Qarax ayaa Kolonyo ay la socdeen Ciidamada AMISOM waxaa lagula eegtay wada u dhexeysa Ceymiska iyo Carafaat ee degmada Yaaqshid. Wararka ayaa sheegaya in qaraxa khasaaro uu ka soo gaaray Ciidamada AMISOM laakiin aan la ogeyn xadigeeda sababo markii qaraxu dhacay oo Ciidamada Afarta Gees ay rasaas u fureen , dadkii ka ag dhawaa nawaaxigaasna ay meesha isaga carareen.

Hayeeshee Goob Joogayaasha waxa ay sheegeen in indhahooda ay qabteen Gaari Booyad ah oo qaraxu haleelay taas oo gubaneysay.

Ma jirto cid sheegatay Masuuliyadda Qaraxaasi laakiin Al Shabaab ayaa horay looga bartay qaraxyo nuucaasi ah oo ay la eegteen Gawaarida Ciidamada AMISOM ay saaran yihiin.

Sidoo kale ma jiro wax war ah oo Taliska AMISOM ay uga warbixiyeen Qaraxaasi lagula eegtay Kolonyadooda Magaalada Caasimadda ah ee Muqdisho.