Dekedda Kalluumeysiga Hobyo oo xarigga laga jaray (SAWIRRO)
Madaxweyne Kuxigeenka Galmudug, Cali Daahir Ciid ayaa maanta xarigga ka jaray Dekedda Kalluumeysiga Degmada Hobyo ee Gobolka Mudug.
Mashruucan ayaa waxaa iska kaashaday Dowlad Goboleedka Galmudug iyo Dowladda Talyaaniga, iyadoona ay dekedan adeegsan doonaan kalluumeysatada deegaanka.
Munaasabadda furitaanka Dekedda Kalluumeysiga Hobyo ayaa waxaa ka qaybgalay Wasiiro iyo Xildhibaano Heer Federaal & Heer Dowlad Goboleed, Maamulka Gobolka Mudug, Maamulka Degmada Hobyo, xubno ka kala socday Safaaradda Talyaaniga & Hay’adda WFP, shirkadda fulisay mashruucan iyo xubno kale.
Wasiirka Dekedaha & Kalluumeysiga Galmudug, Cabdisaabir Nuur Shuuriye ayaa munaasabadda ka sheegay in mashruucii weynaa ee lagu dhisayay Dekedda Hobyo u gebo-gabo ku dhowyahay.
Wasiirka Amniga Galmudug, Axmed Macalin Fiqi ayaa dhankiisa sheegay in mashruuca lagu dhisay Dekedda Kalluumeysiga Hobyo uu waxtar u leedahay dhaqaalaha dadka deegaanka iyo guud ahaan Galmudugba.
"Mashruuca dekedan kalluumeysiga ayaa waxtar badan u leh kordhinta nolosha iyo dhaqaalaha dadka reer Hobyaad iyo Galmudug, guud ahaan.” Ayuu yiri Wasiir Fiqi.
Dekedda Kalluumeysiga Hobyo oo xarigga laga jaray (SAWIRRO)
...