Hooyayii ayaa markii ey Isbitaalka ka soo baxday waxa ey aragtay Joodari cusub. Ninkeedii ayaa ku yiri: kii hore Dhilqaa ka buuxday caruurtaana gubtay, Caruurtii ayaa tiri: Hooyo Annagaa gubnay.

( Qofkii Kheyraadka Dalka bixiyo, haddii Lacagta lagu boodo, Hadhoow yuuna na dhihin, Kheyraadkeeynii, Khayraadkeenii, ileen ma dhihi karyo Lacagteeydii)

3-Nin ku jiray Xabsiga Muddo Sannad ah ayaa ku yiri: Taliyihii Xabsiga , waxaan kaa codsanayaa in habeenka Jimcaha oo kaliya la ii ogolaado Mobile-keyga si aan uga Aqristo Nasashada Jimcaha ee uu Qoro Yahya Amir. Taliyihii ayaa ku yiri: Ma taqaan Ninkaa haddii aad aragto ?. Maxbuuskii ayaa ku yiri: Maya . Taliyihii ayaa ku yiri: Maxaad uga baahan tahay Aqris, isagaa 2 Bil ku jiray Qolka kugu dhagan ee la sheekeeyso.

Maxbuuskii ayaa yiri: War Annigu waxaan ahaa Abwaan wariye ah, waxaa leeygu soo eedeeyay fekerkeeyga oo aan cabiray, isaga maxaa lagu soo eedeeyay? Taliyihii ayaa ku yiri: isku dambi ayaad tihiin. ( F.S: 2aad)

( Xabsiga kaliya ee Qur’aanka lagu sheegay,waxa uu ku yiil Dalka Masar, waxaana ku xirnaa Eedeysane aan Dambi leheeyn. Nabi Yusuf CS )

4- Axmed ayaa isaga oo ag marayo Qabuuro, ayaa Saxiibkii ku yiri: Qabuuradaan waxaa ku aasan Dad Ahlu khayr ah iyo Asaxaabihii, Qiyaamahana ( Yoomul Bacthiga) qofba halkii lagu aasay ayaa laga soo saarayaa. Deris Aduunyo deris Aakhiro.

Axmad ayaa yiri: Saaxiiboow haddii ey saas tahay, Mugoo Anniga yaan leeygu Aasin Qubuuraha Golaha Shacabka. ( F.S: 3aad)

(Siyaasiyinta Somalida qaar, waa sida caruurta oo kale wax kasta oo ay gacanta ku qabtaanba Afka ayey la aadaan ) ( F.S: 4aad)

5-Waqti hore, ayaa Nabad sugidda Dalka Mareykanka CIA-da waxa ey tababar u qabatay Nabad sugiidii Wadamada: Jabuuti Sudan iyo Somaliya. Waxaa la geeyay Meel keeyn ah, waxaana lagu sii daayay Keeyntii Sagaaro ey ku dul qoran tahay CIA, waxaan lagu yiri: ku soo Qabta 30 Daqiiqo.

A : Naabd sugidii Sudaan waxa ey ku soo Qabteen Sagaaradii 30 Daqiiqo. B: Jabuutiyankiina Sagaaradii waxa ey ku soo qabteen 25 Daqiiqo. C: Nabad sugudii Somalidu waxa ey ku soo Afjareen Howlgalkii 10 Daqiiqo, waxa eyna keeneen Daanyeer.

Waxaa lagu yiri: Sagaaraan idiin dirnay waxaadna keenteen Daanyeer. Waxa ey ku yiraahdeen isaga weeydiiya. Daanyeerkii ayaa la weydiiyay . Isaga oo neeftuurayo ayuu yiri: waxaan ahay Sagaaro , sidii leey garaacayay ayaa ley geeyay Qol Xafiis ah leeygu Save-gareeyay in aan ahay Saguaro.( F.S: 5aad).

( Ar Farsama Badanaa, Ninkii Daanyeer Sagaaro ka dhigay)

6- Nin Reer Waqooyi ah oo Wade ka ahaa Bus ka shaqeeyay Mogadishu – Marko ayaa markii uu marayo N. 50 Baskii dhinac u liicay, laakin ma gadoomin ee waa sii socday. Islaan Kursiga gadaale fadhiday ayaa ku qeylisay , Shiikh Aweeysoow, Shiikh Aweeysoow.

Darawalkii ayaa ku yiri: Naayaahee, Dee ha noogu yeerin boos uma heeynee, basku waa buuxaa. ( F.S: 6aad)

( Meel, Maamul Gobaleed lagu dhisayay ayaa Nin ku qeyliyay, War Xubintii Culumada iyo Sheikha, waxaa lagu yiri: Hanoogu yeerin Culumo, Boos uma heyno, Qabiiladiyaa buuxiyay Boosaskiiye)

Qore: Yahya Amir