Warkan ka soo yeeray Maamulka Naura ayaa ah mid ka dhashay cambaareyn xoog leh oo loo soo jeediyay kadib markii gabadha kufsiga lagula kacay ay shaaciyeen magaceeda.

Mr Adeang ayaa sheegay in go’aanka ah in gabadhan magaceeda la shaaciyo uu ahaa go’aan maamulka Naura u gaar ah oo kaliya.Wasiirka Cadaalada Naura ayaa sheegay in warbixinta loo direy xarumo warbaahineed oo kooban kuwaasoo horeba u yiqiin qofka dacwoonaysay iyagoo doonayay in la xisaabtan uu yimaado.

Hase yeeshee Mr Adeang ayaa sheegay in warbaahinta ay tahay inay joojiyaan is eedeedka ayna ka mid tahay warbaahintaas shirkada PR oo baahisa warka ka soo baxay dowlada Australia oo kaliya.

Wasiirka ayaa sheegay warbixinada lagu daabacay ABC iyo Guardian iyo warbaahin kale ay ku tahay ceeb iyo sharaf dhac ay u geysanayaan qofka sheeganayay in meel ka dhac lagu sameeyay. Gabadhan Soomaaliyeed ayaa ku jirtey xero qaxooti jasiirada Naura oo ah jasiirad ay dowlada Australia gayso dadka qaxootiga ah ee ka imanaya wadamo badan oo caalamka ah.

21 August ee sanadkan ayay gabadhan xilli habeen lugeynaysay meel ku dhow xeradii ay ku nooleyd waxaa afduubtay labo nin kuwaasoo kufsi kula kacay. Hase yeeshee gabadhan ayaa la xiriirtay ciidamada Booliska iyadoo taleefan u dirtay kadib markii raggii faro xumeeyay ay ku dhex tuureen meel god ah.

Hase yeeshee warka maanta ka soo baxay wasiirka cadaalada ee maamulka Naura ayaa ah mid ka nixiyay caalamka oo idil maadaama la rajaynayay in cadaalada la horkeeno dadkii ku kacay falka kufsiga ah.

XIGASHO:-JOWHAR.COM