Tiradii ugu badneyd oo ku geeriyootay tareen ku qalibmay dalka Cameroon + Sawirro
Waxaa sii kordhaya qasaaraha ka dhashay tareen ku qalibmay magaalada Yaunde ee caasimada dalka Cameroon, iyadoo dadka ku geeriyoodeen ku dhowaad 100-ruux kaddib markii uu tareenka ka baxay xadiidkii uu marayay.
Wadada uu shilka ka dhacay degmada Eseka oo 120-Km dhinaca galbeed ka xigta caasimada dalka Cameroon ayaa waxaa ku sii qulqulaya shaqaalaha gurmadka iyo dadweyne fara badan kuwaasi oo gurmad u fidinaya dadka waxyeelada ka soo gaartay tareenka qalibmay.
Tirada dadka ku dhaawacmay ayaa iyana sidoo kale sii kordheysa, iyadoo ilaa iyo iminka inta la xaqiijiyay ay gaarayaan ku dhowaad 600-qof, kuwaasi oo qaarkood xaaladoodu aad u liidato.
Qaar ka mid rakaabkii saarnaa tareenka ayaa ku hoos jira burburka tareenka, iyadoo weli si rasmi ah loo shaacin guud ahaan qasaaraha ka dhashay tareenkaasi.
Tiradii ugu badneyd oo ku geeriyootay tareen ku qalibmay dalka Cameroon + Sawirro
Waxaa sii kordhaya qasaaraha ka dhashay tareen ku qalibmay magaalada Yaunde ee caasimada dalka Cameroon, iyadoo dadka ku geeriyoodeen ku dhowaad 100-ruux kaddib markii uu tareenka ka baxay xadiidkii uu marayay.