ururka qaran ee buntukhleyda Maraykanka oo u ololeeya dadka hubka heysta.

Isaga oo ka hadlayay shirka Dallas ka socda ee arrimaha hubka ayuu sheegay in xuquuqda dadka ay u leeyihiin in ay hub heystaan lasoo weeraray.

"Mar dhow waxaan akhriyay sheego ku saabsan in London ay leedahay sharci adag oo an la rumeysan karin oo ku saabsan hubka, kadiba waxaa dhacday in isbitaal ahaan jiray kan ugu wanaagsan oo bartamaha ku yaala uu isu badalay sidii furin dagaal oo kale dhaawacyada la keenayo ee mindida" ayuu yiri Trump.

Duqa London oo codsi u diray Ra'iisalwasaaraha

Booliiska oo dib u baaraya Falastini London lagu dilay 1987

Dhimashada weerarkii London oo korodhay

"Qoryo ma heystaan, balse waxa ay helayaan mindiyo, dhiig ayaana qubanaya isbitaalka gudihiisa, waxaa la sheegay in uu u egtahay isbitaal ciidan dagaal ku jira oo kale, toori, toori, toori" ayuu yiri isaga oo gacanta ku tilmaamaya ficilka toori galinta qof.

Ma cadda halka uu Trump kasoo xigtay xogtiisa, balse BBCda ayaa dhawaan wareysatay dhaqtar hormuud ah oo London ku sugan kaas oo sheegay in illaa 4 isbitaal oo magaalada ku yaala ay u ekaadeen sidii furin dagaal oo Afghanistan ku taala.

Dr Martin Griffiths ayaa sheegay in bukaanada ay qaabilaan ay u badanyihiin kuwa lasoo tooriyeeyay ama xabbad lagu soo dhuftay.

138 qof ayaa u dhintay dhaawacyo kasoo gaaray toori sanadkan oo kaliya sida ay sheegeen booliiska.

Sanadkii hore Trump ayaa dhaleeceeyay duqa magaalada London Sadiq Khan sidii uu ula macaamilay weerarkii argagixisada ee London lagu qaaday, balse Mr Khan ayaa Trump ugu jawaabay in dadka reer London ay aad u ixtiraamaan xuquuqda hadalka.

Waa hadal jeedintii afraad ee uu u jeediyo ururka buntukhleyda qaran ee Maraykanka muddadii sanadka ahayd ee uu xilka hayay, iyada oo madaxweynihii ugu dambeeyay ee sidaasi sameeya uu ahaa Ronald Reagan sanadkii 1983dii.

Illaa 80,000 kun ayaa ka qeybgalaysa shirka ka socda Dallas, iyada oo ururkan uu ahaa kii taageeray Trump markii uu musharaxa ahaa sanadkii 2016kii, iyaga oo ololihiisa ugu deeqay $11 milyan oo doolar

XASSAN ROUHANIGA IIRAAN OO MAMNUUCAYO APPKA FARIIMAHA LA ISKUGU DIRO EE TELEGRAM

Madaxweyne Hassan Rouhaniga Iiraan ayaa dhaliilay garsoorka oo kusoo rogay talaabo ay ku mamnuucayaan appka farimah la iskugu diro ee Telegram.

Mr Rouhani ayaa sheegay in dowladiisu aanay meelmarin talaabadaas.

 

Ilaa iyo 40 Milyan oo Iiraaniyiin ah oo uu dhiganta nus ka mida tirada dadka dalkaasi ayaa istacmaalo aalaadaas Telegramka.

laakin saraakiisha qaar ayaa aaminsan in loo isticmaalay in uu gacan ka geeysto in lagu abaabulo mudaahaardkii balaarnaa ee dhawaanatan wadooyinka ka dhacay.

waxaana ay garsoorku ku sababeeyeen mabnuucidaas sababo xagga nabadgelyada ah.

Iiraan: Tallaabo ayaan ka qaadi doonaa dadkii dhisay dhismayaasha dumay

Banaanbaxyo Iiraan ka dhacay

Iiraan oo tijaabisay gantaal cusub

Falanqeeye ayaa sheegay in talaabadan dhaleeceeynta ah ee ka timid madaxweynaha qun yar socodka ah ee Rouhani in loo arko in uu diiradda ku saarayo carada dadka oo ay kuwa mayalka adag ay ka danbeeyaan.

Dibadbaxayadaasi oo looga soo horjeeday dowladda Iiraan oo ah kuwii ugu xoogganaa ku dhawaad muddo 10 sano ah ayaa waxa ay saameeyeen in ka badan boqol magaalo.

BOGGA CAYAARAHA

MADHABAA INUU DHACAY HESHIISKA UU GRIEZMANN UGU BIIRAYO BARCA? MACALINKA ATLETICO AYAA KA JAWAABAY

Kadib markii ciyaaryahanka Barcelona ee Luis Suarez uu sheegay inuu dhacay heshiiska uu Antoine Griezmann ku imaanayo Camp Nou ayaa waxaa warkaas wax laga weydiiyay maamulaha Atletico Madrid ee Diego Simeone.

Simeone ayaa wuxuu diiday inuu marka hore si toos ah uga jawaabo su’aashaan laakiin markii lagu qasbay inuu ka jawaabo wax ku saabsan mustaqbalka ciyaartoydiisa muhiimka ah ayaa wuxuu cadeeyay inay ka shaqeyn doonan inay ceshadaan laacib walba oo muhiim ah.

Isagoo fadhiya Shirka jaraa’id ee ka horeeya kulanka ay la balansan yihiin Axada dhigooda Espanyol ayuu Simeone cod dheer ku sheegay inay xusul duub ugeli doonan sidii uu wiilkaan baaqi ugu siin ahaan lahaa caasimada Spain.

"Espanyol,” ayuu mar hore ku jawaabay Simeone markii wariye uu weydiiyay waxa ka jira inuu dhacay heshiiska Antoine Griezmann ku aadayo naadiga ka dhisan gobolka Catalonia, sida uu ka dhawaajiyay ciyaaryahan Luis Suarez.

"Kama fekereyno xaaladaha shakhsiyad gaar ah, sababtoo ah weligeen ma sameynin midaas,” ayuu yiri.

"Waxaan ka shaqeynayaa sidii ciyaartoyda muhiimka ah ay halkaan usii joogi lahaayeen,” ayuu hadalkiisa ku daray.

"Gaaritaanka ujeedooyinkeena waaweyn iyo sameynta waxyaabo muhiim ah micnaheedu waa marwalba inay noo yimaadaan ciyaartoy waa weyn,” ayuu hadalkiisa kusoo gaba gabeeyay maamulaha naadiga Atletico Madrid.

EDEN HAZARD OO KU DHAW IN UU XILLI CIYAAREEDKII 4-AAD PREMIER LEAGUE KA DHIGO RIKOOR

Xiddiga kooxda chelsea ee Eden Hazard ayaa ku dhaw in uu dhigo rikoor cajiib ah xilli ciyaareedkii 4-aad oo xiriir ah horyaalka premier League.

Eden Hazard ayaan qaab ciyaareed fiican ku jirin xilli ciyaareedkan mara loo eego xill ciyaareedkii hore laakiin hadana xiddiga ayaa ku dhaw in uu markii 4-aad dhigo rikoor u gaar ah.

Xiddiga reer Belguim ayaa ku dhaw in uu ku dhamaysto xiddiga ugu gasta badan horyaalka premier League xilli ciyaareedkii 4-aad oo xiriir ah.

Hazard ayaa dhamaystiray 149 gas isaga oo xiddiga ugu soo dhaw oo ah xiddiga kooxda Crystal Palace ee Wilfried Zaha uu sameeyay 111 gas.

Xog ahaan xiddiga ayaa sameeyay cel-celis ahaan 3.18 fursadood kulan kasta waana cel-celintii ugu fiicnayd ee Abid laga sameeyo Engaldn.

Halkan Hoose Kaga Bogo 4-tii xilli ciyaareed ee Uu Eden Hazard Noqday xiddiga ugu gasta Badan Premier League:

ENGLAND - PREMIER LEAGUE MAY 4

Brighton & Hove Albion 1 - 0 Manchester United

MAY 5

Stoke City 1 - 2 Crystal Palace

AFC Bournemouth 1 - 0 Swansea City

Leicester City 0 - 2 West Ham United

Watford 2 - 1 Newcastle United

West Bromwich Albion 1 - 0 Tottenham Hotspur

Everton 1 - 1 Southampton

MAY 6

05:30Manchester City ? - ? Huddersfield Town

08:30Arsenal ? - ? Burnley

08:30Chelsea ? - ? Liverpool

ITALY - SERIE A MAY 5

AC Milan 4 - 1 Hellas Verona

Juventus 3 - 1 Bologna