Maxay ka dhigan tahay; ku celcelinta Midowga Yurub ee dhaleecaynta ridista Xukuumadda R/wasaarihii hore XC Khayre.?
Tan iyo markii Baarlamaanka Soomaaliya ay codka kalsoonida kala laabteen R/wasaare Xassan Cali Khayre iyo Xukuumadiisa Sebtidii, waxaa iska soo daba dhacayey baaqyo ka imaanayey dhinacyo kala duwan oo dhaliilaya habkii loo maray kalsooni kala noqoshada Xukuumadda, waxaanna ay dhinacydaasi ku tilmaamayaan sidii ay wax u dhaceen in ay ahayd hannaan baal-marsan datuurka iyo xeer-hoosaadka Baarlamaanka.
Dowladda Maraykanka, Xafiiska UNka u qaabilsan arrimaha Soomaaliya, iyo Midowga Yurub ayaa ka mid ah dhinacyada ka falceliyey kalsooni kala noqoshada RW-ha, waxaanna dhinacyadaasi ay walaac ka muujiyeen suurtagalnimada fashil ku yimaada heshiiskii dowladda dhexe iyo maamul goboleedyadu ay ku gaareen Dhuusamareeb.
Qoraal uu bogiisa Twitter-ka ku soo qoray Mahdi Guuleed oo si KMG ah u haya xilka RW-ha ayuu kaga dalbaday dalalka saaxiibada la ah Soomaa liya in ay ixtiraamaan go'aanka Baarlamaanka, maadaama Soomaaliya ay tahay waddan madax-bannaan oo ka tirsan Jimciyadda qurumaha ka dhexeysa [UN].
Midowga Yurub ayaa mar kale walaac ka muujiyey kala dirista Xukuumadda,
waxaanna hadalkani uu ku soo beegmay xilli ay kala dagtay xiisadii ka
dhalatay kalsooni kala noqoshada RW-ha, iyada oo Madaxwaynaha laga
sugayo maalmaha soo socda inuu magacaabo shaqsigii qaban laha xilka
RW-ha.
Dhinaca kale, dad ka mid ah kuwa siyaasadda gorfeeya, waxay u
sababaynayaan goolka laga dheliyey Xassan Cali Khayre markii ay
garabkiisa ka baxeen saaxiibbo badan oo uu isku halaynayay, waxaanna
dadka qaar ay iswaydiinayaan sida ay ku dhacday in; Xassan Cali Khayre
muddadii uu xilka hayey isaga oo hormuud u ahaa guulaha inta badan loo
nisbeeyo Dowladda;
haddeey tahay dhismaha hannaan maaliyadeed oo adag,
yagleelida haykal ciidan, la dagaalanka musuqmaasuqa, haddana in uu
dagaal galay isaga oo aan diyaar-garoobin, markii uu lahaa doorashadu
waa in aysan dib u dhicin waxaa muuqatay inuu tumayay muusik aanu
jeclaysan madaxw eynaha iyo saaxiibadii, waxaa la is lahaa, haddii ay
madaxwaynaha is qabtaan, ugu yaraan wuxuu helayaa saaxiibo badan oo
Baarlamaanka iyo Xuku umadda ku jira oo isgarab taagi doonaan, taasi ma
dhicin maalin cad ayaa laga adkaaday, sidii ay wax u dhaceen waxay ku
tuseysaa in aan la isku halayn karin siyaasada Soomaaliya, oo xaaladu
tahay "siyaasadu saaxiib joogta ah ma laha, ee dan joogtaa ayeey
leedahay”
W/Q: C/shakuur Cilmi Xassan
E-mail:
shakuurcadde73@hotmail.com
Maxay ka dhigan tahay; ku celcelinta Midowga Yurub ee dhaleecaynta ridista Xukuumadda R/wasaarihii hore XC Khayre.?
Tan iyo markii Baarlamaanka Soomaaliya ay codka kalsoonida kala laabteen R/wasaare Xassan Cali Khayre iyo Xukuumadiisa Sebtidii, waxaa iska soo daba dhacayey baaqyo ka imaanayey dhinacyo kala duwan oo dhaliilaya habkii loo maray kalsooni kala noqosha