Xaaska Kizza Besigye oo ka tirsan mucaaradka Uganda ayaa sheegtay in ninkeeda lagu afduubtay dalka deriska ay yihiin ee Kenya, haatanna uu ku xiran yahay xabsi ciidan oo dalka Uganda ku yaalla. Qoraal ay soo dhigtay barta X, ayay Winnie Byanyima ku sheegtay in ninkeeda lagu qabtay caasimadda Kenya ee Nairobi Sabtidii lasoo dhaafay, xilli ay socotay munaasabad lagu soo bandhigayay bug oo uu ka qayb galayay. Waxay sheegtay in hadda lagu hayo xabsi ciidan oo ku yaalla magaalada Kampala, iyadoo dowladda ka dalbatay in ay sii dayso ninkeeda. Besigye, oo 68 jir ah, ayaa hogaaminaya xisbi siyaasadeedka Forum for Democratic Change (FDC), isagoo kula tartamey afar doorasho oo madaxtinimo Yoweri Museveni oo talada hayay tan iyo 1986-kii.