Fannaanka caanka ah ee Cawaale Aadan ayaa sharaxaad ka bixiyay hees cusub oo uu ku qaadayo magaalada Muqdisho markii ugu horeysay, isagoona sheegay in heestaan cusub ay ka hadleyso guud ahaan bulshada ku dhaqan dalalka geeska Afrika.

Waxa uu sheegay Fannaanka Cawaale Aadan in heesta cusub ay kula jiraan dhallinyaro reer Xamar ah isla markaana la jili doona masraxiyad ahaan dulucda iyo ujeedka miraha heestaasi.

"Waxay ii noqoneysaa heestii iigu horeysay ee aan ku duubo kuna soo saaro Xamar, baal dahab ah ayayna ii galeysaa” ayuu yiri Cawaale Aadan oo sheegay in fanku qeyb muhiim ah ugu jiro bulshada caalamka.

Fannaanka ayaa sheegay in adduunyadu ay tusaale ka qaadato dal waliba fanka uu leeyahay, wuxuuna tiriyay tuduc ka mid ah heesta cusub ee uu ku qaadayo magaalada Muqdisho, waana sidaan hoos ku qoran:-

Wiilashaa Indhaheygu

Waa Wajeer iyo Gaarisa

Waxa Maanka ku Yaalla

Waa Mugweynta Jabuuti

Niyadeydu Waqeed ba

Waa Mid Joogta Hargeysa

Qalbi Geygana Waadix

Xamar Weeye Rugtiisu

Wabigeyga Jubadiyo

Waan u Jeelay Kismaayo

garaad keyga ku weeynaa

Waaladii Bladweyne

Dhagtu weeydh eey maqleyso

Taleex baa u wanaagsan