Muwaadinkaan Suddennes-ka ah ayaa ku baxay gacanta Al-Shabaab todobaadkii tagay,muwaadinkaan ayaa horey ugu soo baxsaday xabsi uu kaga xirna Sudan oo ku yaala magaalada Khartum inta aan lagu ridin xukun dal dalaad ah isaga iyo rag kale markii lagu soo eedeyay inay dileen diplomasi Mareykan ah iyo wadihii gariigiisa sanadkii 2008-dii. Macluumad ay heshay Jariidada Sudan Tribune ayaa lagu sheegay in qoyska muwaadinkaasi lagu magacaabo Maxamed Makaawi Ibrahim kuna eedeysana qadiyada dilka diplomasigii Mareykanka Jonh Garanfil lagu soo wargeliyay in wiilkooda uu ku dhintay dagaal dhex maray xubno ka tirsan Xarakada Al-shabab,qof telfoonka kula hadlay qoyskaasi ayaa waxa uu sheegay inuu yahay afhayeen iyagu ku wargelinayo in wiilkooda geeriyooday.

Dhanka kale Makawi ayaa ka soo baxsaday xaabsi ku yaala magaalada Khartum gaar ahaan xabsiga Kober,makwai iyo saxiibkiisa Mohanaad Cusman ayaa yimid Soomaaliya waxana ku biireen Al-Shabaab.

Mid kamid ah saxiibada Makaawi ayaa bartiisa internetka soo dhigay isagoo ka aamusay sababata Al-Shabaab ay u dileen saxiibkiisa,kadib markii uu muujiyay inuu doonayo ku biiritaanka Kooxda Khilaafada Islaamka la magac baxday.

Wuxuu sidoo kale hadalkiisa intaa ku daray in raga qaarkood lala damaacsana xabsi waxayna go’aansadeen in keymaha ay tagaan iyagoo ka baqaya hanjabaada Al-Shabaab oo sheegtay cidii iyaga ka baxda inay dilayaan.

Makawi ayaa kamid ahaa dadkii la bahoobay Dacish isagoo ka tirsan ururka Al-Shabaab, iyadoo Shabaab ay sheegtay inaysan ka laaban doonin xirirka kala dhaxeeya Al-qaacida waxayna diideen aqoonsiga kooxda Daacish.