Dhibaato Hor Leh: Hector Bellerin Oo Seegaya Kulanka Bayern Munich Ee Caawa Yaase Badali Doona?
Kooxda Gunners waxey caawa marti ku tahay cariga Jarmalka iyadoo halkaas u joogta iney guuleysato si ay u nooleyso rajada ay ka qabto usoo bixitaanka wareega 16-ka balse dhibaato hor leh ayaa lasoo daristay markii daafacooda da’da yar Hector Bellerin la xaqiijiyay inuu seegi doono kulankaan.
Gunners Bogga ay ku leedahay twitter-ka ayey ku xaqiijisay in Bellerin uu dhaawac ku seegi doono kulankaan iyadoo badalkiisa loo wacay Jeff Reine-Adelaide.
Dhanka kale Arsene Wenger ayaa ciyaartoydiisa uga digay iney u adkeysan waayaan cadaadiska xooga leh ee kaga imaan doona xidigaha Bayern Munich, sidoo kalana aaminsan in Debuchy uu kasoo bixi karo booskaas.
"Waan ku kalsoonahay waana aaminsahahay isaga, jir ahaan waa mid aad u diyaarsan” Ayuu yiri Arsene Wenger.
"Waxaan u baahanahay inaan soo bandhigno qaab ciyaareedkii aan sameynay kulankii lugta hore” Ayuu hadalkiisa ku daray.
"Waxaan rajeynayaa in Bayern ay kubad weerar ah ciyaari doonto isla markaana ay isku dayi doonto iney cadaadis saarto”
Dhibaato Hor Leh: Hector Bellerin Oo Seegaya Kulanka Bayern Munich Ee Caawa Yaase Badali Doona?
Arsenal ayaa dhibaato hor leh ay lasoo daristay iyadoo hector Bellerin uu seegi doono kulanka caawa ay Allianz Arena ku wajahi doonaan Bayern Munich.