Abshir Bukhaari ayaa helay codad gaaraya 30 cod, halka Xildhibaan Dhagdheer uu helay codad gaaraya 22 cod.
Xildhibaanada Aqalka Sare ee codeynaayay ayaa tiradooda waxa ay gaaraysaa 52 Xildhibaan.
Abshir Bukhaari oo doorashadiisa kadib ka hadlay Madasha, ayaa sheegay inuu ku faraxsan yahay Xilka maanta ay u doorteen Xildhibaanada Aqalka Sare, wuxuuna sheegay inuu la imaanaayo wax qabad wanaagsan.
Xildhibaan Cabdi Dhuxulow Dhagdheer oo ah Xildhibaankii laga guuleystay ayaa sheegay inuu ku faraxsan yahay doorashada maanta dhacday ee Abshir Bukhaari uu ku guuleystay Xilka.
GUDDOOMIYE KUXIGEENKA LABAAD EE AQALKA SARE OO LA DOORTAY
waxaa Magaalada Muqdisho lagu soo gaba gabeeyay Doorashadii Guddoomiyaha Aqalka Sare iyo Labadiisa Kuxigeen oo Shalay ka dhacday Magaalada Muqdisho.
Mowliid Xuseen Guhaad oo helay 28 Cod ayaa ku Guuleystay Guddoomiye Kuxigeenka Laba d ee Aqalka Sare, wuxuuna ka adkaaday C/kaafi Macalin Xasan oo helay 24 Cod.
Guddoomiye iyo guddoomiye ku xigeennada Golaha Aqalka Sare ee dalka oo la doortay shalay
Guddoomiyaha Aqalka Sare ee Baarlamaanka ayaa waxaa ku guuleystay Xildhibaan Cabdi Xaashi C/laahi ka dib markii uu helay codad gaaraya 43-cod iyadoo ay codeeyeen 52-xildhibaan oo ka mid ah xubnaha Aqalka Saree e dalka.