RA'ISAL WASAARE KHEYRE OO XALAY U DUULAY DALKA MAREYKANKA. Waxaa kamid ah wafdga ra'iisul Wasaaraha xubno ka tirsan Golihiisa Wasiirada iyo mas'uuliyiin kale oo ka tirsan Dowladda Soomaaliya.

      Ra’iisul Wasaare Khayre iyo wafdigiisa ayaa ka qeybgalaya shir looga hadlayay arrimaha wadamada soo koraya oo Soomaaliya ay kujirto ee sanadkan 2018ka,kaasi oo uu soo qaban qaabiyay Banggiga Adduunka.

       Waxaa la filaya in Ra’iisal Wasaare Xasan Cali Khayre iyo wafdigiisa ay kulamo kala duwan la yeeshaan madaxda ka qeybgalaysa shirkaasi,waxayaabaha ugu badan oo diiradda u saran waf diga Ra’iisul Wasaaraha Soomaaliya ayaa qeyb ka ah dadaalada Dowladda Soomaaliya ay ku doonayso in deymaha laga cafiyo.

       Safarka Ra’isalwasaare Kheyre ee Mareykanka ayaa ku soo beegmaya maalin un kaddib markii uu ka soo laabtay Imaaraadka halkaas oo uu booqasho labo cesho ah ku joogay.

WASIIR CABDI XOOSH IYO GUDOOMIYE ENG. YARIISOW OO KAWADA HADLEEN ARRIMAHA DASTUURKA

       Wasiirka Wasaaradda Arrimaha Dastuurka ee Xukuumadda Federaalka Soomaaliya Mudane Cabdiraxmaan Xoosh Jibriil oo ay wehliyeen Agaasimaha Guud iyo qaar kamid ah Lataliyayaasha Wasaaradda Arrimaha Dastuurka ayaa waxa ay kulan la qaateen Gudoomiyaha Gobolka Ban aadir ahna Duqa magaalada Muqdisho Eng. Cabdiraxmaan Cumar Cusmaan (Eng. Yariisoow) oo ay wehliyeen KuXigeenadiisa.

       Kulanka oo ka dhacay xarunta Aqalka Dawladda Hoose ee Xamar ayaa waxa ay masuuliyi inta kaga hadleen hannaanka dhameeystirka Dastuurka.

       Wasiir Cabdi Xoosh oo Guddoonka cusub ee Gobolka Banaadir u sheegayay sida ay uga go’ antahay in wadashaqeyn ballaaran ay dhexmarto Wasaaradda iyo Gobolka ayaa yiri "Waxaa naga go’an sidii wadatashiga Dastuurka hoos loogu daadajin lahaa loona gaarsiin lahaa ilaa heer deg mo si ay uga qeybqaataan shacabka Gobolka Banaadir, taasina waxay ku imaan kartaa marka in aga iyo Gobolka aanu wadashaqeyn dhaw yeellanno Wasaarad ahaanna waa ay naga go’antahay in aan si wanaagsan u la shaqeeyno Maamulka Gobolka Banaadir”.

       Dhanka kale, Gudoomiye Eng. Yariisoow ayaa Wasiir Xoosh iyo masuuliyiintii la socotay uga mahadceliyay booqashada ay ku soo booqdeen xarunta Gobolka waxa uuna dhankiisa ballanq aaday in ay Wasaaradda kala shaqeeyn doonaan hawlaha baaxadda leh ee ay Qaranka u heyso.

       Ugu dambayn, kulankan ayaa ahaa kii ugu horeeyay ee dhexmara Wasaaradda iyo Guddoon ka Gobolka Banaadir ee dhawaan la wareegay maamulka Gobolka waxa ayna billaw u ahayd kulamo wadatashi ah oo ay Wasaaradda ku qaban doonto dhamaan degmooyinka Gobolka Bana adir.

GUDDOOMIYAHA GOBOLKA BENAADIR OO SHAQADA KA JOOJIYEY SHAQAALE BIXIYEY SHATI GANACSI OO BEEN ABUUR AH

       Guddoomiyaha Gobolka Benaadir ahna duqa Muqdisho Mudane Cabdiraxmaan Cumar Cus maan (Eng. Yarisow) oo shaqada ka joojiyey mid ka mid ah shaqaalaha Gobolka ayaa sheegay in sharciga la hor geyn doono qof kasta oo ku lug yeesha sameynta dukumiintiyada ganacsi ee been abuurka ah.

       Guddoomiyaha ayaa faray Ciidanka Ilaalada deegaanka Xamar iyo qeybta Maamulka iyo Maaliyadda Gobolka in ay soo xiraan xarumaha ganacsi ee lagu howl geliyey shatiyada been ab uurka ah, iyadoo uu ku amray in ay la socdaan xarumahaas. Sidoo kale Madbacadii sameysey tii mbaraha been abuurka ah iyadana waxaa laga hakiyey shaqada inta baaristu ku socoto.

       "Waxaan kula dardaarmayaa ganacsatada Gobolka in ay hubiyaan sharciyada ganacsi ee ay heystaan, sababtoo ah shatiyada been abuurka ah waa dambi weyn qofkii lagu qabtana uu ku mut eysanayo ciqaab iyo ganaax aad u adag.” Ayuu yiri Guddoomiyaha gobolka Benaadir.

       Eng. Yarisow ayaa ugu baaqay ganacsatada aan heysan shatiyada in ay si deg deg u samey staan, maadama Maamulka Gobolku ay si adag uga hortagi doonaan gobaha ganacsi ee sida sha rci darrada ah loo furtay.

       Guddoomiyaha ayaa carabka ku adkeeyey muhiimadda ay leedahay in Maxkamadaha Garso orka si deg deg ah loo herkeeno eedaysanaha shatiga been abuurka ah sameeyey iyo cid kasta oo kala qeyb qaadatay fal danbiyeedkaas, taas oo horseedaysa in guul laga gaaro qorshaha Maa mulka Gobolka Benaadir ee ka dhanka ah musuq maasuqa iyo wax is dabamarinta.

DANJIRAHA SOOMAALIYA EE TURKIGA OO MADAXWEYNAHA U GUDDOOMAY ABAAL MARIN CAALAMI AH

       Naadiga Caalamiga ee Islaamka oo ka tirsan Ururka OIC ayaa abaalmarinta sanadlaha ah ee hogaanka guddoonsiiyay sanadkan Madaxweynaha Soomaaliya Mudane Maxamed Cabdullaahi Faramajo.

       Madaxweyne Farmaajo oo lagu casuumay abaalmarinta ayaa u wakiishay Safiirka Soomaa liya u fadhiya dalka Turkiga Danjire Jaamac Cabdullaahi Maxamed oo guddoomay abaalmarinta qaaliga ah ee sanadkan hay’adu ugu talagashay Madaxweynaha Soomaaliya.

       Danjire Ceydiid ayaa Warbaahinta Qaranka u sheegay in abaalmarinta ay tahay mid sanadle ah oo sanadkiiba la guddoonsiiyo Madaxda dalalka Islaamka, sanadkana ay Naadiga ugu talaga shay Madaxweynaha Madaxweynaha Soomaaliya Mudane Maxamed Cabdullaahi Faramajo

MADAXWEYNE FARMAAJO OO DALKA DIB UGU SOO LAABTAY.

       Wafdi uu hoggaaminayo Madaxweynaha Jamhuuriyadda Federaalka Soomaaliya mudane Maxamed C/llaahi Farmaajo ayaa shalay Dalka dib ugu soo laabtay,kadib markii uu ka qeybgalay shirkii Madaxda Dalalka Ciidamadoodu ka joogaan Soomaaliya (AMISOM) iyo Dowladda Feder aalka Soomaaliya oo ka dhacay 2dii bishan magaalada Kampala ee Xarinta Dalka Uganda, kaas uu martigeliyey Madaxweynaha Uganda Mudane Yoweri Kaguta Musaveni.

       Mudane Maxamed C/llaahi Farmaajo iyo Wafdigiisa Waxaa ku soo dhaweeyey Garoonka Diyaaradaha magaalada Muqdisho, mas’uuliyiin kaladuwan oo ka tirsan Dowladda Soomaaliaya.

       Madaxweynaha Soomaaliya ayaa khudbad uu kaga hadlayay arrimaha Soomaliya ka jeediayay shirkaasi,isagoo dhanka kale magaalada Kampala ee Xarunta dalka Ugandakulan kula qaatay Madaxweyne Kuxigeenka Koowaad ee Burundi Mudane Gaston Sindimwo oo ka qeyb galayey shirka dalalka ciidamadooda joogaan Soomaaliya (AMISOM).

       Shirka uu madaxweynaha Jamhuuriyadda Federaalka Soomaaliya uu ka qeybgalay ayaa waxa looga hadlay qodobo ay kamid yihiin ciidamada AMISOM iyo u diyaarinta Ciidamada Dowladda Soomaaliya masuuliyadda Ammaanka dalkooda, waxaana madaxdii shirkaasi ka qeybgashay ay bogaadiyeen qorshaha Dowladda Federaalka Soomaaliya ee ku wajahan kala guurka, iyadoo halkaasi ay dowladda Soomaaliya ku soo bandhigtay horumarka ay ka samaysay hagaajinta iyo dib u tayeynta ciidamada Soomaaliyeed.

       Sidoo kale Madaxdii shirkaasi ka soo qeybgashay ayaa ammaanay dadaalada Dowladda Fed eraalka Soomaaliya iyo Dowlad Goboleedyad dalka ,iyagoo isku raacay in la xoojiyo kaalmada ci idan ee la siiyo Dowladda Federaalka Soomaaliya si loo xoojiyo dadaalada ay ku xasilinayso So omaaliya.

QM OO LOOGU BAAQAY IN WAQTIGA AY U KORDHISO AMISOM

       Kadib kulan aan caadi ahayn oo ay ku yeesheen magaalada Kampala ee Caasimadda dalka Uganda wadamada Ciidamada ay ka joogaan Soomaaliya ayey ugu baaqeen Qaramada Midoob ay in ay ka laabato Qaraarkeedii ahaa in Ciidamada AMISOM ay iskaga baxaan Soomaaliya San ada 2020ka.

       Shanta dal ee ay Ciidamada AMISOM ka socdaan ayaa hoosta ka xariiqay in ay ka go’an tah ay sii wadida dadaallada lagu nabadeynayo Soomaaliya iyo in ay ka caawiyaan DFS dagaalka ay kula jirto Xarakada Al Shabaab.

       Basle waxa ay shegeen in looga baahan yahay QM in ay ka laabato Qararkii bishii Augusto ee Sanadkii hore, kaas oo ahaa in la dhimo Ciidamada AMISOM ee ka howlaga Soomaaliya iyo in ay guud ahaan isaga baxaan dalka.

       Dalalka Burundi, Uganda, Kenya, Jabuuti iyo Ethiopia ayaa isku raacay Qaraarka Qaramada Midoobay in uu ahay mid dhabar jab ku ah guulo waa weyn oo ay sheegeen in AMISOM ay ka gaartay dagaalka ay kula jirto Al Shabaab ku dhawaad muddo 10 Sano ah oo ay ka howlgalayeen Soomaaliya.

       Dhinaca kale madaxweynaha Soomaaliya Mudane Maxamed Cabdullaahi Maxamed Farmaa jo ayaa sheegay in Dowladdiisa ay xooga saari doonto sidii looga guuleysan lahaa Dhaq Dhaqa aqa Al Shabaab.

       Waxaana uu ballan qaday madaxweyne Famaajo in uu dhisayo Ciidamo Qaran, kuwaasi oo  awood u yeelan doona in ay hantan ammaanka dalkooda.

       Shirkani ayaa waxa marti galisay Uganda oo ah Dowladda Ciidamada uga badan ay ka joogaan Soomaliya.

Ciidamo Milatari ah oo Loo Dhaariyey Difaaca Dalka Kaddib Tababar Ay Ku Qaateen Xerada TurkySom

       Ciidammadan ka tirsan Xoogga Dalka Soomaaliyeed ee shalay loo dhaariyay Difaaca Dalka ayaa lagu carbiyey xerada tababarrada ee TurkySom, kuwaas oo isugu jiro saraakiil dhallinyaro aqoonyahanno oo noocyo kala duwan leh, qaatayna tababarro ka kooban Xeeladaha ciidanka Milatariga.

       Askartan ayaa tiro ahaan lagu sheegay inay yihiin 138askari waxaana loo dhaariyey in ay si daacadnimo leh ugu adeeggaan dadkooda, u difaacaan uguna shaqeeyaan Calankooda Sooma aliyeed sharaftiisa.

       Munaasabadda dhaarinta waxaa joogey abaalduulaha ciidanka Xoogga dalka Soomaliyeed General Cabdullaahi Cali Caanood, saraakiisha ugu sarreysa xeradan TurkySOM iyo Danjiraha Turkiga u fadhiya Soomaaliya.

       Ciidammadan oo si casri ah u tababaran ayaa lagu qalabbeeyey hubka noocyada carsiga ah ee tiknoolajiyadda shalay la jaanqaadaya.

       Hoggaanka Saraakiisha iyo qeybaha ciidanka kale ee la dhaariyey  ayaa khubaddoodii ku sheegay in ay ka dhabeynayaan dhaarta ay dalka, dadka, calanka, iyo Diinta ummadda Muslimka ah ee Soomaaliyeed u qaadeen, si ay uga ilaaliyaan cadowga gudaha iyo dibedda.

       Taliyaha Xerada tababarka TurkySOM G/sare Maxamed Yaasiin Karan ayaa aaminsan in cii dankan ay yihiin  ciidammadii tusaalaha wanaagsan u noqon lahaa Xoogga dalka Soomaaliyeed, muralka iyo qalabkuna ay ka dhisan yihiin.

       Abaanduulaha ciidanka Xoogga dalka Soomaaliyeed oo ka hadlay munaasabadda dhaarinta ayaa yiri "Soomaaliya mar  kale ayeey dib ugu laabaneysaa sidii ay u soo ceshan lahayd ciidanke edii awoodda  lahaa, si jiritaanka Jamhuuriyadda Soomaaliyeed u dhowraan,  cadowgana uga ilaal iyaan, waxaan idin kula dardaarmayaa in aad hormuud u noqotaan sidii aad dalkiina u nabaddeyn lahaydeen, waxaana idiin bilowdey bog cuusb oo taariikh dalkeenna aad uga qeybgeli doontaan, dhaarta aad dhaarateenna waa xaq”.

       Kuliyadda Tabarka Ciidanka ee TurkySOM  ayaa xoogga saareysaa sidii ay u dhisi lahayd ciidan xooggan u tababarran hab carsi ah, heysta qalab ku filan, taas oo bilow  u ah isku filnaan sho ciidanka Soomaaliya oo amniga dalka la wareega mustaqbalka dhow.

DOWLADDA RUUSHKA OO CAALAMKA UGU BAAQDEY XOOJINTA TAAGEERIDDA HOWLGALKA CIIDAMADDA AMISOM

       Wasiirka Arrimaha Dibadda ee Dalka Ruushka Sergei Lavrov oo u waramayay Jariirad ka soo baxday Dalka Itoobiya ayaa ka hadlay arrimaha howlgalada AMISOM ay ka wadaan Soomaaliya iyo baahiyaha loo qabo in la xoojiyo howlgaladaasi.

       Sergei Lavrov ayaa Beesha caalamka ugu Baaqay in la qaado tilaabooyin lagu xoojinayo Ciid amadda Militaryga Soomaaliya iyo kuwa Midowga Afrika ee AMISOM,si ay uga miro dhaliyaan dagaalka ay kula jiraan Alshabaab iyo howlaha xasilinta Dalka.

       Wuxuu sheegay in Ciidanka AMISOM ay wali taageero muhiim ah siiyan Ciidamadda Militr yga Soomaaliya oo dagaal kula jira Alshabaab.

       "Marxaladda uu haatan maraya dalka Soomaaliya, Doorka Ruushku uu ku leeyahay ayaa ah in Beesha  Caalamka ay sii kordhiso Taageeradda ay siinayaan Ciidamada AMISOMM iyo kuwa Dowladda Soomaaliya,waa in xal laga gaaraa dhibaatooyinka kajira Gobolka,sida Arggagixisa da,Burcad badeda iyo faldambeyeedyada kale si uu gobolka horumar ugu talaabsado”. Ayuu Sergei Lavrov.

       Wasiirka arrimaha Dibadda ee Ruusha Sergei Lavrov oo hadalkiisa sii wata ayaa intaasi ku daray in Ruushku uu taageerayo dadaallo kasta oo ku saabsan horumarka iyo xasilinta Qaaradda AFrika.

CIIDAMADA DOWLADDA OO HOWLGAL BALLAARAN KA WADA QEYBO KA MID AH DEGMADA AFGOOYE

       Ciidamada dowladda Soomaaliya ayaa shalay howlgallo waxa ay ka wadaan degmada Afg ooye ee gobolka Shabeelaha Hoose sida ay warbaahinta u sheegeen dadka degmada.

       Ciidamada dowladda Soomaaliya ayaa baadigoobaya dagaalyahanada AlShabaab ee lagu tuhmayo in ay ku sugan yihiin qeybo ka mid ah Xaafadaha degmada Afgooye.

       AlShabaab ayaa Qarax khasaare geystay ku qaaday degmada Afgooye, gaar ahaan xarun dowladda Imaaraadka ay ciidamo ku tababarto.

       Maamulka Gobolka Shabeelaha Hoose ayaa sheegay in la adkeyn doono Ammaanka deg mada Afgooye , madaama AlShabaab ay dhowr jeer ay kusoo qaadeen weeraro geystay khas aare kala geddisan.

       Maalintii daraad ayeey aheyd markii qarax ismiidaamin lagu weeraray Saldhig Imaaraadka ay ku tababaraan ciidamo ka tirsan dowladda Soomaaliya

KU DHAWAAD 140 QOF OO KISMAAYO IMTIXAAN UGU GALAY BOOSASKA SHAQAALE LOO TABABARI DOONO MAAMULKA HAWADA DALKA..

       Dadkan shalay u fariistay Imtixaanka ayaa isugu jira rag iyo dumar, kuwaa oo u tartami doona boosaska shaqaale gaaraya 10 qof oo ay wasaaradda gaadiidka iyo duulista hawada Soomaaliya qorsheeyneyso in ay tababar ugu dirto dalka Turkiga si ay usoo qaataan tababarro ku saabsan duulista hawada.

       Wasiirka wasaaradda duulista hawada Soomaaliya Mudane Max’ed C/laahi Salaad (Oom aar), Mareeyaha Garoonka diyaaradaha Kismayo iyo xildhibaanno k atirsan dowladda dhexe ayaa kormeeray goobta imtixaanaadka looga qaadayay dadka soo codsaday boosaskaasi oo tiro ahaan gaarayay ilaa 138 qof.

       Maxamed Nuur Saalax gudomiyaha gudiga shaqaalaha rayidka ee Jubbaland ayaa sheegay in dadkan shalay u fariisanayay imtixaanka ay soo codsadeen boosaskaasi, isagoo xusay in imtixa anka uu qaadayo gudiga shaqaalaha rayidka ah ee Jubbaland uu yahay mid lagu kala xulayo dadka tirada badan ee soo dalbaday shaqada, isagoo sheegay in la qaadan doono dadka kaalim aha hore ka gala imtixaanka.

       Wasiirka duulista hawada Soomaaliya ayaa kusoo wareegay goobta imtixaanka looga qaa dayay dadka soo dalbaday boosaskaasi.

       Xiliban Farxiyo Xasan Axmed  oo ah gudomiye ku Xigeenka gudiga gaadiidka iyo duulista ha wada ee Barlamanka Soomaliya iyo Xilibaan Xasan Cabdi Ismaaciil oo Madasha Ka Hadlay ayaa  wasaaradda duulista hawada Soomaaliya ku amaanay hannaanka ay kusoo xulaneeyso shaqaala ha, ayagoo sheegay in loo baahanyahay in bulshada fursad loo siiyo boosaska shaqo ee bann aan.

       Dowladda Soomaaliya ayaa dabayaaqadii bishii December ee sanaddii tagtay kadib in ka ba dan 20 sano si rasmi ah magaalada Muqdisho uga daahfurtay xarunta maamulka hawada Soo maaliya, ayadoo wixii xilligaa ka horeeyay hawada Soomaaliya laga maamuli jiray magaalada Nair obi ee caasimadda dalka Kenya.

ITOOBIYA: ARDEY KA SOO JEEDA MAAMULKA SOMALILAND OO LOO DIIDAY SHAHAADOOYINKA JAAMACADDA

       17; Ardey oo ka soo jeeda degaannada Somaliland islamarkaana wax ka bartay Jaamacad ku taalla Dalka Itoobiya ayaa loo diiday shahaaddada waxbaarshada kaddib markii ay dhameys teen cilmiga caafimaadka.

       Ardeydan oo gaaraya 17 ayaa tagay Itoobiya sanadkii 2011kii,waxaana ay iyaga iska bixina yeen qarashka ku baxay jaamacadda ay dhiganaayeen.

       Markii ay qalin jebiyeen ayaa loo sheegay in aan la siineyn shahaado iyada oo uu sharciga Ito obiya diidayo in ardayga qalin jebiya horay shahaado iyo ruqsad dhaqtarnimabada laga siiyo.

       Sharciga Itoobiya ayaa dhigaya in qofka marka uu qalin jebiyo uu labo Sano u shaqeeyo Dowladda haddii ay dhici weysana uu bixiyo 80,000 oo Birta Itoobiya ah.

       Ardeydan ayaa wasaaradda Caafimaadka ee Itoobiya u sheegay in iyaga y ajaanibyihiin sida as darteedna uusan qabaneyn xeerka Itoobiya,waxaana wasaaradda ay ugu jawaabtay in ay warq ad fasax ah ka helaan Somaliland.

       Wasiirkii hore ee caafimaadka Somaliland ayaa arrintaas galay inkasta oo aan lagu guu leysan haddana waxaa wasaaradda caafimaadka ee Somaliland ay warqad u qortay wasaaradda arrimaha dibadda ee isla Somaliland taas oo aan ilaa hadda jawaab ka bixin halka ay ku dambe ysay.

       Ardeydan ayaa ka walaacsan shahaado la’aanta maaddaama ay doonayeen in ay ku shaqe ystaan cilmiga ay ka barteen dalka Itoobiya.

XOGHAYAHA ARRIMAHA DIBADDA MAREYKANKA OO BOOQANAYA DALALKA DERISKA LA AH SOOMAALIYA

       Xoghayaha Arrimaha Dibadda Mareykanka Rex Tillerson ayaa booqasho ku kala bixin doona dalal ka tirsan Qaaradda Afrika, si uu u xoojiyo cilaaqaadka iyo iskaashiga Mareykanka la leeyahay Afrika.

       War saxaafadeed ka soo baxay Wasaaradda Arrimaha Dibadda Mareykanka ayaa lagu shee gay in booqashadan ay bilaaban doono 613 March, iyadoo Rex Tillerson uu booqan doono dalalka Chad, Nigeria, Jabuuti, Kenya iyo Itoobiya inta u dhaxeysa.

       Rex Tillerson ayaa la kulmi doona madaxda dalalka uu booqan doono, iyo sidoo kale Mada xda Midowga Afrika ee xaruntooda tahay Addis Ababa.

       Waxaa uu kala hadli doonaa arrimo ay ka mid yihiin horumarinta nabadda iyo amniga, kor u qaadida dowlad wanaaga, ganacsiga iyo maalgashiga.

       Sidoo kale Madaxda dalalka deriska la ah Soomaaliya oo Mareykanka iskaashi dhow la leeyahay ayuu kala hadli doonaa dagaalka ka dhanka ah Argagixisada.

       Labo Sano ka hor ayay aheyd markii booqasho lama filaan ah uu ku yimid magaalada Muqdi sho Xoghayihii hore ee Arrimaha Dibadda Mareykanka John Kerry, isagoo xilligaas booqanayay dalalka Geeska Africa.

16 QOF OO KU DHINTAY WEERAR LAGU QAADAY SAFAARADDA FRANCE EE BURKINA FASO

       Koox hubeysan ayaa weerar ku qaaday Safaaradda Dalka France uu ku leeyahay Caasim adda Dalka Burkina Faso ee Ouagadougou,iyada oo Ciidamada dowladda iyo koodii weerarkuba dad uga dhinteen.

       16ka qof ee ilaa hadda la xaqiijiyay in ay dhinteen ayaa kala ah 8 ka mid ah Kooxda weerarka iyo 8 ka mid ah Ciidamada dowladda ee safaaradda gurmadka ugu tagay, iyada oo 80 qof oo kale ay ku dhaawacmeen weerarkaas.

       Wasiirka arrimaha dibadda France JeanYves le Drian,ayaa sheegay in ay caddahay in weera rkaasi ahaa mid argagixiso islamarkaana lagu qaaday danaha France ee dalka Burkina Faso.

       Wasiirka amniga gudaha Dalka Burkina Faso Clement Sawadogo, ayaa isna sheegay in uu jiro gaari isku qarxiyay dhismaha xarunta Milatariga halkaas oo uu shir goboleed dhinaca amaanka ah ka socday.

       Wasiirku ma sheegin dadka dhaawacmay waxa ay kalayihiin,waxaase uu sheegay in ay u badanyihiin dad rayid ah oo xilliga weerarka ka agdhawaa safaaradda la weeraray.

       Dalka Burkina Faso waxaa uu dhowr jeer wajahay weerarro noocan ah,horay waxaa u shee gan jiray kooxaha Alqaacidda raacsan,hayeeshee weerarkan daraad lagu qaaday Safaaradda Fra nce ee Burkina Faso cidina wali ma sheegan.

MAAMULKA GALMUDUG OO KULAMO NABADEED LA QAATAY ODAYAASHA CAABUDWAAQ

       Madaxweyne ku xigeenka Galmudug, Maxamed Xaashi Cabdi (Carrabeey)  iyo wafdi uu hog gaamainayo oo Maalmahan socdaal nabadeed ku marayay degaanno ka tirsan Galgaduud ayaa kulamo la qaatay Odayaasha iyo wax garadka Degmada Caabudwaaq.

       Mudane Carrabeey iyo wafdigiisa ayaa waxay kulamo la qaateen qaar ka mid ah Odayaasha iyo wax garadka degaannadii ay booqdeen, iyagoo kala hadlay sidii xal waara looga gaari lahaa colaadda u dhexeysa Dadka reer miyiga ah ee ku nool tuuloyinka.

       Labada dhinac ayaa waxay isku Af garteen in la joojiyo xiisadda dagaal ee ka taagan dega annadaasi, iyagoo isku waafaqay in wax walba lagu dhammeeyo wada hadal iyo waan waan.

       Madaxweyne kuxigenka oo la hadlay Wakaaladda Wararka Qaranka Soomaaliyeed ee SONNA ayaa sheegay in Odayaasha ay la kulmeen isla meel dhigeen in la joojiyo colaadda ka taa gan degaankaasi , wax walbana wada hadal lagu dhameeyo, wuxuuna intaa raaciyay in wixii had da ka dambeeya aan loo dulqaadan doonin ciddii jebisa xabbad joojinta lagu ballamay.

       Waxaa uu  sidoo kale sheegay in uu maamulku tallaabo ka qaadi doono ciddii ka hor timmaadda heshiiskan, isagoo intaa raaciyay in halka lagu dagaallamay la geyn doono Ciidamo ka socda nabad sugidda iyo Boliiska Maamulka Galmudug.

       Madaxweynaha ayaa sidoo kale sheegay in ay dhawaan shir ku qaban doonaan Magaalada Caabudwaaq, kaas oo lagu soo Afjari doono dedaallada dib u heshiisiinta ah ee uu Maamulku halk aasi ka wado, si xal waara looga gaaro isku dhacyada soo laalaabtay ee u dhexeeya Dadka Xoolo dhaqatada ah.

XUKUUMADDA SOMALILAND OO KA JAWAABTAY HADAL KA SOO BAXAY DAWLADA SOOMAALIYA

       Wasiirka Warfaafinta iyo Wacyigalinta Somaliland C/raxmaan Guri barwaaqo, ayaa ka jawaabay hadal ka soo yeedhay Ra’isal wasaaraha Soomaaliya Xasan Khayre oo ka hor yimid heshiishka saddex geesoodka ah ee Somaliland, Itoobiya iyo DP Wolrd ee lagu maalgalinayo dekadda Berbera.

       Wasiirka Warfaafinta ayaa sheegay in markii heshiishkani dhacayey uu Ra’isal wasaaraha Soomaaliya uu joogay Imaaraadka Carabta,isla markaana uu caalamku ogyahay in Somaliland dib ugala soo noqotay midnimadii Soomaaliya ay la gashay lixdankii.

       " Soomaaliya waxay soo saartay warsaxaafadeed ay kaga soo horjeedo heshiishkii sadex ge esoodka ahaa ee ay kala saxeexdeen Somaliland, DP World iyo Itoobiya, waxaanu war saxaafadeedkaasi ahaa mid is burinaya, waxaanu isku burinaya sida hoos ku cad, qodobka kuwa ad waxa lagu sheegay in DP World iyo Itoobiya heshiish wada galeen, taasi oo dhabta aad uga fog, qodobka 2aad waxa lagu cadeeyey in Somaliland, Itoobiya iyo Dp World heshiish wada gal een, iyadoo markii hore is diidsiinayey inay xusaan jiritaanka darafka Somaliland, qodobka 3aad ayaandaro waxa ku cad inay is diidsiiyaan inaynu ahayn laba dal oo midoobay 1960kii, kalana kala baxay 1991kii, taasi oo ah gef iyo gardaro badheedh ah, oo qaranka Somaliland lagula kacay”ayuu yidhi Guri Barwaaqo oo u jawaabayey Soomaaliya.

       Waxaanu intaas ku daray " Dastuurka ay sheegeena waa mid iyaga u gaar ah, sidaasi awg eed waxaanu madaxda dawladda Soomaaliya xasuusinayna in Somaliland leedahay dastuur, taas oo ay ku dhaqanto dadkeeduna u codeeyeen 97% .”

       asiirku wuxuu sheegay in Dastuurka Somaliland u fasaxayo inay heshiish la gali karaan cidey doonaan, waxaanu sheegay in Soomaaliya ka hor timid heshiishkii Somaliland iyo Soomaaliya dhexmaray ee ahaa in aan la siyaasadeyn mashaariicda horumarineed ee labadda dhinac.