Afhayeenka Wasaaradda Arrimaha Dibadda Iiraan Xuseen Jaabir Ansaari ayaa heegay in aysan waxba ka jirin wararkaas, isagoo ugu baaqay Xukuumadda inay faah faahin ka bixiyaan xariga labada muwaadin ee Muqdisho ku xiran.

Waxaa uu sheegay in labadaas ruux loo xiray is faham la’aan, isagoo tilmaamay Safaaradda Iiraan ay arrintan toos ugala xiriireen, waxaana uu ugu baaqay dowladda inay sii deyso muwaadiniintaas.

Safaaradda Iiraan ee magaalada Muqdisho ayaa la sheegay inay ka dalbaday dowladda Federaalka in la sii daayo raggaas u xiran hey’adaha ammaanka dowladda.

Hey’adda Nabadsugida Qaranka ayaa sheegay in todobaadkii hore ay Muqdisho ku xireen labo nin Iiraaniyiin ah oo faafinayay Madhabta Shiicada, waxaana labadaas nin oo markii hore sheegay inay yihiin Diblomaasiyiin la ogaaday in aysan aheyn, isla markaana ka diiwaan gashaneyn Wasaaradda Arrimaha Dibadda.