Tillerson ayaa ah madixii hore ee shirkadda Exxon Mobil Gudiga calaaqaadka dibadda u qaabilsan aqalka Senetka ee dalka Maraykanka ayaa u codeeyay in Rex Tillerson uu noqdo wasiirka arrimaha dibadda ee dalka Maraykanka iyadoo ay aad isugu dhawaayeen dadka u codeeyay iyo kuwa ka soo horjeeday, inkastoo ay jiraan walaac laga qabo calaaqaadka ganacsi ee uu Ruushka la leeyahay.

Xisbi ahaan ayay u qaybsameen gudigu 11 xubnood ee xisbiga Jamhuurigu waxay u codeeyeen in Rex uu noqdo xoghaya arrimaha dibadda halka dhamaan 10 kii xubnood ee xisbiga Dimuqraadiguna ay ka soo horjeedsadeen. Codaynta kama dambaysta ahna waxaa u qaadi doona aqalka Senetka oo ay aqlabiyaddiisa haystaan xisbiga Jamhuurigu.