Sida ay sheegayaan wararka inaga soo gaaraya Deegaanka Arbacoow oo ka tirsan Deegaanka Ceelasha Biyaha ee duleedka Magaalada Muqdisho, Xoogaga Shabaab ayaa xalay saqdii dhexe waxa ay weerar culus oo ku soo qaadeen ciidamada Amisom ee halkaasi fariisimada ku leh.

Ciidanka Amisom oo Difaacyadooda ku jira ayaa mar qura waxaa lagu asqeeyay rasaas kala duwan oo ka dhaceysay Qoryaha Ak47 iyo Daba jeexa, waxaana markii dambe dagaalka uu noqday mid cuslaaday.

Ciidamada Shabaabka ayaa Bambooyinka gacanta laga tuuro iyo Sabano la beegsaday ciidamada Amisom fariisinka ay ku leeyihiin deegaankaasi Arbacoow, waxaana ciidanka Amisom ay bilaabeen inay hub culus ridaan.

Wararka ayaa sheegaya in rasaas haboow ah dad ay waxyeelo ku gaarsiisay deegaanka Ceelasha Biyaha, maadaama dadka intooda badan xalay ay hurdeen, ayna ku baraarugeen Dhawaqa rasaasta culus ee dhaceysay.

xigasho:-dhacdo.com