Afhayeenka maamulka gobolka Banaadir C/Fitaax Cumar ayaa sheegay in lagu guuleystay daminta dabkii xalay maqribadii ka kacay Suuqa weyne ee degmada Wadajir kaas oo gaystay qasaare hantiyadeed, Waxaana lagu soo waramayaa in hada ay xaaladdu caadi ku soo laabatay, laguna guuleystay daminta dabkaasi, waloow aan la ogeyn ilaa hada inta uu la eg yahay khasaaraha hantiyadeed ee uu gaystay dabka.

Maamulka Degmada Wadajir ayaa si weyn isaga xilqaamay Ilaalinta hantida shacabka mudadii uu socday debkaasi, waxayna ciidamada Degmada ay xoogga saareen inay ka hortagaan cid kasta oo isku dayaysa inay boobaabn hantida Shacabka ee taalay suuqaasi oo ka mid ah suuqyada ugu waawayn suuqyada Miqdisho.

Dhanka kale waxaa la xaqiijiyay inuu jiro khasaare fara badan oo uu dabka u gaystay goobihii ganacsi ee halkaas ku yiilay kuwaas oo intooda badan ku basbeelay dabka, inkastoo lagu guuleystay badbaadinta khasaarooyin kale oo uu gaysan lahaa Dabkaas.