Muqdisho, Soomaaliya – 18 October 2026: Guddiga Difaaca ee Golaha Shacabka Baarlamaanka Federaalka Soomaaliya ayaa, xafiiskiisa xarunta Guddoonka iyo Guddiyada ee Villa Hargeysa kulan kula yeeshay Taliyaha Ciidanka xoogga Dalka Soomaaliyeed Sarreeya gaas Ibraahim Maxamed Maxamuud iyo Taliyaha Hay’adda Nabad sugidda iyo Sirdoonka Qaranka Mudane Mahad Maxamed Salaad.

Kulanka oo uu shir guddoominaayay Guddoomiyha Guddiga Difaaca ee Golaha Shacabka Xildhibaan Yusuf Geele Ugaas ayaa Taliyayaasha looga dhageystay talooyin ay soo jeediyeen oo ku saabsan Hindise-sharciyeedka Difaaca Qaranka, waxaana ugu dambeyn ay isla qaateen in talooyinka iyo aragtiyada ay soo jeediyeen lagu daro Hindise-Sharciyeedka Difaaca Qaranka, maadaamaa uu muhiim uu yahay Difaaca Qaranka.