Jasiirada Malta ee wadanka Talyaaniga waxaa markii ugu horeysay muddo ka badan 20-sano gaaray Danjirihii ugu horeeyay ee Soomaali ah, iyadoo boqolaal Soomaali ah ay halkaasi ku dhoweeyeen. Ambassador Maxamed Cali Ameeriko ayaa casuumaad ka helay jaaliyadda Soomaalida Malta degan, isagoona horay u sheegay inuu booqanayo jasiiradaasi, wuxuuna Soomaalida kala hadlay dhibaatada tahriibka iyo dalalka Yurub ee ay naftooda u biimeynayaan inuu u dhaamo dalkooda.

Danjire Cali Ameeriko oo maalmahaan sii joogaya jasiirada Malta, ayaa booqanaya xeebaha ay sida weyn ugu dhammaandeen muhaajiriinta.

Sidoo kale Danjire Cali Ameeriko ayaa kulamo la qaadanaya saraakiil ka tirsan Dowladda Talyaaniga, anagoo socdaalkiisa wixii warar ah ee ku soo kordha idiin soo gudbin doona.

Xubno ka tirsan jaaliyadda Soomaalida Malta ayaa ku ammaanay Danjire Cali Ameeriko waxqabadkiisii mudadii uu xilka safiirnimo hayay, iyagoona ku tilmaamay inuu booqasho taariikhi ah ku tegay jasiirada Malta.

Dhinaca kale wixii warar ah ee ku soo kordha socdaalka Safiirkii hore ee Soomaaliya u fadhiyay dalka Kenya wararkeena dambe ayaan idinkugu soo gudbineynaa.

XIGASHO :-SOMALIWEYN.COM