UNHCR ayaa ku doodeysa in uusan jirin amni la isku halayn karo dalka Soomaaliya oo ay weli halis ku yihiin ururka Alshabaab. Sidoo kale Qaramada Midoobay waxa ay sheegtay Qaxootiga ku nool Norway in ay hada heystaan nolol wanaagsan oo aysan dooneyn in ay dib ugu soo laabtaan Soomaaliya, ilaa dalka uu ka noqdo amaan.
Wasiirka Socdaalka ah ee Dowladda Norway ayaa waxa ay sheegtay in hada ay wadaan qorshe dib loogu soo celinayo 1,600 oo ruux oo qaxootiSoomaali ah.
Dowladda Norway ayaa horey waxa ay u sheegtay in ay soo celineyso Qaxootiga Soomaalida ah ee ku nool Dalka Norway, iyadoo dadka Soomaalida ah ee aan sharciga haysan kuna nool dalka Norway ay kumanaan gaarayaan.
Warkan ka soo baxay UNHCR ayaa ku soo beegmaya iyadoo dowlada Kenya ay muddo lix bilood ah ku kordhisy waqtigii ay u qabatay inay ku xireyso xerada qaxootiga ugu weyn caalamka ee Dhadhaab halkaa oo ay ku nool yihiin qaxooti Soomaali ah oo tiradoodu ka badan tahay saddex boqol oo kun.
UNHCR oo ka codsatay dalka Norway in ay ka laabato dib u celinta qaxootiga Soomaalida
Hay'ada u qaabilsan Qaramada Midoobay Qaxootiga UNHCR ayaa ugu baaqday dowladda Norway in ay ka laabato go'aanka dib loogu celinayo qaxootiga Soomaalida ah wadankooda.