DOWLADDA OO KA HADASHAY DIYAARADD. KU DHACDAY DEEGAANKA CARBISKA EE DEGMADA AFGOOYE.. Diyaaradan oo lagu magacaabo TriStar Air Cargo, ayaa habeen hore awoodi kari weyday inay ka degato Garoonka Aadan Cadde, iyadoona kolkii dambe ku dhacday Deegaanka Carbiska Ee Degmada Afgooye.

Maareeyaha Hay’adda Duulista & Saadaasha Hawada Somaliya, C/waaxid Sheekh Cumar, ayaa wuxuu sheegay diyaaradan inay cunto qaboojisan u siday Ciida nka Nabad Ilaalinta Midowga Afrika.

Maareeyaha wuxuu sheegay inay la socdeen oo ay ka warqabeen in diyaaraddu ku soo wajahan tahay Garoonka Aadan Cadde, xilli sida uu sheegay ay ka timid dalka Masar oo laga lee yahay, walow ay saacado ka soo dib dhacday waqtigii la suggaayay.

Wuxuu sheegay in diyaaradda ay ku wargeliyen in 1:30 duhurnimo ay ka soo cago dhigato Garoonka Aadan Cadde, laakiin ay ka soo dib dhacday, islamarkaana ay Garoonka soo gaaartay xilligii Maqribka, oo Garoonkuna uu xirnaa.

Sidoo kale waxa uu sheegay in dib u dhaca uu ka yimid, waqtigii la fillaayay inay ka soo amba baxdo Masar, oo ay ka dib dhacday, islamarkaana aanay garanayn waxa sababay dib u dhacaasi, ayna ka war helayn oo keliya inay soo gaartay Magaalada Muqdisho, xilli uu xiran yahay Garoonka Magaalada Muqdisho.

Maareeyaha oo la hadlay Laanta afka Somaliga ee VOA, lana weydiiyay su’aal ahayd in xirnaanshaha Garoonka uu ka warqabay duuliyaha iyo in kale, ayuu sheegay taasi inaanu kala cadayn karin, balse ay horey waqti ugu sheegeen inay ku timaado Garoonka.

C/waaxid Sheekh Cumar, ayaa intaa ku daray in ay tallooyin siiyeen wadihii diyaaradda si uu kaga soo dejiyo Garoonka, laakiin uu go’ay xiriirkii ay ku wada hadlayeen.

Ciidanka Amisom oo isku gadaamay goobtii ay diyaaradda ku soo dhacday, ayaa waxay Suxufiyiinta ka horjoogsaden inay duubaan waxa saaran diyaaradda, iyagoona wax mamnuuc ah ku sheegay in la duubo waxa ku jira gudaha diyaaradaasi.

Lix qof oo Masaari ahayd oo diyaaradda la socotay, ayaa loo gurmaday oo shilkaasi laga soo badbaadiyay, waxaana magacyadooda lagu kala sheegay Taariq Bayonmay, Saalax Cabdi Saadaq, Axmed Baradaj, Maxamed Subxi, Calaa Raflax iyo Shaxata Shanoni.

MASAR OO KA HADASHAY DIYAARADDII HABEEN HORE KU DEGTAY DULEEDKA MUQDISHO.

Sida laga soo xigtay Masuul ka tirsan Wasaaradda Duulista Dowladda Masar Diyaarad ay lahayd shirkad ku taalla dalka Masar kana diiwaan gashan dalkaas ayaa ku degtay meel banaanka ka ah Garoonka diyaaradaha Magaalada Muqdisho.

Sarkaalkaan u hadlay Wasaaradda Duulista ee Masar ayaa tilmaamay in diyaaradda ay nuuceeda ahayd ( Air Bus 300 ) taas oo sida uu sheegay in ay siday Shixnado ay ka soo qaaday Halka loo yaqaanno Ustanda ee dalka Belgiumka ayna la socdeen sida uu yiri 6 shaqaalaha diyaaraddaasi ka tirsanaa .

Sidoo kale Masuulkaan ayaa intaas ku daray in xiriiro ay la sameeyeen duuliyihii diyaaradaas uu u sheegay in ay badqabaan shaqaalihii saarnaa diyaaradda. Warar dheeraad ah oo Shabelle ay heshay ayaa iyaguna ku warramaya in diyaaradda ay siday Shixnado Dawooyin ah oo ay leeyihiin Ciidamada AMISOM ee ka howlgala dalka.

 

GUDDOOMIYAHA GOBOLKA BANAADIR MUUNGAAB OO XARIGGA KA JARAY XARUNTA CUSUB EE DEGMADA KAXDA

Guddoomiyaha gobolka Banaadir ahna duqa magaalada Muqdisho ayaa shalay xarigga ka jaray dhismaha cusub ee xarunta degmada Kaxda.

Xarunta cusub ee uu shalay xarigga ka jaray guddoomiye Muungaab ayaa waxaa hirgeliyay maamulka gobolka Banaadir si loogu adeego bulshada ku dhaqan degmadaasi.

Mas’uuliyiinta maamulka degmadaasi iyo dadweyne farabadan ayaa gudoomiye Muungaab halkaasi si diirran ugu soo dhaweeyay, kuwaasoo muujinayay sida ay ugu faraxsanyihiin furitaanka xarunta cusub ee Kaxda.

Gudoomiyaha Degmada Kaxda Cabdikaamil Macalin Shukri oo Warbaahinta la hadlay ayaa dhismaha cusub ee xarunta Degmada ugu mahad celiyay Maamulka gobalka banaadir.

Gudoomiyaha gobalka Banaadir aha Duqa magaalada Muqdisho Xasan Maxamed Xusen Mungab oo Meel banan ah kula hadlay Bulshada ku dhaqan degmadaasi, ayaa ugu baaqay in laga shaqeeyo Nabad galyada islamarkana ay gacan siiyan laamaha amniga si loo gaaro Horumar, isagoo sheegay in dadka ku nool degmada looga baahan yahay in ay bixiyaan Canshuurta guryaha.

Muungaab ayaa dhinaca kale tilmaamay in magaalada Muqdisho ay ka socoto mashaa riicya kala duwan oo lagu horumarinaayo bilicda caasimadda dadka Soomaliyedna looga baahan yahay in ay ka qeyb qaatan Horumarinta magaalada.

Dhinaca kale Mudane Xasan maxamed Xusen "Mungaab” ayaa kormeer ku tagay waddada Danwadaagta ee Degmada Wadajir halkaasi oo ay ka socotay olale Nadaafaded oo waddadaasi looga qaadaye qashinka iyo wasaqda, iyadoo duqa magaalada muqdisho iyo saraakishi la socotay ay ka qeyb qaadanaayeen olalahaasi nadaafadeed ee lagu horumarinayo Bilicda Caasimadda.

SHIR DIB U HESHIISIIN AH OO MASUULIYIINTA JUBBALAND IYO SIYAASIYIINTA KA SOO HORJEEDA UGA FURMAYA MUQDISHO..

Xilli daraad Magaalada Garbahaareey uu gaaray Wasiirka Gaashaandhiga Xukuumadda Soomaaliya Cabdiqaadir Sheekh Cali Diini ayaa kulamo uu halkaas kula sameeyay dhinacyada isku haya maamulka Gobolka Gedo kadib waxaa la filayaa in shir dib u heshiisiin ah uu Magaalada Muqdisho uga furmo Masuuliyiinta Maamulka Jubba iyo siyaasiyiinta ka soo horjeedo maamulkaas.

Madaxweynaha maamulka Jubbaland Axmed Madoobe oo la filayo in Muqdisho uu u yimaado shirka wadatashiga ee dhawaan furmaya ayaa la rajeynayaa in uu ka qeyb qaato shirkaas dib u heshiisiineed sida uu noo xaqiijiyay Max’ed Cumar Daa’uud oo ka tirsan Golaha Wakiilada Maamulka Jubbaland.

Masuuliyiinta Maamulka Jubbaland iyo siyaasiyiin Mucaarad ku ah maamulkaas ayaa horay ugu kulmay Magaalada Doolow kaas oo la sheegay in ay ka soo baxeen qodobo ay ku heshiiyeen labada dhinac hadana waxa ay u muuqdeen qodobadaas kuwa aan si fiican la isugu waafaqin. Dowladda Federaalka Soomaaliya ayaa dadaal ugu jirta in ay xal kama dambeys ah kala dhex dhigto siyaasiyiinta ka soo jeeda Jubbaland ee ku kala tagsan xagga aragtida.

Micnaha Khiyaamo Sare ee Qaran:

Khiyaamo sare ee qaran waa arrin uu si cad u qeexay qodobka 184aad ee Sharciga ciqaabta u degsan dalka, oo halkan hoose ku minguursan:

Falalka lid ku ah bedqabka dhulka, ama madaxbannaanida ama midnimada Dawladda Soomaaliya waa: khiyaamo sare ee Qaran.

Qodobka 184 ee Xeerka Ciqaabta Soomaaliya

Qof kasta oo ku kaca fal toos ah, oo dhulka Dawladda soomaaliyeed gebi ahaan ama qayb ka mid ah hoos geeya sayaadadda dawlad kale oo shisheeye ah, ama geysta fal wax u dhima madaxbannaanida ama kala dira midnimada dawladda (waa khiyaamo saree qaran), waxaana lagu muteysanaya ciqaab dil ah.

المادة 184 من قانون العقوبات الصومالي

المادة 184 من قانون العقوبات الصومالي تنص على ما يلي: "كل من يرتكب فعل مباشر لإخضاع أراضي الدولة أو جزء منه لسيادة دولة أجنبية، أو للحد من الاستقلال، أو بحل وحدة الدولة، يجب أن يعاقب بالقتل "

Acts against the integrity, the independence or the unity of the Somali State: High Treason

Article 184 of the Somali Penal Code reads:

"Whoever commits an act direct to subject the territory of the State or a part of it to the sovereignty of foreign State, or to diminish the independence, or to dissolve the unity of the State shall be punished with death”

Attentati contro l’integrita’, l’indipendenza o l’unita’ dello Stato Somalo; alto tradimento:

L’ articolo 184 del Codice Penale Somalo dice:

"Chiunque commette un fatto diretto a sottoporre il territorio dello Sato o una parte di esso alla sovranita’ di uno Stato starniero, ovvero a menomare l’indipendenza o disciogliere l’unita’ dello Stato, e’ punito con la morte”.

Soojeedin Xallinta Qodobbada ku xusan Mooshinka..

Qaybta 1aad: Xeer Lam.5 ee 28 Jan 2015:

Maadaama Xeerkan uusan marin habraaca ansixinta sharci‐dejinta iyo meel marinta dalka u degsan oo ay hindiseyaasha sharci dalka ugu yeeshaan awood fuline ed, waxaan soo jeedineynaa in:

1. Sharcigan laburiyo;2. Haddii Xukuumaddu ay la tahay in sii jiritaanka sharcigan uumu hiim u yahay amniga guud ee qaranka,in ay soo mariso habraaca sharci‐dejinta si loo ansixiyo; 3. Haddii Xukuumadda ka maaranto sida ku xusan faqradda 2aad in qaybtan, in Wasaaradda Cadaaladda soo diyaariso habraaca ka saaridda Faafinta Rasmiga ah

Ee Jamhuuriyadda Federaalka Soomaaliya.

HABRAACA FULINTA QAYBTAN WAXAA U XILSAARAN:

Wasaaradda Cadaaladda:

Soo diyaarinta looga saarayo Faafinta Rasmiga inta lagu gudajiro Kalfadhiga 7aad.

Xafiiska R/Wasaaraha Xukuumadda Federaalka Soomaaliya:

Soo gudbinta Hindise Sharciyeedka.

• Guddiga Cadaaladda, Awqaafta iyo ArrimahaDiinta:

Dabagalka iyo korjoogteynta Wasaaradda Cadaaladda.

Qaybta 2aad:Kala Soocidda Awoodaha Dowladda:

1.Awoodda Fulinta:

Si tuhunka meesha uga baxo,awoodaha hay’adaha dastuuriga ah ee dowladdana ku kala cadaadaan,waxaa lagama maarmaan ah,in Xukuumaddu si deg deg ah dib‐u‐eegis ku sameyso Xeerka Nidaamka Xukuumadda

Lr 14 ee 3/6/1962, Sharci Lr 1 ee 7/2/1965, Sharci Lr 4 ee 24/9/1967 iyo isbeddelaaddii ka dambeeyey, kuna horkeento inta lagu gudajiro Kalfadhiga 7aad ee Golaha Shacabka;

HABRAACA FULINTA QAYBTAN WAXAA U XILSAARAN:

•Xafiiska R/Wasaaraha:

Diyaarinta Hindisaha iyo usoo gudbinta Golaha Shacabka Guddi‐Hoosaad u xilsaaran dabagalka iyo korjoogteynta arrinkan oo uu soo magacaabo Guddoonka Golaha Shacabka.

2.AwooddaGarsoorka:

Maadaama Garsoorku u baahan yahay dib u habayn waafaqasan Dastuurka iyo inla sugo Madaxbannaanidiisa,kana dhawrsanaado faragelin uga timaada laamaha kale ee dowladda,waxaa lagama maarmaan ah:

A.. In si deg deg ah loo ansixiyo xubnaha GolahaAdeegga Garsoorka ee horyaalan Golaha Shacabka;

B. In si degdeg ah Golaha Shacabka u dhammeystiro Sharciga lagu

dhisayo Guddiga Madaxabannaan ee Xuquuqul Insaanka iyo in la soo dedejiyo magacaabista xubnihiisa;

c. In si deg deg ah loo dhammeystiro Sharciga lagu dhisayo Maxkamadda Dastuuriga ee hadda horyaala Guddiga Cadaaladda ee Golaha Shacabka iyo ansixinta xubnaha Maxkamadda Dastuuriga ah;

D. In si deg deg ah loo magacaabo Kormeere Garsooreed (Judicial Inspector) oo ilaaliya hufnaanta adeegga Garsoorka iyo go’aannada garsooreyaalka,si waafaqsan Qod.36 Faq.2aad ee Xeerka Nidaamka Garsoorka Lr 3 ee 12/6/1962;

e. In dib‐u‐eegis lagu sameeyo Xeerka Nidaamka Garsoorka Lr.03 ee 12 Juun 1962 si loo waafajiyo Dastuurka Federaalka Soomaaliya.

F. In dib‐u‐habeynta Laanta Garsoorka iyo dib‐u‐eegis lagu nidaaminayo meeleynta garsoorayaasha iyo howlwadeennada laanta garsoorka oo si degdeg ah loo fuliyo si waafaqsan Qodobka 118 (5) ee Dastuurka iyo Qodobka 5 (2) iyo (3) ee Sharciga lagu dhisay Guddiga Adeegga Garsoorka oo Golaha Shacabku ansixiyey 30 Juun 2014.

: HABRAACA FULINTA QAYBTAN WAXAA U XILSAARAN

Wasaaradda Cadaaladda:

Soo diyaarinta Hindise Sharciyeedka Dib‐u‐eegista Nidaamka Garsoorka ka qeybgelidda marxaladaha ansixinta hindiseyaalka Maxkamadda Dastuurka

Iyo QaraarkaXubnaha Guddiga Madaxabannaan ee Adeegga Garsoorka.

Wasaaradda Haweenka iyo Xuquuqul Insaanka:

Ka qeybgelidda marxaladaha ansixinta hindisaha sharciga lagu dhisayo Guddiga Mad axabannaan ee Xuquuqul Insaanka iyo Qaraarka ansixinta Xubnaha Guddiga Madaxaba nnaan ee Xuquuqul Insaanka.

Xafiiska R/Wasaaraha:

Isuduwidda iyo howlgelinta Wasaaradaha kor ku xusan.

Guddiga Cadaaladda, Awqaafta iyo Arrimaha Diinta ee Golaha Shacbiga:

Diyaarinta warbixinta akhrinta 2aad,3aad iyo ansixinta ee Hindisaha Sharciga lagu dhi sayo Maxkamadda Dastuuriga –diyaarinta Qaraarka ansixinta Xubnaha Guddiga Maxka madda Dastuurka iyo Qaraarka ansixinta Xubnaha Guddiga Madaxabannaan ee Adee gga Garsoorka.

FG:arrimahan waa in lagu dhameystiraa inta lagu gudajiro Kalfadhiga 7aad Ee Golaha.

Guddiga Xuquuqul Insaanka ee Golaha Shacabka:

Dhammeystiridda warbixinta akhrinta 3aad ee Hindisaha Sharciga lagu Dhisayo Gudd iga Madaxabannaan Ee Xuquuqul Insaanka –Diyaarinta Qaraarka ansixinta Xubnaha Guddiga Madaxabannaan ee Xuquuqul Insaanka.

FG: howlgalkan waa in la fuliyaa inta lagu gudajiro Kalfadhiga 7aad ee Golaha Shacab ka.

Qaybta 3aad:Hay’adaha Difaaca, Amniga iyo Nabadsugidda:

1. In Guddiga Amniga Qaran loo dhiso si waafaqsaan Qod.

111H ee Dastuurka, degdegnaloo soo saaro Sharciga lagu dhisayo magacaabidda Gud diga;

2. In dib‐u eegis dhab ah lagu sameeyo shuruucda ay ku dhisan yihiin Ciidamada Qala bka Sida, oo ay ka mid yihiin Xoogga Dalka Soomaaliyeed,

Ciidanka Booliska Qaranka,Ciidanka Asluubta iyo Hay’adda Sirdoonka iyo Nabadsugi dda Qaranka si loo waafajiyo Dastuurka Federaalka iyo baahidda iyo duruufaha dalka hadda ku sugan yahay;

3. Dhammaan Ciidamada Qalabka sida in lagu sameeyo tirakoob sax ah oo casriye ysan (biometric), laguna maamulo daahfurnaan, dhawrista iyo u kala dambeynta darajoo yinka iyo talinta sharciga, dhexdhexaadnimo xagga siyaasadda, laguna tababaro dha qan gelinta dastuurka ilaalinta iyo kaydinta

hubka,sharciyadda dalka iyo heshiisyada caalamiga oo ay qayb ka tahay JFS, si waafqasan Qod.127 ee Dastuurka; 4. Dib‐u‐eegis dhab ah lagu sameeyo magacaabista xilalka talisyada Ciiadamada Qalabka Sida iyo hoggaamadooda,si waafaqsan Sharuu cda ay ku dhisan yihiin iyo Xeerka Nidaamka Xukuumadda, laguna saleeyo aqoon iyo khibrad iyadoo magacaabista jagooyiinka sare sida Taliyeyaasha Ciidamada iyo Ku‐

xigeennadooda la horgeeyo Golaha Xukuumadda, laguna soo saaraa Faafinta Rasmiga ee Jamhuuriyadda;

5. In la dhiso guddiyo kormeer rayad ah oo

Hubiya xaaladaha dadka ku jira xabsiyada iyo dadka ku xiran saldhigyada Booliska iyo hay’adaha amniga, iyo in ay ormeeraan dadka rayadka ah ee ku sugan deegaannada colaada ka jirta si waafqsan Qod.

126 (6) Ee Dastuurka; 6. In la dejiyo nidaam siyaasadeed ee amni iyo difaac ku waja han sida ay Dowladdu dib ugu hanan lahayd sugidda amniga iyo difaaca dalka iyo in dib‐ u‐eegis lagu sameeyo heshiiska SOMA 2007 oo ay ciidamada AU ku joogaan dalka; 7. In si degdeg ah loo dejiyo Sharci habeeya Ilaalada gaarka ah oo ay iska leeyihiin (Private Security) Shirkado Soomaali iyo kuwo ajanabi ahba leh si xogtooda, howlgala dooda iyo xadgudubyada ay galaanna looga warhayo;

HABRAACA FULINTA QAYBTAN WAXAA U XILSAARAN:

• Wasaaradda Amniga Qaranka:

Soo diyaarinta iyo dib‐u‐eegista sharciyada khuseeya Hay’adaha Amniga Qaranka Hindise Sharciyeedka dhisidda Guddiga Amniga

Soo diyaarinta dib‐u‐eegista Sharuucda lagu dhisay Booliska Qaranka iyo Hay’adda Sird oonka iyo Nabadsugidda Qaranka Hindise Sharciyeed lagu dhisay Guddiga Rayadka ah ee Hubinta iyo Kormeerka Xaaladaha dadka xiran–dejinta nidaam Siyaasadeed u wajah an sida Dowladdu dib‐u‐hanato sugidda AmnigaDalka‐in tira koob sax ah oo casriyeysan (biometric) lagu sameeyo Ciidanka Booliska Soomaaliyeed–dejinta Hindise Sharciyeed lagu maamulo Ilaalada gaarka loo leeyahay…

Lasoco qeybta kale berry insha allaah

XILDHIBAAN CABDULLAAHI GOODAX BARRE OO KU TILMAAMAY SHAR CI DARRO MAAMUL U SAMEYNTA GOBOLADA HIIRAAN IYO SH/DHEXE

Xildhibaan Cabdullaahi Goodax Barre ayaa ku tilmaamay sharci darro maamul u sameynta labada gobol ee Sh/dhexe iyo Hiiraan.

Goodax Barre oo ka soo jeeda gobolka Hiiraan isla markaana hore u soo noqday wasiirka Arrimaha Gudaha ayaa sheegay in dowlada Federalka aysan ku bixin wax dadaal ah sida ay ugu bixisay dhismada gobolada Koofur Galbeed Soomaaliya iyo gobolada dhexe ee dalka.

"Gobolada Koofur Galbeed Soomaaliya waxaa ka jiray dad kala aaminsanaa saddex gobol iyo lix gobol dowladuna waa ay la hadashay sidoo kale gobolada dhexe waxaa lagala tashaday arrimaha maamul u sameynta maamulka Ximan iyo Xeeb,Ahlu Sunna iyo Maamulkii Galmudug halka arrimaha Hiiraan iyo Sh/dhexe lagala tashaday labada guddoomiye”ayuu yiri xildhibaan Goodax Barre.

Xildhibaan Goodax Barre ayaa hore dhaliilo ugu soo jeediyay dowlada Federalka waxana uu ka mid yahay ragga ugu cadcad ee Mooshinka ka keenay Madaxweyne Xasan Sheekh Maxamuud.

Arrimaha maamul u sameynta labada gobol ee Hiiraan iyo Sh/dhexe ayaa dib u dhac uu ku yimid qorshihii ay wasaarada arrimaha gudaha hore ugu talogashay ayaa noqday mid aan suurtogalin.

 

MARKABKII UGU HORREEYAY OO SHALAY KU XIRTAY DEKEDDA MAGAALADA XUDEYDAH EE DALKA YEMEN

Saraakiisha dekedda magaalada Xudeyda ee Yemen ayaa shaaca ka qaaday manta in markabkii ugu horreeyay uu kusoo xirtay dekedda, kaasoo ay sheegeen inuu sidi shidaal ay baahi weyn u qabaan, laakiinse dowladda Sucuudiga ayaa sheegtay inaysan jirin gargaar ay badda u marisay Yemen.

Qaramada Midoobay ayaa sheegtay in dalka Yemen ay ka jirto xaalad bani’aadamnimo oo aad u daran, iyadoo gargaarkii dalkaas la gaarsiin lahaa ay carqalad ku noqdeen colaadaha waddankaas ka socda.

Sidoo kale, saraakiisha dekedda Xudeyda ayaa intaas ku daray inay laba Markab oo kale oo sida shixnado isugu jira; qamadi iyo alwaax, kuwaasoo ay sheegeen inay meel ku how dekedda ku sugan yihiin.

Waxay saraakiishu intaa raaciyeen in markabka shalay kusoo xirtay dekedda Xudeydah uu soo socday muddo saddex maalmood ah, ayna jiraan 60markab oo kale oo ku sugan badweynta, kuwaasoo ay sheegeen inay sugaya in loo ogolaado inay kusoo xirtaan dekedda.

Saraakiisha hay’adaha garaarka caalamka ayaa iyaguna sheegay in sababta daahinaysa inay maraakiibta gargaarka wada soo gaaraan dekedaha Yemen ay tahay baarista ku sameeyaan maraakiibta ciidamada isbahaysiga uu Sucuudigu hoggaaminayo oo ka baaraya hub.

Afhayeenka isbahaysiga uu Sucuudigu hoggaaminayo, Jen. Ahmed alAsseri oo isna warbaahinta la hadlay ayaa sheegay inaysan jirin iskuday ay ku horistaageen maraakiibta ku socda dekedda Xudeydah.

"Waxaan u sheegnay maraakiibta shidaalka sida inay ku xigtaan dekedda Cadan, laakiinse maraakiib raashinka iyo waxyaabaha kale wada ay dekedda Xudeydah ku xirtaan. Waayo gargaarka waxaan doonaynaa in la gaarsiiyo shacabka ay dhibaatadu haysato,” ayuu yiri jen. alAsseri.

Isbahaysiga uu hogaaminayo dalka Sucuudiga ayaa ilaalo ka haya badda cas si ay uga hortagaan in xukuumadda Iiraan ay hub ah u soo dirto kooxaha Xuuthiyiinta ah ee dagaallada kula jira ciidamada xukuumadda Yemen.

Dhanka kale, Jen. alAsseri ayaa sheegay inaysan maraakiibta gargaarka wada ku sameyn baaritaanno, sida kuwa sita calaamadaha Bisha Cas iyo QM, balse ay baaraan maraakiibta sida madaxabannaan u socda.

Ugu dambeyn, hadalka afhayeenka isbahaysiga ayaa imaanaya iyadoo kooxaha Xuutiyiinta ah ay ogolaadeen in dagaalada ay joojiyaan ayna ka qaybgalayan wadahadallada nabadeed ee ay garwadeenka ka tahay Qaramada Midoobay.

MADAAFIIC LALA DHACAY DHISMAHA SAFAARADDA RUUSHKA UU KU LEE YAHAY MAGAALADA DAMASCUS

Ugu yaraan laba madfac, ayaa gudaha ugu dhacday Dhismaha Safaaradda Ruushka ee ku taala Magaalada Damascus Ee Xarunta Wadanka Syria.

Xilli bannaanbax lagu taageeraayay taageerada Ruuskha uu u fidinaayo Xukuumadda Damascus, ayaa madaafiicdaasi lagu weeraray Safaaradda, iyadoona uu ka dhashay khasaarooyin kala duwan, inkastoo aan la aqoon inta uu gaarsiisan yahay.

Dowladda Ruushka, ayaa waxay xaqiijisay in madaafiic lagu soo weeraray Safaaradeeda ku taala Damascus, laakiin faah faahin dheeri ah kama aanay bixin khasaaraha ka dhashay duqeymahaasi.

Wasiirka Wasaaradda Arrimaha Dibadda Ruushka, Sergei Lavrov oo si kooban kaga hadlay weerarkan, ayaa wuxuu ku sheegay weerar argagaxiso, sida uu yiri.

Warbaahinta Syria, ayaa tebisay inaanu jirin qof ku dhintay duqeymahaasi, laakiin ay jiraan dad ku dhaawacmay iyo burbur Safaaradda ka soo gaaray duqeymahaasi.

Illaa iyo hadda ma jirto cid sheegatay masuuliyadda duqeymahaasi, laakiin waxaa suurta gal ah in ay ka dambeeyen Islaamiyiinta dagaalka adag kula jira Dowladda Bashar alAssad.

Ruushka, ayaa laba toddobaad ka hor iclaamiyay in uu si toos ah ugu biirayo dagaalada ka soconaya Syria, iyadoona uu si cad uu kaga horyimid dadaalada lagu doonayo in meesha looga saarayo Madxweyne Bashar alAssad.

SADDEX QOF OO YAHUUD AH OO SHALAY LAGU DILAY MAGAALADA QUDUS, IYADOO 20 KALANA LAGU DHAAWACAY

Saddex qof oo Israeli ahaa, ayaa waxaa shalay siyaabooyin kala duwan loogu dilay Magaalada Qudus, ee dhulka reer Falastiin, balse ay xoogga ku haysato Yahuudda.

Laba qof oo dadkan ka mid ahaa, ayaa lagu dilay weerar lagu qaaday gaari bas ahaa, halka 20 kalana ay ku dhaawacantay. Nin Falastiini ahaa ayaa rasaas oodda kaga qaaday dadkaasi, halka mid kalana uu toorey uu si saf ah ula dhex maray.

Qofka saddexaad ee lagu dilay Magaalada Qudus, ayaa u geeriyooday toorey uu la dhacay nin Falastiini ahaa, gudaha Magaaladaasi.

Booliska Israel, ayaa sheegay in toogasho lagu dilay labadii nin ee Falastiiniga ahaa ee baska weeraray, waxayna sheegeen inay xakameynayan weerarada isa soo taraaya ee dadka reer Falastiin gaysanayan.

Ra’iisal Wasaaraha Israel, Benjamin Netanyahu, ayaa shalay shir deg deg ah isugu yeeray Golahiisa Wasiirada, si ay kaga arrinsadan xiisadda adag ee soo korortay.

Isku celcelis tirada Yahuudda ee lagu dilay dhulka xoogga lagu haysto, ayaa gaaraysa toddobo qof, halka 20 ka badana lagu dhaawacay. Sidoo kale 20 Falastiini ahaa, ayaa lagu dilay xiisadda kala dhaxaysa Israel, halka tiro intaasi ka badana lagu dhaawacay.

Dadka reer Falastiin, ayaa hubkooda ugu weyn ee ku dagaalamayan Yahuudda waxa uu yahay toorey ama mindi, halka Yahuuddu ay adeegsanayan rasaasta nool nool iyo midda cinjirkaba

 

CIIDAMADA MAAMULKA GALMUDUG OO LA WAREEGAY DEEGAANKA CAMAARO EE GOBOLKA MUDUG ..

Ciidamada maamulka Galmudug ayaa la wareegay shalay oo Talaado ah deegaanka Camaaro ee gobolka Mudug, kaddib dagaal kooban oo ku dhexmaray ciidamada Galmudug iyo xoogagii Alshabaab ee deegaanka gacanta ku hayay.

Deegaanka Camaara oo 180km dhinaca Bari kaga beegan degmada Cadaado ee gobolka Galguduud ayay Alshabaab qabsadeen ayaa la wareegay dhowr maalmood ka hor, iyagoo aan la kulmin wax iskacaabin ah.

Aadan Cabdi Cumar [Aadan Low] oo ka mid ah saraakiishii hoggaaminayay ciidamadii la wareegay Camaara ee Galmudug ayaa u sheegay VOAda in dagaalka oo ahaa mid kooban uu kaga dhaawacmay hal askari, balse aanu ogeyn khasaaraha dhanka kale soo gaaray.

"Dagaal kooban ayaa na dhexmaray ciidamadeenna iyo kuwii Alshabaab, laakiinse Alshabaab way isaga baxeen deegaanka Camaara innaga ayaa gacanta si buuxda ugu hayna," ayuu yiri Aadan Low oo aan sheegin khasaaraha rasmiga ah ee dagaalka ka dhashay.

Sidoo kale, sarkaalkan ayaa u sheegay idaacadda VOAda inay xoogaggii Alshabaab ay aadeen dhanka degmada Xarardheere oo ka tirsan gobolka Mudug oo ay markii horeba ka yimaadeen.

Ugu dambeyn, Alshabaab ayaan weli ka hadlin ka bixitaankooda deegaanka Camaara iyo la wareegista ay shalayy aroortii la wareegeen ciidanka maamulka Galmudug ee gobollada dhexe ka taliya.

KENYA OO CIIDAMO BADAN SOO DHOOBTAY XADKA U DHAXEEYA DALALKA SOMALIYA IYO KENYA..

Ciidamo badan oo Kenyatti ah ayaa la soo dhoobay xadka u dhaxeeya dalalka Somaliya iyo Kenya, waxaana sababta arintaan ka dambeyso la sheegay inay tahay Haweenay ka shaqeysa Hay'ad gar gaar, sidoo kalena ah macalimad oo daraad Xeryaha Dhadhaab laga soo afduubtay.

Ciidamadan la soo dhoobay xuduuda ayaa la sheegayaa inay ka hortagayaan in haweenaydaasi aanan loola soo talaabin dhanka Somaliya, iyadoo Kenya aaminsan haweenaydaasi inay afduubteen rag ka tirsan Ururka Al Shabaab.

Judy Mutua oo ah haweenayda la afduubtay ayaa u shaqeysa Hay’ada Windle Trust International, waxaana lala afduubtay wadihii gaarigeeda, iyadoo dableyda hubaysan ay ka tageen gaarigii ay wadatay haweenaydaasi.

Inkastoo weli Ururka Al Shabaab wax war ah uusan ka soo bixin oo xaqiijinaya ama beeninaya arinta ku saabsan inay ka dambeeyeen Shabaabka afduubkaan, ayaa hadana Dowladda Kenya waxa ay sheegaysaa inay Shabaab ka dambeeyaan afduubkaan.

Ciidamada ku sugan xuduuda, ayaa shalay baaritaano adag halkaasi ka bilaabay, iyaga oo ku jira ciidanka feejignaan sare.Inta badan dadka u shaqeeya Hay’adaha ee laga soo qafaasho Xeryaha Dhadhaab ee dalka Kenya, ayaa lala soo aada dhanka Somaliya, waxaana badi afduubyada noocaasi ah fuliya Ururka Al Shabaab.

Ammaanka Gobolka Waqooyi Bari ee dalka Kenya ayaanan wanaagsan oo waxaa kuwada hardamaya Shabaab iyo ciidanka Kenya.

SHIL GAARI OO KA DHACAY SHABELLAHA DHEXE ..

Ugu yaraan 10 Qof ayaa ku dhaawacantay shalay Shil Gaari oo ka dhacay inta u dhaxaysa Ceel Macaan iyo Ceel cadde oo ka wada tirsan Gobolka Shabellaha Dhexe.

Gaari Nuuca Soomaalidu ay u taqaano Biigii ayaa ku qalibmay Meel u dhaw Degaanka Ceel macan gaar ahaan dhanka Xiga Ceelcadde.

Dadka ku dhaawacmay ayaa la dhigay Isbitaalka Keydsaney ee Magaalada Muqdisho oo dhaawacooda la soo gaarsiiyay.

Goobjooge ku sugnaa Goobta ayaa KNN u sheegay in dadka Dhaawacyada ah ay iskugu jiraan kuwo Culus iyo kuwo Fudud,haddana Isbitaalka Keydsaney lagula Tacaalayo Xaaladooda Caafimaad.

XUKUUMADDA UGANDA OO SHEEGTAY INAY LASOO BIXI DOONTO CIIDAMADEEDA KU SUGAN KOONFURTA SUDAN

Ciidamada Uganda ee ku sugan Koonfurta Suudaan ayaa lagu wadaa inay billaabaan dhamaadka toddobaadkan inay ka baxaan dalkaas, sida uu sheegeay taliyaha ciidamada Uganda, iyadoo ay tani muhiim u tahay wadahadalka dhanka nabadda ah oo dhexmara mucaaradka iyo xukuumadda waddnkaas, kaasoo kaabaya heshiis ay labada dhinac kala saxiixdeen bishii August ee sannadkan.

Hoggaamiyaha mucaaradka waddanka Koonfurta Sudan ayaa shalay BBCda u sheegay in heshiiskii ay la galeen xukuumadda uusan shaqeyn karin, taasina ay keenayso in mar kale ah gacmaha iskula tagaan xoogaggooda iyo ciidamada dowladda Koonfurta Suudaan.

Dagaalladii sokeeye ee ka qarxay dalka Koonfurta Suudaan bishii December ee sannadkii 2013kii ayaa waxaa ku dhintay in ka badan kumannaan qof oo rayid u badan.

Taliyaha ciidamada Uganda, Jen. Katumba Wamala ayaa isagana warbaahinta u sheegay in ciidamada Uganda ee ku ugan dalka ay dariska yihiin ee South Sudan ay kasoo baxayaan dalkaas illaa 01da bisha November ee sannadkan.

Sidoo kale, wasiir u dowlaha arrimaha dibadda ee Uganda, Henry Okello Oryem ayaa isna warsaxaafadeed uu soo saaray ku xusay in faragelintii ciidanka Uganda ay ku sameeyeen Koonfurta Suudaan ay ahayd sidii looga hortegi lahaa in dalkaas uusan ka dhicin xasuuq.

Xukuumadda Uganda ayaan marna shaacin tirada ciidamada kaga sugan dalka Koonfurta Suudaan, kuwaasoo ay u diratay dalkaas si ay u xoojiyaan ciidamada madaxweyne, Salva Kiir oo dagaallo kula jiray xoogagga mucaaradka ah.

Balse, ciidamada Uganda ayaa la sheegay inay deggenaayeen saldhig oo dalkaas ku yaalla, kuwaasoo ay ka mid yihiin; garoonka diyaaradaha magaalada Juba ee xarunta Koonfurta Suudaan, Nesitu oo ku taalla koonfurta xarunta dalkaas iyo saldhigooda ugu weyn oo ku yaallay magaalada Bore, kaasoo saldhig u ahaa ciidammo lagu qiyaasay 3,500 oo askari.

Jen. Johnson Oloni oo ah taliye koox ka mid ah mucaaradka South Sudan ayaa warbaahinta u sheegay inay billaabayaan dagaalladii ay kula jireen xukuumadda Juba, isagoo taas sabab uga dhigay qorshe uu madaxweyne, Salva Kiir uu ku doonayo inuu ku abuuro 18 gobol oo cusub. Isagoo arrintan ku tilmaamay mid muuqata oo kalitalisnimo ah.

Dhanka kale, Jen. Oloni ayaa sheegay in xukuumaddu ay shacabka cadaadis ku hayso, isla markaana ay iyagu doonayaan inay xukuumadda ka saaraan gobollada ay dadka dhibaatada ugu geysanayaan.

Ugu dambeyn, Jen. Johnson ayaa hoggaamiyaha jabhadda Shilluk, taasoo ay ku eedeysay hay’adda Qaramada Midoobay ee UNICEF inay carruurta afduubaan oo ay u istcimaalaan dhigtaan askar ay ku agaalanto.

OGEYSIIS OGEYSIIS OGEYSIIS

OGEYSIIS MUHIIM AH OO AY KUU HEYSO THE MINISTRY OF FINANCE THE FEDERAL GOVERNMENT OF SOMALIA

 

{Tender name: Supply and Delivery of Foodstuff to the Somali Police Force}

INVITATION FOR TENDERS

IFT issue Date: 12^thOctober, 2015

Reference: SPF/001/2015

 

Tender name: Supply and Delivery of Foodstuff to the Somali Police Force

The ministry of finance now invites sealed bids from eligible and qualified candidates for supply and delivery of Foodstuff to the Somali Police Force in Mogadishu.

 

Tender documents containing detailed specifications can be obtained from the procurement office at the Ministry of Finance between8:30AM to 2:00PM

Candidates must prove that they qualify to participate in public procurement method in providing the

following documents or evidences:

 

1.Certificate of company registration, certificate issued by the ministry of commerce.

2.A declaration of certificate that the candidate have fulfilled the obligation to pay taxes a valid tax compliance certificate must be attached

3.An abstract of the candidates accounts for the last (2) two years 2013and 2014 accompanied by a bank statement for the last 12 months.

4.The supplier should have minimum three years of experience in the commodities industry, particularly agricultural commodities.

5.The winning supplier will be directed with few distribution allocations required by the user department (Police Force Logistics Department)

Bidding will be conducted using theNational Competitive Bidding (NCB) method. Bids must remain valid for a period of ninety (90) days from the date of tender opening. The completed tenders in plain sealed envelopes clearly marked "Tender Number SPF/001/2015 for Supply and Delivery of foodstuffs” for the Somali Police Force shall be addressed to the procurement department, ministry of finance at villa Somalia, Mogadishu not later than 25^th October 2015.

 

The bidders MUST comply with all the instructions and rules of the tender and particularly to ensure that all the forms required are properly completed.

 

Tenders will be opened immediately thereafter the deadline, in the presence of tenders’ representatives who choose to attend the bid opening meeting 26^th October at 10:00AM in the ministry of finance procurement office.

Interested bidders must deliver their bids in written form to the address below (in person, or by mail) not later than 25^thOctober 2015 at 2:00PM. Late bids will be rejected.

Please make sure you address your bids at the following address provided below:

 

Procurement Department

The Ministry of Finance, Villa Somalia, Mogadishu, the Federal Government of Somalia.

Email: procurement.fgs@gmail.com