Madaxweyne Obama, ayaa sheegay in Mareykanku uusan joojinayn dagaalka looga horjeedo kooxda Dowladda Islaamka ee Daacish. Obama oo ka hadlayay Kuala Lumpur ayaa sheegay in iskaashiga dunidu uu ugu dambeyn burburin doono kooxda Dowladda Islaamka, iyagoo dib uga qabsanaya dhulka ay maamulaan, kana jaraya maalgelinta oo u gaaransan doona hoggaamiyayaashooda.

Madaxweynaha Maraykanka wuxuu sheegay inaan la aqbali karin oo aan caadi loo arki karin weerarada sida kii Paris. Wuxuu kula dardaarmay dhammaan dowladaha inay diraan dhambaal ah in dunidu ay shaqeyneyso, kana cabsaneynin si kasta oo ay u jirto wuxuu ku tilmaamay dilaayaal khatar ah.

Dhinaca kale dowladda Shiinaha ayaa ku eedeesay Mareykanka inay sameynayaan xadgudub siyaasadeed, iyagoo ilaalinaya badda koonfurta Shiinaha ee lagu muransan yahay.
Wasiir ku xigeenka arrimaha dibadda, Liu Zhenmin, ayaa hadalka ka sheegay shirka bariga Asia ee ka socda Kuala lumpur. Shirka, ayaa si weyn loogu soo qaaday sheegashada Shiinaha ee badda.