Weerarka hore ayaa ka dhacay agagaarka suuqa weyn ee degmada Wadajir ee Gobolka Banaadir kadib markii kooxo bastoolado ku hubeysan ay halkaas ku toogteen askari ka tirsanaa ciidanka nabad sugida iyo qof la socday, Kooxda dilka fulisay ayaa goobta isaga baxsatay waxaana ay horey usii qaateen qori uu watay askariga la dilay.

Dhanka kale, Kooxo hubeysan ayaa xalay xaafada bangaariyada ee degmada hodan ee Gobolka Banaadir waxay ku toogteen labo qof oo shacab ah sida dadka degaanku ay sheegayaan, waxaana goobta isaga baxsaday ragii dilka fuliyay.

Afhayeenka Maamulka Gobolada Banaadir C/fitaax Cumar Xalane oo warbaahinta la hadlay ayaa sheegay in Ciidamo amaanka dowladda Soomaliya ay ku raad jogaan rag lagu tuhmaayo dilalka xalay ka dhacay.