Juventus ayaa xaqiijisay in la joojiyay qandaraaskii Gonzalo Higuain uu kula joogay kooxda. Higuain, oo 32 jir ah, ayaa yimid Juventus isagoo ka yimid Napoli sanadkii 2016, wuxuuna kula guuleystay seddax horyaal oo Serie A ah iyo labo koob oo Coppa Italia ah. Weeraryahankan oo 2018-19 amaah ugu maqnaa kooxaha Milan iyo Chelsea, ayaa dhaliyay 66 gool 148 kulan oo uu u ciyaaray kooxda Juve. Iyadoo lala xiriirinayo u dhaqaaqista kooxda MLS ee Inter Miami, ka tagista Higuain ee Juve ayaa la xaqiijiyay Khamiistii,sidaas ayaana lagu soo af-jaray qandaraas kula jiray ilaa 2021. "Kooxda Kubbada Cagta Juventus S.p.A waxay ku dhawaaqeysaa in si wada jir ah loo joojiyay heshiiskii uu kula jiray ciyaaryahanka Gonzalo Gerardo Higuain," ayaa lagu yiri bayaan ka soo baxay marwada duqda ah. Higuain ayaa si aad ah loola xiriirinayay inuu u wareegayo dhanka David Beckham oo leyliya kooxda Inter Miami ee horyaalka MLS, halkaasoo saaxiibkiisii hore ee Juve Blaise Matuidi uu gurigiisa ka waco. .