Madaxweynaha maamul goboleedka Mudug iyo Galgaduud C/Kariim Xuseen Guuleed iyo xubno ka tirsan dowladiisa ayaa socdaal degdeg ah ugu kictimay magaalada Muqdisho, iyadoo garoonka diyaaradaha Gaalkacyo ka raacay diyaarad gaar ah. Madaxweyne Guuleed ayaa socdaalkiisa waxaa ku wehlinaya xubno ka tirsan Dowladiisa, taasi oo sababtay qaraxyadii saakay ka dhacay Hotelka Saxafi oo ay ku geeriyoodeen xildhibaano iyo madax kala duwan oo ka tirsan dowladda federaalka dhexe ee dalka.

Sida ay sheegayaan ilo wareedyo aan ka helnay magaalada Gaalkacyo madaxda maamul goboleedka Galmudug ayaa ka qeyb gelaya aas Qaran oo Muqdisho loogu sameynayo xubnaha dowladda ka tirsan ee ku geeriyooday qaraxa Hotel Saxafi.

Socdaalka degdegta ah ayaa yimid ka dib markii xubnaha qaraxa ku geeriyooday asal ahaan ka soo jeedaan degaanada Galmudug kuna jira dowladda federaalka Soomaaliya, waxaana socdaalka Madaxweyne C/Kariim ku wehliya Jan. Cabdi Xasan Cawaale oo xubno kale oo sarsare.