Wadooyinka Muqdisho oo saaka qaarkood xiran, ciidamo badana lagu arkaayo

Visits: 586
(Rating 0.0/5 Stars) Total Votes: 0
0 0
Share via Social Media

Wadooyinka Muqdisho oo saaka qaarkood xiran, ciidamo badana lagu arkaayo

Waxaa saaka xiran wadooyinka qaar ee Magaalada Muqdisho, iyadoo ay ku sugan yihiin ciidamo badan oo ka tirsan Dowladda Federalka Somaliya.

Share

Waxaa saaka xiran wadooyinka qaar ee Magaalada Muqdisho, iyadoo ay ku sugan yihiin ciidamo badan oo ka tirsan Dowladda Federalka Somaliya.

Waddooyinka isku xira Isgoyska Km-4, Tarabuunka, Warshadada, Banaadir waxaa ku sugan ciidamo Milatari ah oo diidaya in halkaasi ay isticmaalaan dadka iyo gaadiidka.

Shacabka ayaa ah kuwo lugeynaya, waxaana dadka qaar ay kuu sheegayaan in ay ku soo talagaleen saaka in goobahooda ganacsiga iyo waxbarashada ay lug ku tagaan.

"Annaga maanta waan kusoo talagalnay in la lugeynayo sababtoo ah 12ka April in ciidanka xoogga dalka dabaaldegayaan waan ognahay waddooyinkana la xirayo, sanadkii hore ayaa sidaan oo kale loo xiray waddooyinka marka xalay ayaanba ku seexannay in gaadiid la helaynin” sidaasi waxaa inoo sheegay mid ka mid ah dadka ku lugeynayey magaalada Muqdisho.

Ciidamada Milatariga ayaa inta badan ku sugan waddooyinkan xiran waxayna dadka u ogolaanayaan oo kaliya inay maraan waddooyinka yar yar ee ku dhow laamiyada.

Sababta wadooyinka Magaalada Muqdisho ay u xiran yihiin ayaa maanta oo ku beegan 12-ka April oo ah maalintii la aas-aasay ciidamada Xooga dalka Somaliyed oo ay ka soo wareegatay 56-sano.