Ku simaha Madaxweynaha ahna Madaxweyne kuxigeenka dowlad goboleedka Hirshabeelle Cali C/llaahi Xuseen (Cali Guudlaawe) oo maanta shir jaraa'id ku qabtay xafiiskiisa ayaa ku baaqay in si shuruud la'aan loo joojiyo dagaalka ka socda magaalada Gaalkacyo.
Mr Cali Guudlaawey ayaa ugu baaqay maamulada Puntland iyo Galmudug
in si nabad ku xaliyaan dagaalka, isla markaana aan loo hor-seedin
bulshada walaalaha bur bur iyo barakac.
"Waxaa ku baaqayaa in dagaalka la joojiyo, dad hal deegaan ku wada
nool oo wiil iyo abtigii ah inay is dagaalaan wax wanaagsan ma ahan,
waxaa ugu baaqayaa Maamulada Galmudug iyo Puntland inay si shuruud
la’aan ah ku joojiyaan dagaalka”ayuu yiri Ku simaha Madaxweynaha ahna
Madaxweyne kuxigeenka Hirshabeelle.
Ku simaha Madaxweynaha ahna Madaxweyne kuxigeenka ayaa sheegay in
dadka ku wada nool Gaalkacyo ay yihiin dad walaalo ah oo aan kala
tageyn, isla markaana aanay habooneyn in lagu dul dagaalamo.
"Deegaan dad looga kiciyay oo dad kale degay lama arag, dadka waa
walaalo, waana isla jirayaan waligood meel lagu kala tagi maayo, waxaa
codsaneynaa in dagaalka la joojiyo”ayuu yiri Madaxweyne kuxigeenka
Hirshabeelle.
Baaqyo is-daba joog ah ayaa loo jeedinayay maamulada Puntland iyo
galmudug dagaalka ku dhex maraya magaalada Gaalkacyo, kaasoo ay ku
barakaceen illaa 50 kun oo ruux.
Ku simaha Madaxweynaha Maamulka Hirshabeelle oo baaq u diray maamulada Puntland iyo Galmudug
Ku simaha Madaxweynaha ahna Madaxweyne kuxigeenka dowlad goboleedka Hirshabeelle Cali C/llaahi Xuseen (Cali Guudlaawe) oo maanta shir jaraa'id ku qabtay xafiiskiisa ayaa ku baaqay in si shuruud la'aan loo joojiyo dagaalka ka socda magaalada