Laakiin Zinedine Zidane ayaa ka carooday markii ay Barcelona diiday in ay wado sharaf u samayso kooxdiisa kadib markii ay guulaysteen tartanka club World cup-ka.

Dhanka Kale kooxda Barcelona ayaa isha ku ahaysa in ay horyaalka ku dhamaysato guuldaro la,aan kadib markii ay ku guulaystay Axadii hore.

Tartanka: La Liga

Wakhtiga: 9:45 Habeenimo

Garoonka: Camp Nou

XAQIIQOOYINKA KULANKA:

Kulankan ayaa noqon doona Kulankii 238-aad Ee El Clasico Ee Tartamada oo dhan Kooxda Barcelona ayaa badisay 93 kulan halka ay Real Madrid badisay 93 kulan.

Barcelona ayaa ku fashilantay in ay guul gaarto 3-dii kulan ee ugu dambaysay ee El Clasico ee ay ku ciyaartay Camp Nou tartamada oo dhan 1 kulan bar-baro ayay gashay laba kale waa laga badiyay Kulankii ugu dambeeyay ee ay Real Madrid ku garaacdo Camp Nou ayaa ahaa March 2015.

Real Madrid ayaa noqon karta kooxdii ugu horaysay ee gaarta 400 oo Gool kulanka El Clasico waxa ay haatan leedahay 399 gool halka ay Barcelona Leedahay 387 gool.

Barcelona ayaa gaari karta guusheedii 50-aad ee garoonkeeda ay kula ciyaarto Real Madrid kaliya 4 kooxood ayay Camp Nou kaga badisay intaas in ka badan Espanyol (66), Athletic (61), Real Sociedad (60) & Sevilla (57).