Qodobadan oo ay aqoon-yahannada, waxgaradka iyo madaxda safaaradda si weyn u lafa-gureen, iyagoo is-dhaafsaday talooyin muhiim ahaa; saldhigna u noqon karaan in Jaaliyad mideysan oo danaheeda ka shaqeysa.

Sido kale, xubno ka mid ah dadkii ka hadlay kulanka ayaa sheegay haddii qodobadan laga dooday la hirgeliyo ay Jaaliyadda Soomaalida ee Koonfur Afrika ay ka yaraan lahaayeen dhibaatooyinka ugu badan oo ay dilalka ka mid yihiin.

Danjire Jamaal Maxamed Barrow oo shirkan gudoominayaya ayaa ugu dambeyn wuxuu sheegay in qodobadan ay Jaaliyada Soomaaliyeed u yihiin muhiim, isagoo ballan-qaaday inay dhageysan doonaan talooyinka bulshada Soomaaliyeed ee ku nool dalka Koonfur Afrika.

"Waxaan idinka rabnaa haddii aad noo tilmaami kartaan shirciyada Soomaalidu ay dalkan ku joogaan, inaad talo naga siisaan sidii sharciyo aad ku heli lahaydeenna, safaaraddiinnu diyaar ayay u tahay inay kaalin ka geysato,” ayuu yiri danjire Jamaal Barroow.

Ugu dambeyn, shirkaan ayaa ka mid kulanno is-daba-joog ah oo ay yeelanayaan madaxda safaaradda iyo Jaaliyadda si loo helo Jaaliyad mideysan oo safaaradda Somalia ee Koonfur Afrika ku xiran.

xigasho:-hiiraan.com