Habeenkii Sabtida Isbuucii aynu soo dhaafnay ayaa labadan nin lagala baxay Hotelka Uunlaaye oo ay ka shaqeynaayen sida ay xaqiijiyeen masuuliyiinta Maamulka Hotelka, waxaana la baxay ciidamo ka tirsan kuwa Puntland.

Nabadoon Yaasiin Cabdisamad oo ah Maamulaha Hotelka Uunlaaye ayaa sheegay in raggaan laga kaxeystay Hotelka ayna wateen ciidamo ka tirsan kuwa Puntland, isaga oo sheegay durbadiiba arintaasi inuu ku wargeliyay Taliye ku xigeenka Qaybta Booliska Gobolka Mudug, si arintaasi wax looga qabto.

"Waxaan la xiriiray Taliyaha Qaybta Booliska oo aan ku idhi falkaas ayaa Hotelka ka dhacay waxna nalama soo socodsiin, waa tii Hotelka agtiisa Shil uu ka dhacay cid wax na weydiisayna malahan labadaasi nin oo Shaqaalaha ah ayaa ciidanka ay la tageen Taliye ogoow ayaan ku idhi, laakiin wuxuu iigu jawaabay wax hadeer Boolis ahaan howlgalkaasi aan amar ku siinay ma jiraan, laakiin Hay’ado kale oo Dowlada leedahay oo baaris wada inay jiraan ayaa suuragal ah ayuu igi yidhi.” Sidaasi waxaa yiriNabadoon Yaasiin Cabdisamad oo ah Maamulaha Hotelka Uunlaaye

Masuuliyiinta Maamulka Gobolka Mudug ee Puntland oo arintaan ka hadlay ayaa sheegay inaysan garan karin sababta iyo cida dishay ragaasi.

Waxaa xusid mudan xilliga ay dhacaan falalka lidiga ku ah dhanka ammaanka in si gaar ah deeganada Puntland loogu beegsado dadka Oromada ah iyo dadka ka soo jeeda Koonfurta Somaliya.

Ciidanka raggaan kala baxay Hotelka ayaa la sheegay inay yihiin ciidan ka tirsan kuwa Maamulka Puntland oo labadan nin uga shakiyay inay wax ka ogaayeen Qaraxii Ismiidaaminta ee ka dhacay afaafka Hore ee Hotelka Uunlaaye 31-kii Bishii March, taasina waxa ay keentay in dil qorsheysan ay ciidamada u geystaan labadan ruux.

Ninka Oromada ah ayaa la sheegay muddo fog inuu ku noolaa Magaalada Gaalkacyo, Xaaskiisa iyo caruurtiisana ay ku sugan yihiin Magaaladaasi.