Doorashada oo caawa fiidkii bilaabatay ayaa buuq iyo gacan ka hadal ka dhashay, kaddib markii uu soo gaba gaboobay wareegii hore ee codeynta.

Kursigan ayaa waxaa ku tartamayay Wasiirka Dhalinyarada iyo isboortiga Maxamed Xasan Nuur iyo Labo Musharax oo kale.

Wareega hore ayaa Wasiirka Dhalinyarada looga cod badiyay, isagoo uu helay 21 cod, halka Musharaxa kale uu helay 23 cod, Musharaxa saddexaad ayaa wareega koowaad ku haray, isagoo helay 7 cod.

Intaas kaddib ayaa loo baahday wareeg labaad, si ay u kala baxaan labada Musharax ee ugu codka badnaa, waxaana kadib goobta ka dhacday buuq iyo gacan ka hadal.

Warar ay heleyso Jowhar.com ayaa sheegaya in Wasiirka Dhalinyarada uu ka baxay hoolka doorashada, kaddib markii uu ogaaday in hadii uu Tartami lahaa laga adkaanayo, taasoo keentay in buuq iyo gacan ka hadal uu dhaco, waxaana kaddib la damiyay Korontada.

Wararka qaar ayaa sheegaya in is rasaaseynta ay u dhaxeyso Ilaalada Wasiirka Dhalinyarada iyo Ilaalada Musharaxa kale ee la tartamayay.

Rasaasta ayaa la ogeyn khasaaraha ay sababtay, waxaana khal khal weyn ay ku abuurtay ergadii ku jirtay hoolka iyo dadka ku nool xaafadaha Jowhar.

Isgaarsiinta Jowhar ayaa ah mid aad u adag, waxaana la ogeyn khasaaraha ka dhashay is rasaaseynta caawa ka socota afaafka hore ee xarunta doorashada

Wixii faahfaahin ah goor dhow kala soco jowhar.com

xigasho:jowhar.com