Kulankooda ayaa lagu doonayaa in xal looga gaaro colaadda ka taagan magaalada Gaalkacyo ee u dhexeysa Puntland iyo Galmudug.

Cabdi-weli Maxamed Cali Gaas iyo Cabdi-kariim Xuseen Guuleed ayaa maanta qorshuhu yahay in ay ku kulmaan Magaalada Gaalkacyo, iyadoo ay goobta kulanka joogi doonaan Ra’iisul wasaare Sharmaake, Xubno wasiirrada iyo Baarlamaanka Soomaaliya ka tirsan, Madaxda Maamullada kale ee hadda jira.

Dadaalada lagu heshiisiinayo madaxda Puntland iyo Galmudug waxaa qeyb ka ah Ra’iisul wasaare Sharmaake, Madaxweynaha Jubba iyo Kan Koonfur Galbeed.

Kulankaas ayaa la rajeynayaa in uu soo Afjaro Colaadda Magaalada Gaalkacyo oo Toddobaadkii 2-aad mareysa.