Waxaa si cad u muuqata in ammaanka Magaalada Muqdisho ee caasimada dalka Somaliya lagu aaminay dhagxaan waaweyn oo nooca shubka ah, taasina cadeynteeda waxa ay tahay wadooyinka Magaalada Muqdisho oo dhagxaantaasi meel waliba yaalla. Marka aad martid wadooyinka Muqdisho waxaad arkeysaa Hoteel waliba oo wadada agmarta dhagxaan waaweyn ama biro waaweyn ku goostay, taasi waxa ay muujinaysa in ammaanka Hotelka dhagxaanta lagu sugaayo.

Sidoo kale waxa aad arkeysa guri uu degan yahay masuul ka tirsan Dowladda oo gabi ahaanba jartay wadadii gurigiisa hormareysay, iyadoo uusan eegeyn ahmiyada wadadaasi ay u leedahay Bulshada Magaalada ku nool.

Ciidamada ammaanka oo taag taagan wado waliba oo ku taallo Magaalada Muqdisho, ayaa hadana dhibaatadan ay ka jirtaa Magaalada oo dhagxaanta ammaanka lagu aaminay.

Tani waxa ay muujinaysaa fashilka dhanka ammaanka ah ee ka jira Magaalada Muqdisho, gaar ahaan Hay’adaha ammaanka oo wax badan ka qaban waayay ammaanka caasimada.

Guddoomiyihii hore ee Gobolka Banaadir Muungaab ayaa ka hor intii aanan xilka laga qaadin sheegay inuu furaayo wadooyinka xiran ee Magaalada Muqdisho ee Bulshada dhibaatada ay ku qabto.

---

Xigasho;- dhaco.com