SAWIRRO: Saddex qof oo Yahuud ah oo maanta lagu dilay Magaalada Qudus, iyadoo 20 kalana lagu dhaawacay

Visits: 879
(Rating 0.0/5 Stars) Total Votes: 0
0 0
Share via Social Media

SAWIRRO: Saddex qof oo Yahuud ah oo maanta lagu dilay Magaalada Qudus, iyadoo 20 kalana lagu dhaawacay

Saddex qof oo Israeli ahaa, ayaa waxaa maanta siyaabooyin kala duwan loogu dilay Magaalada Qudus, ee dhulka reer Falastiin, balse ay xoogga ku haysato Yahuudda.

Share

Saddex qof oo Israeli ahaa, ayaa waxaa maanta siyaabooyin kala duwan loogu dilay Magaalada Qudus, ee dhulka reer Falastiin, balse ay xoogga ku haysato Yahuudda.

Laba qof oo dadkan ka mid ahaa, ayaa lagu dilay weerar lagu qaaday gaari bas ahaa, halka 20 kalana ay ku dhaawacantay. Nin Falastiini ahaa ayaa rasaas oodda kaga qaaday dadkaasi, halka mid kalana uu toorey uu si saf ah ula dhex maray.

Qofka saddexaad ee lagu dilay Magaalada Qudus, ayaa u geeriyooday toorey uu la dhacay nin Falastiini ahaa, gudaha Magaaladaasi.

Booliska Israel, ayaa sheegay in toogasho lagu dilay labadii nin ee Falastiiniga ahaa ee baska weeraray, waxayna sheegeen inay xakameynayan weerarada isa soo taraaya ee dadka reer Falastiin gaysanayan.

Ra’iisal Wasaaraha Israel, Benjamin Netanyahu, ayaa maanta shir deg deg ah isugu yeeray Golahiisa Wasiirada, si ay kaga arrinsadan xiisadda adag ee soo korortay.

Isku celcelis tirada Yahuudda ee lagu dilay dhulka xoogga lagu haysto, ayaa gaaraysa toddobo qof, halka 20 ka badana lagu dhaawacay. Sidoo kale 20 Falastiini ahaa, ayaa lagu dilay xiisadda kala dhaxaysa Israel, halka tiro intaasi ka badana lagu dhaawacay.

Dadka reer Falastiin, ayaa hubkooda ugu weyn ee ku dagaalamayan Yahuudda waxa uu yahay toorey ama mindi, halka Yahuuddu ay adeegsanayan rasaasta nool nool iyo midda cinjirkaba.